تاعى ءبىر وقۋ جىلىنىڭ باستالعانىن ايگىلەپ، ايماعىمىزدىڭ بارلىق مەكتەپتەرىندە العاشقى قوڭىراۋدىڭ سىڭعىرى ەستىلدى.

«قازاقستان-2050» ستراتەگياسى: ءبىر حالىق – ءبىر ەل – ءبىر تاعدىر» ۇستانىمىن ۇران ەتكەن ءبىلىم كۇنىنىڭ مەرەكەسى وبلىس ورتالىعىنىڭ بارلىق مەكتەپتەرىندە ءوز دەڭگەيىندە تويلاندى. ال ورالحان بوكەي اتىنداعى №44 مەكتەپ ءۇشىن بۇل وقۋ جىلى قوس قۋانىشقا ءدوپ كەلىپ وتىر. قوس قۋانىشتىڭ ءبىرى – ءبىلىم وشاعىنىڭ 20 جىلدىق مەرەيتويى بولسا، ەكىنشىسى – قازاقتىڭ كورنەكتى قالامگەرى ورالحان بوكەيدىڭ 70 جىلدىق مەرەيتويى. جاڭا وقۋ جىلىن وسىنداي جاڭالىقپەن قارسى العان مەكتەپكە ايماق باسشىسى بەردىبەك ساپارباەۆ ارنايى باس سۇعىپ، مەرەكەمەن قۇتتىقتادى.

ينەمەن قۇدىق قازعانداي قيىن دا قىزعىلىقتى ىسكە بەل شەشە كىرىسكەن ۇستازدار مەن وقۋشىلارعا، ولاردىڭ اتا-انالارىنا تابىس تىلەگەن وبلىس باسشىسى ەلباسى نۇرسۇلتان نازارباەۆتىڭ تىكەلەي نازاردا ۇستاۋىنىڭ ارقاسىندا ءبىلىم سالاسىنىڭ مول جەتىستىكتەرگە جەتىپ، دۇرىس ارناعا تۇسكەنىن اتادى.

تاعى ءبىر وقۋ جىلىنىڭ باستالعانىن ايگىلەپ، ايماعىمىزدىڭ بارلىق مەكتەپتەرىندە العاشقى قوڭىراۋدىڭ سىڭعىرى ەستىلدى.

«قازاقستان-2050» ستراتەگياسى: ءبىر حالىق – ءبىر ەل – ءبىر تاعدىر» ۇستانىمىن ۇران ەتكەن ءبىلىم كۇنىنىڭ مەرەكەسى وبلىس ورتالىعىنىڭ بارلىق مەكتەپتەرىندە ءوز دەڭگەيىندە تويلاندى. ال ورالحان بوكەي اتىنداعى №44 مەكتەپ ءۇشىن بۇل وقۋ جىلى قوس قۋانىشقا ءدوپ كەلىپ وتىر. قوس قۋانىشتىڭ ءبىرى – ءبىلىم وشاعىنىڭ 20 جىلدىق مەرەيتويى بولسا، ەكىنشىسى – قازاقتىڭ كورنەكتى قالامگەرى ورالحان بوكەيدىڭ 70 جىلدىق مەرەيتويى. جاڭا وقۋ جىلىن وسىنداي جاڭالىقپەن قارسى العان مەكتەپكە ايماق باسشىسى بەردىبەك ساپارباەۆ ارنايى باس سۇعىپ، مەرەكەمەن قۇتتىقتادى.

ينەمەن قۇدىق قازعانداي قيىن دا قىزعىلىقتى ىسكە بەل شەشە كىرىسكەن ۇستازدار مەن وقۋشىلارعا، ولاردىڭ اتا-انالارىنا تابىس تىلەگەن وبلىس باسشىسى ەلباسى نۇرسۇلتان نازارباەۆتىڭ تىكەلەي نازاردا ۇستاۋىنىڭ ارقاسىندا ءبىلىم سالاسىنىڭ مول جەتىستىكتەرگە جەتىپ، دۇرىس ارناعا تۇسكەنىن اتادى.

مەرەكەلىك شارانىڭ مازمۇنى بۇل سالتاناتتى شاراعا كەلگەن قۇرمەتتى قوناقتاردىڭ دا كوڭىلىنەن شىقتى. بالالاردىڭ بال تىلىمەن ادەمى ازىلگە قۇرىلعان تاقپاقتار ايتىلىپ، اۋەزدى اندەر شىرقالدى. بۋىنسىز بۇلدىرشىندەردىڭ بيلەرى دە شارانىڭ ءسانىن كەلتىردى. ايگىلى قالامگەردىڭ اتىن العان ءبىلىم ۇياسىندا 1200 شاكىرتتى 80 مۇعالىم باۋلۋدا. مەكتەپ ديرەكتورىنىڭ وقۋ ءىسى جونىندەگى ورىنباسارى شىنار ماجينوۆانىڭ ايتۋىنشا، وسى 20 جىلدىڭ ىشىندە قالىپتاسقان يگى داستۇرلەردىڭ ارقاسىندا ۇرپاقتار ساباقتاستىعى ورناعان.

ءبىر ەمەس، ەكى مەرەيتويعا دايىندالىپ جاتقان مەكتەپتىڭ سىرتقى كەلبەتى مەن زاماناۋي جاراقتالۋىنا نازار اۋدارعان وبلىس باسشىسى ءبىلىم وشاعىنىڭ اۋماعىن تۇگەل ارالاپ شىقتى. مەكتەپ جانىنداعى جاساندى جابىنمەن قاپتالعان ۇلكەن فۋتبول الاڭىنا كوڭىلى تولعان ول ۆولەيبول الاڭىنىڭ قۇرىلىسىن شيراتا ءتۇسۋ كەرەكتىگىن ەسكەرتتى.

اباي-اقپارات