دەپۋتاتتىق مانداتىن «حابار» تەلەارناسىنداعى جۇرگىزۋشىلىككە ايىرباستاۋعا ءماجبۇر بولعان يراك ەلەكەەۆ مىرزا  قر بعم مەكتەپكە دايىندىق جانە ورتا ءبىلىم بەرۋ دەپارتامەنتىنىڭ ديرەكتورى جاڭىل جونتاەۆامەن (سۋرەتتە)سۇحباتتاساتىنىن ايتا كەلىپ، كورەرمەندەردەن ساۋال سۇراستىرعان ەكەن (https://www.facebook.com/elekeevirak). ورتا ءبىلىم ماسەلەسى بىزدە اسا وزەكتى جايتتارعا دۋشار ەكەنىن ەسكەرە كەلىپ، بۇل جايتقا ءبىز دە ءوز وقىرماندارىمىزدى تارتتىق. قۇرمەتتى وقىرمان قاۋىم، ساۋالدارىڭىزدى ناقتى دا قىسقا قويا بەرىڭىزدەر. ساۋالدارىڭىزعا جاڭىل جونتاەۆا  حانىمنان رەسمي تۇردە جاۋاپ الۋعا تىرىسامىز.

Serik Ergali:  قازاقستاندا نەگە مەملەكەتتىك مەكتەپ جوق، ورتا ءبىلىمنىڭ ءبارى ەتنوستىق مەكتەپتەردە بەرىلۋدە: قازاق، ورىس، وزبەك، ۇيعىر، نەمىس دەگەندەي.قاشان ءبىرتۇتاس مەملەكەتتىك ءبىلىم بەرۋگە كوشەمىز؟

دەپۋتاتتىق مانداتىن «حابار» تەلەارناسىنداعى جۇرگىزۋشىلىككە ايىرباستاۋعا ءماجبۇر بولعان يراك ەلەكەەۆ مىرزا  قر بعم مەكتەپكە دايىندىق جانە ورتا ءبىلىم بەرۋ دەپارتامەنتىنىڭ ديرەكتورى جاڭىل جونتاەۆامەن (سۋرەتتە)سۇحباتتاساتىنىن ايتا كەلىپ، كورەرمەندەردەن ساۋال سۇراستىرعان ەكەن (https://www.facebook.com/elekeevirak). ورتا ءبىلىم ماسەلەسى بىزدە اسا وزەكتى جايتتارعا دۋشار ەكەنىن ەسكەرە كەلىپ، بۇل جايتقا ءبىز دە ءوز وقىرماندارىمىزدى تارتتىق. قۇرمەتتى وقىرمان قاۋىم، ساۋالدارىڭىزدى ناقتى دا قىسقا قويا بەرىڭىزدەر. ساۋالدارىڭىزعا جاڭىل جونتاەۆا  حانىمنان رەسمي تۇردە جاۋاپ الۋعا تىرىسامىز.

Serik Ergali:  قازاقستاندا نەگە مەملەكەتتىك مەكتەپ جوق، ورتا ءبىلىمنىڭ ءبارى ەتنوستىق مەكتەپتەردە بەرىلۋدە: قازاق، ورىس، وزبەك، ۇيعىر، نەمىس دەگەندەي.قاشان ءبىرتۇتاس مەملەكەتتىك ءبىلىم بەرۋگە كوشەمىز؟

Quanish Tynybek:  وتكەن جولى قىزىلوردا وبلىسىندا كوپتەگەن مەكتەپ ديرەكتورلارى قىزمەتىنەن كەتكەنىن ەستىگەن ەدىم. جالپى سوعان قاتىستى ايتايىن دەگەنىم، ءبىلىم وشاعى اتالاتىن مەكتەپتەردىڭ شتاتتىق قۇرامىنا قاتىستى ەدى. ءار مەكتەپتىڭ ديرەكتورلارى بۇرىننان قالعان كارى تارلاندار دەپ (20-30 جىل جۇمىس ىستەگەندەر) ولارعا قوسىمشا ستاۆكالاردان جازىپ بەرۋ داستۇرگە اينالعان، سەنبەگەندەر كەز كەلگەن اۋىل مەكتەپتەرىن تەكسەرىپ كورسىن. جانە مۇعالىمدەر قاۋىمىنىڭ بىلىكتىلىگىن ارتتىرۋعا، تالاپ قويۋعا بايلانىستى قانداي جاڭا باعدارلامالار قولعا الىنىپ جاتىر؟..

ورالتاي جولىمباەۆ:  شاعىن مەكتەپتەرگە ارناپ قاشان رەسۋرستىق تسەنتر اشىلادى؟

ورالتاي جولىمباەۆ: 2015 جىلى پروفيلدىك مەكتەپتەردىڭ جۇمىسى باستالادى. وسىنىڭ جاعدايى قالاي بولادى؟

ەرىك سۋحانبەرلين: مەكتەپتەگى وقۋلىقتار ماسەلەسىن ايتىڭىزشى...

تازابەك سامبەتباي: ورتا ءبىلىم سالاسىنداعى پەداگوگتاردىڭ ماتەريالدىق جاعدايىن ارتتىرۋ قالاي جولعا قويىلعان، قانداي مۇمكىندىكتەر بار؟ جانە ولاردىڭ بىلىكتىلىگىن ارتتىرۋدا جاڭا ادىستەر قانشالىق جۇزەگە اسىرىلۋدا؟

2-ساۋال: الماتى قالاسىندا بار ورتا ءبىلىم وبەكتىلەرىندە وقۋشىلاردى ىستىق تاماقپەن قامتاماسىز ەتۋ قۇقىعىنا يە بولعان مونوپوليستەر قانشالىقتى بۇل ىسكە قۇزىرەتتى؟

ماقسات ءىلياسۇلى:  وڭتۇستىك قازاقستاننىڭ 200 مەكتەبى نە ءۇشىن جابىلدى؟ وسى ۋاقىتقا دەيىن ىستەپ كەلگەن 200 مەكتەپ اياق استىنان نەگە ءورت قاۋىپسىزدىگىن ساقتاماي قالدى؟ بۇل تاعى دا حالىقتان، مۇعالىمدەردەن اقشا جيناۋدىڭ ءبىر ءتاسىلى ەمەس پە؟ وسى ماسەلەگە وراي ءورت ءسوندىرۋ قىزمەتكەرلەرىنىڭ پىكىرىن تىڭداپ، ارنايى توپ قۇرسا جاقسى بولار ەدى.

Serik Ergali: مەكتەپتىڭ شارۋاشىلىعى مەن ءبىلىم-تاربيە سالاسى اجىراتىلۋى كەرەك: بىلىم/تاربيە جونىندەگى باسشى ءبىلىم بەرۋ سالاسىنا تىكەلەي باعىنۋى كەرەك، ال مەكتەپ شارۋاشىلىعى اكىم مەن اتا-انالار كوميتەتىنە قاراۋى قاجەت. بۇعان ءسىزدىڭ ءۋاجىڭىز قانداي، جاڭىل حانىم؟

P.S.

قر بعم مەكتەپكە دايىندىق جانە ورتا ءبىلىم بەرۋ دەپارتامەنتىنىڭ ديرەكتورى جاڭىل جونتاەۆاعا قويار ساۋالدارىڭىز بولسا، مارحابات.  

Abai.kz