سەيسەنبى, 27 اقپان 2024
927 3 پىكىر 14 قىركۇيەك, 2023 ساعات 12:16

بورانباەۆ مەملەكەتكە 90 ملرد تەڭگە قايتارادى

قارجىلىق مونيتورينگ اگەنتتىگى قايرات بورانباەۆقا قاتىستى قىلمىستىق جولمەن الىنعان مۇلىكتى زاڭداستىرۋعا بايلانىستى سوتقا دەيىنگى تەرگەۋدى جالعاستىرۋدا.

اگەنتتىكتىڭ ءباسپاسوز قىزمەتىنىڭ حابارلاۋىنشا، تەرگەۋ شەڭبەرىندە جالپى قۇنى 90 ملرد تەڭگەدەن اساتىن اكتيۆتەردى، ونىڭ ىشىندە: مۇناي كەن ورنىن، گاز تاراتۋ كومپانياسىن، سەرۆيس سالاسىنداعى كاسىپورىندى، قوناقۇي جانە ساۋدا-ويىن-ساۋىق كەشەندەرىن، فيتنەس ورتالىقتار جەلىسىن، كەڭسە ءۇي-جايلارىن جانە باسقا دا اكتيۆتەردى مەملەكەت مەنشىگىنە ەرىكتى تۇردە قايتارۋ جونىندە شارالار قابىلداندى.

سونداي-اق، ق.بورانباەۆ ءبىلىم بەرۋ ينفراقۇرىلىمىن قولداۋ قورىنا 30 ملرد تەڭگە اۋداردى.

وسى وبەكتىلەردىڭ بارلىعى مەملەكەتتىك ورگاندار مەن كومپانيالاردىڭ بالانسىنا بەرىلىپ، بولادى، ال اقشالاي قاراجات ءبىلىم بەرۋ ينفراقۇرىلىمىن دامىتۋ ءۇشىن پايدالانىلاتىن بولادى.

ەسكە سالا كەتەيىك، بۇعان دەيىن ق.بورانباەۆ تابيعي گاز يمپورتى كەزىندە قاراجاتتى جىمقىرۋ ەپيزودى بويىنشا تەرگەۋ اياسىندا 14,5 ملرد تەڭگە كولەمىندە ماتەريالدىق شىعىندى وتەگەن بولاتىن.

اگەنتتىك زاڭسىز اكتيۆتەردى ىزدەۋ جانە قايتارۋ بويىنشا جۇمىستى جالعاستىرۋدا.

 

Abai.kz

3 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1599
ءالىپبي

لاتىن جايى

بيجومارت قاپالبەك 1679