بەيسەنبى, 28 ناۋرىز 2024
جاڭالىقتار 3823 0 پىكىر 3 قىركۇيەك, 2013 ساعات 08:34

قوياندىنىڭ مەكتەبى...

1-قىركۇيەك ءبىلىم كۇنى. اسىرەسە ءبىرىنشى سىنىپ تابالدىرىعىن اتتاعان بۇلدىرشىندەر ءۇشىن ەرەكشە قۋانىش پەن شاتتىققا تولى بولعانى شىندىق. بۇل كۇنى مۇعالىمدەردىڭ دە قۇشاعى گۇلگە، جۇرەكتەرى نۇرعا تولاتىندىعى بەلگىلى.

ءبىز كەشە وسىنداي قۋانىشتى ءساتتىڭ ءبىرىنىڭ  كۋاسى بولىپ قايتتىق.

قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆتىڭ تىكەلەي تاپسىرماسىمەن  جۇزەگە اسىرىلىپ جاتقان 100 مەكتەپ 100 اۋرۋحانا باعدارلاماسى نەگىزىندە ەلىمىزدىڭ كوپدەگەن جەرلەرىندە جاڭا مەكتەپتەر بوي كوتەرىپ  سان مىڭداعان بالاعا قۋانىش-كۇلكى سىيلاۋدا. وسى ءبىر يگى باستاما نەگىزىندە استانا قالاسىنىڭ ىرگەسىندە ورنالاسقان بىرنەشە ەلدى مەكەندەر مەن تۇرعىن الاپتارىندا جاڭا مەكتەپ سالىنىپ، ءبىلىم وردالارى كەشە عانا، ياعني 2013 جىلدىڭ 1-قىركۇيەك كۇنى  پايدالانۋعا بەرىلدى. 

1-قىركۇيەك ءبىلىم كۇنى. اسىرەسە ءبىرىنشى سىنىپ تابالدىرىعىن اتتاعان بۇلدىرشىندەر ءۇشىن ەرەكشە قۋانىش پەن شاتتىققا تولى بولعانى شىندىق. بۇل كۇنى مۇعالىمدەردىڭ دە قۇشاعى گۇلگە، جۇرەكتەرى نۇرعا تولاتىندىعى بەلگىلى.

ءبىز كەشە وسىنداي قۋانىشتى ءساتتىڭ ءبىرىنىڭ  كۋاسى بولىپ قايتتىق.

قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆتىڭ تىكەلەي تاپسىرماسىمەن  جۇزەگە اسىرىلىپ جاتقان 100 مەكتەپ 100 اۋرۋحانا باعدارلاماسى نەگىزىندە ەلىمىزدىڭ كوپدەگەن جەرلەرىندە جاڭا مەكتەپتەر بوي كوتەرىپ  سان مىڭداعان بالاعا قۋانىش-كۇلكى سىيلاۋدا. وسى ءبىر يگى باستاما نەگىزىندە استانا قالاسىنىڭ ىرگەسىندە ورنالاسقان بىرنەشە ەلدى مەكەندەر مەن تۇرعىن الاپتارىندا جاڭا مەكتەپ سالىنىپ، ءبىلىم وردالارى كەشە عانا، ياعني 2013 جىلدىڭ 1-قىركۇيەك كۇنى  پايدالانۋعا بەرىلدى. 

 قوياندى ەلدى مەكەنىندە بوي كوتەرگەن جاپ-جاڭا مەكتەپ عيماراتىنىڭ الدىندا بولعان مەرەكەلىك شاراعا جينالعان اتا-انا مەن وقۋشىلاردىڭ قاراسى مول. وسىعان دەيىن قوياندىدا شەشىلمەي كەلە جاتقان تۇيتكىلدى ماسەلەلەردىڭ ءجىبى تۇزەلىپ وڭ باعىتقا وزگەرە باستاعانىنا اۋىلدىق اكىم قارالار دا تۇرعىندارى دا ءدان ريزا. جاڭا اشىلعان مەكتەپ تابالدىرىعىن اتتاپ سۋداي جاڭا پارتاعا وتىرۋعا اسىققان وقۋشىلار سالتاناتتى شارا اياقتالا سالىسىمەن مەكتەپتىڭ ىشىنە كىرۋگە اسىقتى. جۇزدەرىنە كۇلكى ۇيىرىلگەن  بالعىندارمەن ىلەسە بىزدە ىشكە ەندىك. راسىمەن زاماناۋي تالاپقا ساي سالىنعان مەكتەپ ءىشى كوزدىڭ جاۋىن الادى. بارلىعى دا بالالارعا ارنالىپ جاسالعان ىڭعايلى ءارى ىقشام.

اقساقالدار جاعى اق باتا بەرىپ جاتسا اجەلەر جاڭا مەكتەپتىڭ جاسامپازدىعى ءۇشىن ىرىم قىلىپ شاشۋ شاشتى. بۇگىندە شاشۋ تالاۋدى ەرسى كورەتىن قالا بالالارى سەكىلدى ەمەس اۋىل بالالارى ۋلاپ-شۋلاپ شاشۋعا تالاسقاندا ۇلكەندەر جاعى ءبىر ءبىرىن قۇتتىقتاپ قول الىسىپ ءتوس قاعىستىردى. كىرە بەرىستە جاڭا مەكتەپتىڭ جاڭا ديرەكتورى ءجادي شاكەنۇلىن جولىقتىرىپ سوزگە تارتتىق:

 

ءجادي شاكەنۇلى:

- وسىعان دەيىن اۋىلىمىزداعى بىردەن ءبىر مەملەكەتتىك عيمارات ەسەبىندە تۇرعان ەسكى بالاباقشانى مەكتەبىم دەپ ساناپ كەلگەن وقۋشىلارىمىزدىڭ بۇگىنگى قۋانىشىندا شەك جوق. مۇندا بالاسىن جەتەكتەپ كەلىپ جاتقان ءاربىر اتا-انا ەلىمىزگە ۇكىمەتىمىزگە العىستارىن ايتىپ قۋانىپ جاتىر. سەبەبى بۇرىنعى 9 جىلدىق مەكتەپتە بار جوعى (80) سەكسەندەي عانا وقۋشى بولعان. ال قالعاندارى تۇگەلدەي استاناعا قاتىناپ وقىپ كەلدى. ەندى مىنە مەكتەبىمىز كەڭ ءارى بارىمىزگە ورىن جەتەدى. ەڭ ءبىر قۋانارلىعى بۇگىنگى كۇنى وقۋشىلار سانى سەكسەننەن (1200) ءبىرمىڭ ەكىجۇزگە شىعىپ وتىر. بۇل ەرەكشە جاعداي.  مەنىڭ بىلۋىمشە مۇنداي جاعداي بۇرىن سوڭدى بولماعان. نەگىزى بۇل مەكتەپ وتكەن وقۋ جىلىنىڭ سوڭعى ايلارىندا پايدالانۋعا بەرىلگەن بولاتىن. بىراق تەك جعيماراتتا قۇرىلىس جۇمىستارى تۇگەلدەي اياقتالماعاندىقتان جارىم-جارتىلاي عانا اشىلعان بولاتىن. سول سەبەپتى وقۋشىلاردى دا تولىق قابىلداي المادىق. بۇگىن مەكتەبىمىزدىڭ ىشكى-سىرتقى جۇمىستارى تولىقتاي اياقتالىپ وقۋشىلاردى تۇگەل قابىلداۋعا دايىنبىز. بۇعان اۋدان جانە وبلىس اكىمشىلىگى مەن ءبىلىم مەكەمەلەرىنە مەنىڭ دە اتا-انالاردىڭ دا ريزاشىلىعى شەكسىز.  مەكتەپ تولىق پايداعا بەرىلگەندىكتەن جاڭادان مۇعالىمدەر دە قابىلداپ جاتىرمىز. بۇرىن باسقا جاقتاعى مەكتەپتەردە جۇمىس جاساپ جۇرگەن وقىتۋشىلاردىڭ كوبى بۇگىندە ءوز اۋىلىمىزدا ءوز مەكتەبىمىزدە ساباق ۇيرەتەتىن بولادى. «جاس كەلسە ىسكە»- دەمەكشى بىزدەگى مۇعالىمدەردىڭ باسىم كوپشىلىگى جاستار.  جاستاردان كوپ ءۇمىت كۇتۋگە بولادى. 

 

دينارا بەكماعامبەتوۆا:

- مەن وتە قۋانىشتىمىن! بۇگىن بالامىز العاش رەت مەكتەپ تابالدىرىعىن اتتاپ وتىر. وتكەن جىلى مەكتەبىمىز وتە كىشكەنتاي بولعاندىقتان بالالارىمىزعا دايىندىق سىنىبىن استانادان وقىتۋمىزعا تۋرا كەلدى. استاناعا قاتىناپ وقۋ وقۋشىلار ءۇشىن وتە قيىن. قىستىڭ كۇنى بوراندا جالعىز اۆتوبۋسىمىز كەيدە جۇرمەي قالادى.  كەيدە بالالارىمىز اۆتوبۋسقا سىيماي قالادا قالىپ قويعان كەزدەر دە بولعان. ەندى مىنە ءۇيىمىزدىڭ جانىنىن مەكتەپ سالىنىپ بالالارمىز ءوز اۋىلىمىزدا مەكتەپكە باراتىن بولدى. باسشىلار وسىدان بىلاي باستاۋىش سىنىپ وقۋشىلارىن تاسىمالدايتىن مەكتەپ اۆتوبۋسى دا جۇرەتىن بولادى دەپ وتىرعوي.  ول ءۇشىن جوندەلىپ جاتقان جول جۇمىستارى تەزىرەك اياقتالسا ەكەن. ءبىز قۋانىشتىمىز.

 

گۇلناز تاڭاتىرقىزى 1 سىنىپ وقۋشىسى:

- مەكتەبىم وسى كلاسسىم،

وسىندا ون جىل تۇرامىن.

تارىداي بولىپ كىرەمىن،

تاۋداي بولىپ شىعامىن. يا مەكتەپ ادەمى. ۇلكەن، جاپ-جارىق. پارتالارى دا ادەمى. بىلتىر مەن دايىندىق سىنىبىن استانادان وقىدىم. شارشادىق، مامام دا شارشادى.  ەندى مەن بىلتىرعى جىلداعىداي استاناعا بارىپ وقىمايتىن بولدىم.   مەكتەپ ۇيگە جاقىن. ءوزىم كەلىپ، ءوزىم ۇيگە بارامىن. مامام دا كىشكەنتاي ءسىڭىلىم دە شارشامايدى. منەكتپتە تەك بەستىككە وقىعىم كەلەدى.

بۇلدىرشىندەردىڭ قۋانىشىنا ورتاقتاسىپ، جاڭا مەكتەپتىڭ تۇساۋ كەسەر تويىنا قاتىسقانىمىزعا ءبىز دە قۋانىپ قايتتىق.

 

ازىرلەگەن بەردىبەك حاباي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3498