بەيسەنبى, 28 ناۋرىز 2024
جاڭالىقتار 3061 0 پىكىر 24 قىركۇيەك, 2013 ساعات 10:03

12 مىڭ ادام جۇمىس تاپپاق...

شىعىس قازاقستان وبلىسىندا قۇنى 62,4 ميلليارد تەڭگە بولاتىن تولىق تسيكلدى اۆتوزاۋىتتىڭ جانە اۆتوكومپونەنتتەر ءوندىرىسى بويىنشا تەحنوپاركتىڭ قۇرىلىسىنا بايلانىستى ءىرى جوبا ىسكە اسىرىلۋدا. اتاپ وتەرلىك جايت، جوبا رەسپۋبليكالىق يندۋستريالاندىرۋ كارتاسىنا ەنگەن.

مۇنىمەن قوسا، ول قازاقستان رەسپۋبليكاسى مەن رەسەي فەدەراتسياسى پرەزيدەنتتەرىنىڭ قولداۋىنا يە بولعان. قازاقستان مەن رەسەيدىڭ ءىح وڭىرارالىق ىنتىماقتاستىق فورۋمى بارىسىندا جاڭا ءاۆتووندىرىس قۇرىلىسىنىڭ نەگىزگى باعىتتارى مەن كورسەتكىشتەرىن انىقتايتىن مەموراندۋمعا قول قويىلعان-دى.

زاۋىتتىڭ قۇرىلىسى باستالىپ تا كەتتى. ءوندىرىس ورنى ءۇشىن 306 گەكتار جەر تەلىمى ءبولىندى. وسى جىلى جالپى سوماسى 597 ميلليون تەڭگەنىڭ قۇرىلىس-مونتاج جۇمىستارىن ورىنداۋ جوسپارلانعان. بۇىنگى تاڭدا ناقتى شىعىندار بۇل سومادان ارتىپ، 1 ميلليارد تەڭگەگە جەتىپ وتىر: تەحنيكالىق-ەكونوميكالىق نەگىزدەمە ازىرلەنۋدە، جوبالاۋ جانە ىزدەستىرۋ جۇمىستارى جۇرگىزىلۋدە، قۇرىلىس تەحنيكاسى ساتىپ الىنعان، ۋاقىتشا كوممۋنيكاتسيالار تارتىلعان.
ەستەرىڭىزگە سالا كەتسەك، 18-قىركۇيەكتە استانا قالاسىندا ۇكىمەت باسشىسى سەرىك احمەتوۆتىڭ توراعالىعىمەن ەلىمىزدەگى اۆتوموبيل ونەركاسىبىن دامىتۋ ماسەلەلەرى جونىندە جينالىس وتكەن بولاتىن. اتالمىش باسقوسۋدا نەگىزگى ماسەلە - شىعىس قازاقستانداعى اۆتوزاۋىت قۇرىلىسىنىڭ ىسكە اسىرىلۋ بارىسى تالقىلاندى.

شىعىس قازاقستان وبلىسىندا قۇنى 62,4 ميلليارد تەڭگە بولاتىن تولىق تسيكلدى اۆتوزاۋىتتىڭ جانە اۆتوكومپونەنتتەر ءوندىرىسى بويىنشا تەحنوپاركتىڭ قۇرىلىسىنا بايلانىستى ءىرى جوبا ىسكە اسىرىلۋدا. اتاپ وتەرلىك جايت، جوبا رەسپۋبليكالىق يندۋستريالاندىرۋ كارتاسىنا ەنگەن.

مۇنىمەن قوسا، ول قازاقستان رەسپۋبليكاسى مەن رەسەي فەدەراتسياسى پرەزيدەنتتەرىنىڭ قولداۋىنا يە بولعان. قازاقستان مەن رەسەيدىڭ ءىح وڭىرارالىق ىنتىماقتاستىق فورۋمى بارىسىندا جاڭا ءاۆتووندىرىس قۇرىلىسىنىڭ نەگىزگى باعىتتارى مەن كورسەتكىشتەرىن انىقتايتىن مەموراندۋمعا قول قويىلعان-دى.

زاۋىتتىڭ قۇرىلىسى باستالىپ تا كەتتى. ءوندىرىس ورنى ءۇشىن 306 گەكتار جەر تەلىمى ءبولىندى. وسى جىلى جالپى سوماسى 597 ميلليون تەڭگەنىڭ قۇرىلىس-مونتاج جۇمىستارىن ورىنداۋ جوسپارلانعان. بۇىنگى تاڭدا ناقتى شىعىندار بۇل سومادان ارتىپ، 1 ميلليارد تەڭگەگە جەتىپ وتىر: تەحنيكالىق-ەكونوميكالىق نەگىزدەمە ازىرلەنۋدە، جوبالاۋ جانە ىزدەستىرۋ جۇمىستارى جۇرگىزىلۋدە، قۇرىلىس تەحنيكاسى ساتىپ الىنعان، ۋاقىتشا كوممۋنيكاتسيالار تارتىلعان.
ەستەرىڭىزگە سالا كەتسەك، 18-قىركۇيەكتە استانا قالاسىندا ۇكىمەت باسشىسى سەرىك احمەتوۆتىڭ توراعالىعىمەن ەلىمىزدەگى اۆتوموبيل ونەركاسىبىن دامىتۋ ماسەلەلەرى جونىندە جينالىس وتكەن بولاتىن. اتالمىش باسقوسۋدا نەگىزگى ماسەلە - شىعىس قازاقستانداعى اۆتوزاۋىت قۇرىلىسىنىڭ ىسكە اسىرىلۋ بارىسى تالقىلاندى.

سونىمەن قاتار، پرەمەر-ءمينيستردىڭ تاپسىرماسى بويىنشا وبلىستىق اكىمدىك پەن ەكونوميكا جانە بيۋدجەتتىك جوسپارلاۋ مينيسترلىگى زاۋىت ينفراقۇرىلىمى قۇرىلىسىنىڭ جوبالىق-سمەتالىق قۇجاتتاماسىن ازىرلەۋگە قارجى ءبولۋ، ال يندۋستريا جانە جاڭا تەحنولوگيالار مينيسترلىگى اتالمىش اۆتوكولىكتەردى، ونىڭ ىشىندە سەمەي قالاسىنداعى «سەماز» زاۋىتىنىڭ اۆتوبۋستارىن دا ساتۋدى ۇيىمداستىرۋ ماسەلەسىن قاراسىتىرۋدا.

وبلىس اكىمى بەردىبەك ساپارباەۆتىڭ ايتۋىنشا، اۆتوبۋستار شىعارۋدى قولداۋعا، وتاندىق ءتاۋاروندىرۋشىنى قازاقستاندىق كاسىپورىنداردىڭ، مەكەمەلەردىڭ جانە ۇيىمداردىڭ ساتىپ الۋلارى ارقىلى قولداۋعا قاتىستى شەشىم شىعارىلدى.

اتاپ وتەرلىك جايت، جوبا الەۋمەتتىك-ەكونوميكالىق تۇرعىدا ايماق ءۇشىن عانا ەمەس، سونداي-اق، بۇكىل ەل ءۇشىن دە زور ماڭىزعا يە. ونى ىسكە اسىرۋ ەلىمىزدەگى ىشكى جالپى ءونىمنىڭ وسىمىنە وڭ ىقپال ەتەدى، 2017 جىلى ءوزىنىڭ شىرقاۋ شىڭىنا جەتىپ، 0,37 پايىزدى قۇرايدى. 2017 جىلى ساتىلىمنىڭ ارقاسىندا جالپى ىشكى ءونىمنىڭ ناقتى كولەم يندەكسىنىڭ قوسىمشا ءوسىمى 3,5 پايىزعا جەتەدى دەپ كۇتىلۋدە.

سونىمەن بىرگە، اۆتوزاۋىتتىڭ ىسكە قوسىلۋى ناتيجەسىندە 12 مىڭ تۇراقتى جۇمىس ورنى پايدا بولادى، مۋلتيپليكاتسيالىق ەففەكتىنى ەسەپكە الساق، شەكتەس سالالاردا 17460 جاڭا جۇمىس ورنى قۇرىلماق. بيۋدجەتكە تۇسەتىن سالىقتىق اۋدارىمدار 2017 جىلى 15,1 ميلليارد تەڭگەگە، ال 2022 جىلى 21,5 ميلليارد تەڭگەگە دەيىن ارتادى.

اتالمىش جوباعا الەمدەگى كولەمى جاعىنان ءۇشىنشى اۆتوموبيل توبى بولىپ تابىلاتىن «رەنو-نيسسان-اۆتوۆاز» اليانسىنىڭ قاتىسۋى دا ونىڭ ماڭىزدىلىعىن جانە كەلەشەگى زور ەكەنىن كورسەتەدى. وسى ينۆەستيتسيالىق جوبا تۇراقتى جانە تەڭگەرىمدى ەكونوميكالىق ءوسىمدى ونىڭ باسەكەگە قابىلەتتىلىگىن ارتتىرۋ جانە ءارتاراپتاندىرۋ ارقىلى قامتاماسىز ەتۋگە مۇمكىندىك بەرەدى، سونىمەن قاتار، ۇدەمەلى يندۋستريالاندىرۋ ساياساتىنىڭ ىسكە اسىرىلۋىنىڭ جارقىن ۇلگىسى بولىپ تابىلادى. جوبا قازاقستاندىق ۇلەستى ماقساتتى تۇردە ۇلعايتىپ، قايتا وڭدەۋ سالاسىن دامىتا وتىرىپ، شاعىن جانە ورتا بيزنەس ءۇشىن جاڭا مۇمكىندىكتەر اشپاق.

شىعىس قازاقستان وبلىسىنىڭ اقپاراتتىق ورتالىعى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499