بەيسەنبى, 28 ناۋرىز 2024
جاڭالىقتار 2867 0 پىكىر 5 قاراشا, 2013 ساعات 05:21

ەلباسىنىڭ داۋىسى ەستىلدى. ەندى ەلدىڭ ءۇنى ەلباسىعا جەتسە ەكەن

قانداي وتكىر ماسەلە بولسادا ءيىن جۇمسارتىپ، وقىرمان مەن كورەرمەنگە قاتارداعى جايتتىڭ ءبىرى ەتىپ جاريالاۋعا داعدىلانىپ قالعان رەسمي اقپارات كوزدەرى پرەزيدەنتتىڭ كەشەگى ءسوزىن  «مەملەكەت باسشىسى نۇرسۇلتان نازارباەۆ پرەزيدەنت اكىمشىلىگىنىڭ قىزمەتىن جەتىلدىرۋ ماسەلەلەرىنە ارنالعان كەڭەس وتكىزدى» دەپ سىپايىلاۋدا. دۇرىسى ەلباسى ءوزىنىڭ اپپاراتىن باسقاراتىن لاۋازىم يەلەرىن كارىم ماسىموۆتەن باستاپ ءبارىن سويىپ سالدى. بۇنى انشەيىندە بەت-اۋىزى كۇلكىگە كەنەلىپ وتىراتىن كارىم قاجىمقانۇلىنىڭ كۇرەڭىتىپ كەتكەن جۇزىنەن بايقاۋعا بولاتىن ەدى. ءماسىموۆتىڭ ورىنباسارى باعىلان مايلىباەۆ تا ەڭسەسىن تىكتەپ وتىرا المادى. ويتكەنى، پرەزيدەنت قاتتى قىنجىلىپ سويلەدى. الايدا، مەملەكەت باسشىسىنىڭ بۇل رەتتەگى ءسوزى دە تەلەارنالاردان «ءتۇتىلىپ» شىققانعا ۇقسايدى.

قانداي وتكىر ماسەلە بولسادا ءيىن جۇمسارتىپ، وقىرمان مەن كورەرمەنگە قاتارداعى جايتتىڭ ءبىرى ەتىپ جاريالاۋعا داعدىلانىپ قالعان رەسمي اقپارات كوزدەرى پرەزيدەنتتىڭ كەشەگى ءسوزىن  «مەملەكەت باسشىسى نۇرسۇلتان نازارباەۆ پرەزيدەنت اكىمشىلىگىنىڭ قىزمەتىن جەتىلدىرۋ ماسەلەلەرىنە ارنالعان كەڭەس وتكىزدى» دەپ سىپايىلاۋدا. دۇرىسى ەلباسى ءوزىنىڭ اپپاراتىن باسقاراتىن لاۋازىم يەلەرىن كارىم ماسىموۆتەن باستاپ ءبارىن سويىپ سالدى. بۇنى انشەيىندە بەت-اۋىزى كۇلكىگە كەنەلىپ وتىراتىن كارىم قاجىمقانۇلىنىڭ كۇرەڭىتىپ كەتكەن جۇزىنەن بايقاۋعا بولاتىن ەدى. ءماسىموۆتىڭ ورىنباسارى باعىلان مايلىباەۆ تا ەڭسەسىن تىكتەپ وتىرا المادى. ويتكەنى، پرەزيدەنت قاتتى قىنجىلىپ سويلەدى. الايدا، مەملەكەت باسشىسىنىڭ بۇل رەتتەگى ءسوزى دە تەلەارنالاردان «ءتۇتىلىپ» شىققانعا ۇقسايدى.

جالپى، نۇرسۇلتان ءابىشۇلىنىڭ ايتقانى قالىڭ ەلگە اقوردادان رەداكتسيالانىپ «اتتاناتىنى» ءبىر بۇل ەمەس. ول كىسىگە اقيقاتتىڭ جەتپەي جاتاتىن كەزدەرى دە از كەزدەسپەيدى. مىسال كەرەك پە؟ مىسالى، جاڭاوزەندەگى مۇنايشىلار تابان اقى، ماڭداي تەرىنىڭ تولەمىن سۇراپ قينالعان كۇندەرى سول كەزدەگى ماڭعىستاۋ وبلىسىنىڭ اكىمى قىرىمبەك كوشەرباەۆ ەلباسىنىڭ ەسىگىنە جەتە الماي، ەل مۇڭىن ەستىرتە الماي اقوردانىڭ اۋلاسىنان قايتقانى قازىر ءسوز بولىپ ءجۇر. بۇل – ەلباسىنىڭ قۇلاعىنا ۋاعىندا جەتپەي جارتى جولدا  «جازىم كەتكەن» كۇرمەۋى قيىن كوپ ءىستىڭ ءبىرى عانا. وسى ۋاقىتقا دەيىن قانشاما شىندىق اقوردانىڭ اۋلاسىنا ەنبەي، ەنسە دە ەڭسەسى ەزىلىپ كەرى قايتتى دەسەڭىزشى. سونىڭ دەنىن پرەزيدەنت اكىمشىلىگىن باسقارعان، باسقارىپ كەلە جاتقان جانى اياۋلى «تۇلعالار» جاسايدى. شاماسى، ولار الدىمەن پرەزيدەنتتى اشۋلاندىرىپ الماۋدى ويلايدى. ول كىسى جادىراپ جۇرسە، قالعاندارىنىڭ «ماڭىراپ» جۇرگەندەرىنە جاقسى. باس اپپاراتتىڭ تىزگىنى قولىنا تيگەن ادامعا اكىم-قارالار مەن مينيسترلەردىڭ، ۇلتتىق كومپانيا باسشىلارىنىڭ باسى قالتاق، ءجۇزى جالتاق بولىپ كەلەتىنى سوندىقتان. ءسويتىپ ءبىر-بىرىمەن اششى ىشەكتەي شۇباتىلىپ، قان-جىنى ارالاسقان قاۋىم قازاقتىڭ وڭاي شەشىلەتىن شارۋاسىن قيىنعا سالىپ، ەلدى جىلاتىپ، ەلباسىن الداۋدان تيىلار ەمەس. وسى جولى پرەزيدەنت ءوزىنىڭ ءۇنى اقوردانىڭ اقمارمار قابىرعاسىنا سوعىلىپ، قالىپ قوياتىندىعىن قاپىسىز اڭعارعان سياقتى: «مەن ايتقان سىن بويىنشا تەك «تۇرعىنۇي-قۇرىلىسجيناقبانكىنىڭ» جاعدايى جونىندەگى دەرەكتەر عانا ايتىلدى، وزگە ەشقانداي اقپارات بولعان جوق. ءتىپتى بۇل رەتتە مەنىڭ تاراپىمنان ايتىلعان سىننىڭ ءبىر بولىگى گازەت بەتتەرىندە دە كورىنىس تاپپاعان جانە تەلەەفيردەن دە بەرىلمەگەن»، - دەپ توتەسىنەن كەتتى. ەستەرىڭىزدە شىعار، پرەزيدەنت   قازان ايىندا ۇكىمەتتىڭ كەڭەيتىلگەن وتىرىسىن وتكىزىپ، ناقتى ىسكە جاۋاپتى لاۋازىم يەلەرىن تۇرعىزىپ قويىپ بىرقانشا سىن ايتقان. سونىڭ ءبىرلى-جارىمى  ءۇزىلىپ-جۇلىنىپ تەلەارنالاردان كورىنىس تاپتى. گازەتتەر جاتتاندى جىلتىر سويلەمدەر شەگىنەن ءارى اسقان جوق. ال، ونداي قىزۋى جوعارى «قىزىق» وتىرىستارعا Abai.kz سايتىنىڭ تىلشىلەرىن جىبەرمەيدى. سونىمەن، بۇلدا  كوپ بۇرق-سارقتىڭ ءبىرى بولدى عوي دەپ جۇرگەنبىز. جوق، ولاي بولمادى. ەلباسى ءوزىنىڭ اكىمشىلىگىن سىنعا الدى. بۇنىسى جاقسى. ەندى ەلباسى ەل داۋىسىنا دا قۇلاق ءتۇرىپ وتىرسا، قۇبا-قۇپ بولار ەدى. ماسەلەنكي، ۇلت پاتريوتتارى ءتىل ماسەلەسىن 20-25 جىلدان بەرى زار يلەپ ايتۋمەن كەلەدى. ايتقاندا ايدالاعا لاقپاي دالەلدى-دايەكتى تۇردە ايتۋدا. مىنە، ايجارىمنان استى «حالىقتىڭ كوشى-قونى» تۋرالى زاڭ جوباسى قاتتى تالقىلانۋدا.  زاڭ بەكىپ كەتسە، ەلباسى ءوزى باستاعان قازاق كوشى مۇلدەم توقتاپ، توقىراپ قالماق. قۇداي-اۋ،  ۇلتتىق مازمۇنى تەرەڭ وسىنداي ىستەر بۇگىنگى قازاق قوعامىندا تولىپ جاتىر عوي، تولىپ جاتىر. سونىڭ قاي-قايسىنادا پرەزيدەنت دەن قويىپ، پارمەن بەرسە، بىتپەيتىن، تياناق تاپپايتىن ءىس جوقتىڭ قاسى. نەگە؟ سەبەبى، پرەزيدەنت نازارباەۆتىڭ ءوزى ايتپاقشى، «قازىر قازاق ماسەلەسىنە ەشكىم سىرتتان ارالاسىپ بۇيرىق تۇسىرمەيدى، قولدان قاقپايدى». پرەزيدەنت توقسانىنشى جىلداردىڭ باسىنان بەرى وسىلاي دەپ كەلەدى. ەندەشە، نە تۇرىس؟ بىراق قازاقتىڭ زاماناۋي مەملەكەت قۇرعانىن، ۇلت بولىپ ۇيىسقانىن قالامايتىن كۇشتەر الدەبىر ساياساتكەرسىماقتار مەن ەلباسىنا جاقىن، تۋىس ادامداردىڭ، ەلباسىنا ىقپالى جۇرەتىن ادامداردىڭ اۋزىمەن، ءىس-ارەكەتىمەن كەدەرگى كەلتىرىپ، كەر باعۋدا. ايتسەدە، ايتەۋىر اقوردادان ەلباسىنىڭ ءۇنى ەلگە جەتتى. ەندى ەلدىڭ تىلەگى ەلباسىنىڭ قۇزىرىنا جەتسە ەكەن. «ەشتەن كەش جاقسى» دەگەن، ء بىز وسىلاي ويلايمىز.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530