بەيسەنبى, 24 قىركۇيەك 2020
COVID-19 قازاقستاندا. جۇقتىرعاندار — 107529. جازىلعاندار — 102323. قايتىس بولعاندار — 1699
جاڭالىقتار 1981 0 پىكىر 22 شىلدە, 2013 ساعات 09:50

مينيستر مىرزا، وتىنىشىمىزگە قۇلاق اسساڭىز!

قۇرمەتتى  باقىتجان  تۇرسىنۇلى!

ءبىزدىڭ  سىزگە  ءوتىنىش جازۋ  سەبەبىمىز: بىردەن  اڭگىمەنىڭ  توركىنە كوشسەك، اقمولا  وبلىسىنىڭ  ءبىلىم باسقارماسىن  ۇزاق  جىلدار  باسقارعان  مارات  ءومىربايۇلى  يبراەۆ مىرزا كەنەتتەن قىزمەتىنەن  بوساتىلدى.  ونىڭ ءوز ەركىمەن  جۇمىستان كەتۋ تۋرالى  ارىز جازعانى  ءۇش ۇيىقتاساق  تۇسىمىزگە  كىرمەيدى. ماسەلەنىڭ اق-قاراسىن انىقتاۋ  ءۇشىن  سىزگە ءوتىنىش جاساپ  وتىرمىز.

ءبىلىم-عىلىم  سالاسىندا  ۇزاق  جىلدار  ابىرويلى  قىزمەت اتقارعان، حالىقتىڭ  قالاۋلىسى، ەلدىڭ  ەلەۋلىسى، ۇلتتىڭ  ۇستىنى، ار-ۇياتى  بولا بىلگەن  باسشىمىزدىڭ  اياق استى  جۇمىستان  كەتۋى ءبىز ءۇشىن ۇلكەن سۇراق  بولىپ قالدى. پەداگوگيكالىق  تاجىريبەسى مول، بالامەن دە، پەداگوگپەن دە  ەمىن-ەركىن قارىم-قاتىناس جاساي  الاتىن، وبلىستىڭ  ءبىلىم-عىلىم سالاسى  بويىنشا  وتكىزىلگەن  بارلىق  ءىس-شارالارىنىڭ  بەل ورتاسىندا  جۇرەتىن، باسشىمىن  دەپ  تاكاپپارلانىپ، داڭعويسىمايتىن، اق نيەتتى، ادال، ءادىل  شەنەۋىكتىڭ  قىزمەتىنەن  بوساعانى  كوكەيىمىزگە  كۇدىك تۋدىردى.

قۇرمەتتى  باقىتجان  تۇرسىنۇلى!

ءبىزدىڭ  سىزگە  ءوتىنىش جازۋ  سەبەبىمىز: بىردەن  اڭگىمەنىڭ  توركىنە كوشسەك، اقمولا  وبلىسىنىڭ  ءبىلىم باسقارماسىن  ۇزاق  جىلدار  باسقارعان  مارات  ءومىربايۇلى  يبراەۆ مىرزا كەنەتتەن قىزمەتىنەن  بوساتىلدى.  ونىڭ ءوز ەركىمەن  جۇمىستان كەتۋ تۋرالى  ارىز جازعانى  ءۇش ۇيىقتاساق  تۇسىمىزگە  كىرمەيدى. ماسەلەنىڭ اق-قاراسىن انىقتاۋ  ءۇشىن  سىزگە ءوتىنىش جاساپ  وتىرمىز.

ءبىلىم-عىلىم  سالاسىندا  ۇزاق  جىلدار  ابىرويلى  قىزمەت اتقارعان، حالىقتىڭ  قالاۋلىسى، ەلدىڭ  ەلەۋلىسى، ۇلتتىڭ  ۇستىنى، ار-ۇياتى  بولا بىلگەن  باسشىمىزدىڭ  اياق استى  جۇمىستان  كەتۋى ءبىز ءۇشىن ۇلكەن سۇراق  بولىپ قالدى. پەداگوگيكالىق  تاجىريبەسى مول، بالامەن دە، پەداگوگپەن دە  ەمىن-ەركىن قارىم-قاتىناس جاساي  الاتىن، وبلىستىڭ  ءبىلىم-عىلىم سالاسى  بويىنشا  وتكىزىلگەن  بارلىق  ءىس-شارالارىنىڭ  بەل ورتاسىندا  جۇرەتىن، باسشىمىن  دەپ  تاكاپپارلانىپ، داڭعويسىمايتىن، اق نيەتتى، ادال، ءادىل  شەنەۋىكتىڭ  قىزمەتىنەن  بوساعانى  كوكەيىمىزگە  كۇدىك تۋدىردى.

ءبىزدىڭ مارات  ءومىربايۇلىنا  ەش تۋىستىق قاتىناسىمىز جوق. تەك  بۇرىنعى  باسشىمىزعا  دەگەن  شىنايى  لەبىزىمىزدى  ءبىلدىرىپ وتىرمىز.

ءوزىڭىز  بىلەسىز، تاۋەلسىزدىك  العاننان  كەيىن  مەملەكەتتىك  ءتىل وركەندەپ  كەلەدى. مەملەكەتتىك  ءتىلدىڭ  وركەندەۋىنە  ءبىر كىسىدەي  ۇلكەن  ۇلەس قوسقان پاتريوت جاننىڭ  ءبىرى وسى ادام.  اقمولا  وبلىسى  مەملەكەتتىك  ءتىل  جاعىنان  اقساپ تۇرعانى بەلگىلى. ءبىلىم-عىلىم سالاسىنىڭ  وركەندەۋىنە، مەملەكەتتىك  ءتىلدىڭ  قانات جايىپ، تۇعىرلانۋىنا ، بالالاردىڭ  جارقىن  بولاشاقتا  جايبىراقات  ءومىر  سۇرۋىنە  تەر  توگىپ ەڭبەك  ەتكەن  تۇلعانىڭ  ادامگەرشىلىگى  مەن  پاراساتتىلىعى، اق جارقىندىلىعى، ءاربىر جاساعان  ىسىنەن  كورىنىپ- اق تۇرادى. وسىنداي  ەلىم، جەرىم دەپ حالىقتىڭ  ارباسىنا  شەگىلىپ، قامىقپاي، قايىسپاي اعىنعا قارسى جۇزگەن  جاننىڭ  بار  جاساعان  جاقسىلىعى  مەن  ۇشان تەڭىز  ەڭبەگىن  جوققا شىعارۋعا  ءداتىڭ  شىدامايدى.

قاسيەتتى  رامازان  ايىندا  وبلىسىمىزدىڭ № 1 پەداگوگى  جۇمىستان  بوساتىلعانى  جانىمىزعا  باتادى. ەلگە  قىزمەت ەتىپ،  ءوزىنىڭ  جەكە باسىنىڭ قامىن ەمەس، حالىقتىڭ  مۇددەسى ءۇشىن  قىزمەت  اتقارعان، باس ساۋعالاپ، جالتاقتاماي، تۋراشىل، ءادىل بولا  بىلگەن  مارات  ءومىربايۇلىنداي  تۇلعالار  ەلىمىزدە  ساۋساقپەن  سانارلىق!  تاعى  دا  ءبىر  ءادىل  ادامدى  سولاقاي  ساياسات پا، الدە  ءبىز  تۇسىنبەيتىن  بەلگىسىز  كوپ  ءارى  سانسىز  كەدەرگىلەر اسەر ەتتى مە ەكەن؟!

مەملەكەتتىك  ءتىلى  ەندى- ەندى  وركەندەپ، قاز -قاز  قادام باسىپ كەلە جاتقان  ارايلى  ارقا ءوڭىرىنىڭ  ءبىلىم  كوكجيەگىندەگى  وزىندىك  ورنى  بار  ۇلاعاتتى  ۇستازدى  ەندى  ءبىلىم  باسقارماسىنان، وليمپيادالار  مەن كونفەرەنتسيالاردان  كورە المايتىندىعىمىز  قيىن- اق.

ءبىزدىڭ وتىنىشىمىزگە  قۇلاق  اسىپ، وسى ءىستى بىرجاقتى  شەشەتىنىڭىزگە سەنەمىز.  بۇرىنعى  باسشىمىزدى  ءبىلىم  باسقارماسىنان  قايتا  كورىپ، ءبىلىم  كۇنى  قارساڭىندا  قاۋىشىسىپ  جاتساق،  قۋانىشتى  بولار  ەك.

اقمولا وبلىسى ءبىلىم باسقارماسىنىڭ جانىنداعى «وبلىستىق بالالار مەن جاسوسپىرىمدەر ءتۋريزمى،ولكەتانۋ جانە ەكولوگيا ورتالىعى»،  «زۆەزدنىي»  بسو  اقمولا، قوستاناي  وبلىستارىنىڭ  پەداگوگيكالىق  ۇجىمى، تاربيەلەنۋشىلەر  جانە  قىزمەتكەرلەر

Abai.kz

0 پىكىر