سەنبى, 15 ماۋسىم 2024
جاڭالىقتار 4110 0 پىكىر 23 تامىز, 2013 ساعات 06:14

فازىلبەك ءابساتتارۇلى. قازاقتىڭ نانى...

ادامدى ادام ەتىپ تۇرعان اس بولسا، استىڭ اتاسى ناننىڭ قادىر قاسيەتى تۋرالى ايتىپ جەتكىزۋ مۇمكىن ەمەس.  قانشاما ەل مەن جەردىڭ نانىن، ءدام تۇزىن جەپ ءجۇرىپ، انىق كوز جەتكىزگەنىم، بىردە ءبىر ەلدىڭ نانى قازاقتىڭ نانىنا تاتىمايتىندىعى. نانداردى سالىستىرۋعا بولمايدى دەسەك تە، شىرقىراپ تۇرعان شىندىقتى ايتۋ كەرەك. قازاق نانىنىڭ دامىنە دە تويىمدىلىعىنا دا ءسوز جوق، كەرەمەت. (قالبا جوتاسىنان تابىلعان ديىرمەن دالەل بولعانداي 5 مىڭ جىل بۇرىننان بەرى بيداي ەگىپ، ۇن جاساپ، نان ءپىسىرىپ جۇرگەن قازاققا ەشكىم ناننىڭ قادىرى تۋرالى ۇيرەتە الماسا كەرەك.)

ادامدى ادام ەتىپ تۇرعان اس بولسا، استىڭ اتاسى ناننىڭ قادىر قاسيەتى تۋرالى ايتىپ جەتكىزۋ مۇمكىن ەمەس.  قانشاما ەل مەن جەردىڭ نانىن، ءدام تۇزىن جەپ ءجۇرىپ، انىق كوز جەتكىزگەنىم، بىردە ءبىر ەلدىڭ نانى قازاقتىڭ نانىنا تاتىمايتىندىعى. نانداردى سالىستىرۋعا بولمايدى دەسەك تە، شىرقىراپ تۇرعان شىندىقتى ايتۋ كەرەك. قازاق نانىنىڭ دامىنە دە تويىمدىلىعىنا دا ءسوز جوق، كەرەمەت. (قالبا جوتاسىنان تابىلعان ديىرمەن دالەل بولعانداي 5 مىڭ جىل بۇرىننان بەرى بيداي ەگىپ، ۇن جاساپ، نان ءپىسىرىپ جۇرگەن قازاققا ەشكىم ناننىڭ قادىرى تۋرالى ۇيرەتە الماسا كەرەك.)

ءدامدى نان جەپ قالعاندىقتان قاي ەلگە بارسام دا ناندارىنا تويماي، نان ىزدەپ كەتەمىن. قازاقتىڭ نانىن اڭساپ، ارمانداپ كەتەمىن. شەتەلدە نەبىر ءدامدى تاعامدار جەسەم دە قازاقستانعا اشتىقتان كەلگەن ادامداي كەلەمىن. ءتىپتى قازاقستانعا كەلگەندە ناندى جەيىن دەپ اۋزىما اپارا بەرگەندە، مۇرنىما ءيىسى كەلىپ، كوزىمنەن جاس ىرشىپ شىعىپ كەتە جازدايدى. ادام اعزاسىنا قاجەتتى قورەكتىڭ ءبارى بار بۇل ناننىڭ قادىر قاسيەتىن اۋىلدا ءجۇرىپ، بارىنشا قاستەرلەۋدى ۇيرەنسەم دە، شەتەلدە جۇرگەندەگى قادىرى ءتىپتى ەرەكشە بىلىنەدى ەكەن. بۇل قازاق توپىراعىنىڭ قاسيەتتى ەكەنىنە دالەل. بيداي جەردىڭ بارلىق جەرىندە وسەدى دەسەك تە، الەمنىڭ جارتىسى قازاقتىڭ نانىن جەپ وتىرعان كورىنەدى. افريكا، وڭتۇستىك ازيا ەلدەرى، رەسەي، تۇركيا، يران، قىتاي، موڭعوليا، تمد ەلدەرى، ت.ب. ال وزبەكستان، قىرعىزستان، تاجىكستان ەلدەرىنىڭ قازاق ۇنىن قالاي قادىرلەپ، نان ەتىپ جەپ وتىرعانىن، ۇساعىنا دەيىن قاعىپ الىپ وتىرعانىن كوزبەن كورىپ ءجۇرمىز. جوعارىدا اتالعان ەلدەردىڭ كوپشىلىگى وزدەرىنە جەتكىلىكتى بيداي دا وسىرەدى. بىراق قازاقتىڭ بيدايى مەن ۇنىنا دەگەن سۇرانىستارى وتە جوعارى، ىقىلاستارى دا ەرەكشە. سەبەبى قۇنارلى ءارى ءدامدى. ال ءدامىن كىرگىزىپ وتىرعان ارينە قازاقتىڭ توپىراعى. قازاقتىڭ ءدام تۇزىن جەپ وتىرعان، اشتىقتان امان قالىپ، اجال مەن ءومىر ورتاسىندا اراشاشى بولىپ جۇرگەن، قازاق نانىن جەپ وتىرعان حالىقتار قازاقتىڭ توپىراعىنا، حالقىنا قارىزدار. «نان بولسا، جان بولادى» دەپ قازاقتىڭ نانىن اڭساپ جۇرگەن، كوزىنە جاس الىپ جەپ جۇرگەن حالىقتار قانشاما. بىراق قازاق نانىنىڭ قادىر قاسيەتىن وسى شەتەلدىكتەر عانا ءبىلىپ وتىر. ال بىزدەگى وزگە ۇلت دياسپورالارى بولسا، قازاقتىڭ نانىنا تويىپ، ماستانىپ كەتتى. قازاقتىڭ نانىن جەپ، داستارقانىنا اياعىن سۇرتە باستادى. كەشە عانا ەمەس پە ەدى قازاقتىڭ نانى، اش جالاڭاش كەلگەن دياسپورالاردى اشتىقتان امان الىپ قالعان. كەشە عانا ەمەس پە ەدى، قازاقتىڭ ءۇيىن پانالاپ، ءوزى اش وتىرسا دا قازاقتىڭ ءبولىپ بەرگەن ءبىر ءۇزىم نانىن ءبولىسىپ جەگەنى. كەشەگى اش جالاڭاش جۇرگەن كەزىن نەگە تەز ۇمىتتى، ولار؟ الدە مىندەتتى تۇردە ءبارىن شەتەل اسىرىپ جىبەرۋ كەرەك پە، قازاق نانىنىڭ، توپىراعىنىڭ قادىر قاسيەتىن ءبىلىپ كەلۋى ءۇشىن، كەشەگى كۇنىن ەستەرىنە ءتۇسىرىپ كەلۋى ءۇشىن. كەشەگىسىن، وتكەنىن تەز ۇمىتاتىندار تەكسىزدەر عانا. تەكسىز بولماڭدار، وتانداس باۋىرلارىم.

Abai.kz

0 پىكىر