25 تامىز كۇنى اقتاۋ قالاسىندا الەۋمەتتىك شيەلەنىستىڭ الدىن الۋ جانە   الەۋمەتتىك-ەڭبەك داۋلارىن شەشۋ بويىنشا تاجىريبە الماسۋ جونىندەگى  وڭىرلىك سەمينار ءوز جۇمىسىن باستادى. ترەنينگكە 100-گە جۋىق ادام  مەملەكەتتىك ورگاندار،  كاسىپورىن باسشىلارى، كاسىپوداقتار مەن وبلىستاعى قوعامدىق ۇيىمداردىڭ، ەڭبەك ۇجىمدارىنىڭ وكىلدەرى قاتىستى دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

 25 تامىز كۇنى اقتاۋ قالاسىندا الەۋمەتتىك شيەلەنىستىڭ الدىن الۋ جانە   الەۋمەتتىك-ەڭبەك داۋلارىن شەشۋ بويىنشا تاجىريبە الماسۋ جونىندەگى  وڭىرلىك سەمينار ءوز جۇمىسىن باستادى. ترەنينگكە 100-گە جۋىق ادام  مەملەكەتتىك ورگاندار،  كاسىپورىن باسشىلارى، كاسىپوداقتار مەن وبلىستاعى قوعامدىق ۇيىمداردىڭ، ەڭبەك ۇجىمدارىنىڭ وكىلدەرى قاتىستى دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

سەميناردى اشقان وبلىس اكىمى اليك ايدارباەۆ ەڭبەك زاڭناماسىنا سايكەس جۇمىسشىلارعا ولاردىڭ قۇقىقتارى مەن مىندەتتەرىن ءتۇسىندىرۋدىڭ ماڭىزدىلىعىن، جۇمىس بەرۋشىلەردىڭ، مەملەكەتتىك ورگاندار مەن كاسىپوداقتار قوزعالىسىنىڭ جاقىن سەرىكتەستىگىنىڭ قاجەتتىلىگىن اتاپ ءوتتى.
- ماڭعىستاۋ وبلىسىنىڭ  كاسىپورىندارىنداعى ەڭبەك قاتىناستارىنىڭ قاشاندا وڭاي بولماعاندىعىن ەلىمىزدىڭ جانە ايماقتىڭ ءىرى  كاسىپورىندارىندا  جۇمىس ىستەگەن ادام رەتىندە ايتا الامىن. مىسالى، اعىمداعى جىلدىڭ باسىنان باستاپ وبلىسىمىزدا جۇمىسشىلاردىڭ ەڭبەكاقىنى كوتەرۋ، ەڭبەك جانە الەۋمەتتىك پاكەت جاعدايىن جاقسارتۋ تۋرالى تالاپتارى قويىلعان التى ەڭبەك داۋى ورىن الدى. داۋلى ماسەلەلەردى شەشۋ ءۇشىن بارعان جەرلەردە ءبىز قۇقىقتى مويىنداماۋشىلىق، كومپانيالارعا جۇمىسشىلار جالداۋ  مەن بيزنەس-جوبالاردى ىرىكتەۋدە اشىقتىقتىڭ بولماعانىن، كومپانيا باسشىلارىنىڭ ناقتى ءىس بارىسى جانە جۇمىسشىلار مۇددەلەرىمەن حاباردار بولماۋى ءتارىزدى جايتتەرگە تاپ بولدىق. وسىعان بايلانىستى سىزدەردى جۇمىسشىلاردى جۇمىسقا قابىلداۋ جانە كادرلىق ساياساتتى مەيلىنشە جاريا جۇرگىزۋگە شاقىرامىن. جۇمىسشىلارعا ءوز ەڭبەكاقىلارىنىڭ قالاي جانە نەدەن جيناقتالاتىنىن ءتۇسىندىرۋ كەرەك، - دەپ اتاپ ءوتتى ماڭعىستاۋ وبلىسىنىڭ اكىمى اليك ايدارباەۆ.
سونداي-اق اليك ايدارباەۆ كاسىپورىندار مەن مەملەكەتتىك ورگاندار باسشىلارىنا «وندىرىستەگى جۇمىس جاعدايى تۋرالى تىكەلەي اقپارات الۋ ءۇشىن ۇجىممەن بەتپە-بەت» كەزدەسۋلەردى تۇراقتى تۇردە وتكىزۋ جونىندە ۇسىنىس جاسادى.
الەۋمەتتىك شيەلەنىستىڭ الدىن الۋ جانە الەۋمەتتىك-ەڭبەك داۋلارىن شەشۋ جونىندە الەۋمەتتىك ارىپتەستىك ورتالىعىنىڭ باس ديرەكتورى نۇرلان ەرىمبەتوۆ،  قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتىنىڭ ديرەكتورى كەنجەبەك ساناباەۆ، قر كاسىپوداقتار  فەدەراتسياسى توراعاسىنىڭ ورىنباسارى قايرات اماندىقوۆ، ماڭعىستاۋ وبلىسىنىڭ كاسىپتىك وداقتار ۇيىمى كەڭەسىنىڭ توراعاسى ابدىكارىم احاتوۆ،  «سەنىم «الەۋمەتتىك ارىپتەستىك جانە مەدياتسيا ورتالىعى» جەكە مەكەمەسىنىڭ باسشىسى گۇلسيما بەرجانوۆا ءوز تاجىريبەلەرىمەن ءبولىسىپ،  ۇسىنىستارىن ايتتى.

 Abai.kz