سەنبى, 24 اقپان 2024
انە، كوردىڭ بە؟ 1555 6 پىكىر 4 قىركۇيەك, 2023 ساعات 13:39

ۋادەسىن جۇتقان سۇلەيمەنوۆ نە ايلا قىلادى؟

باسشى تۇراقتامايتىن ورىننىڭ ءبىرى بۇل – قازاقستان ۇلتتىق بانكى.  2022 جىلى اقپان ايىندا عالىمجان ءپىرماتوۆ ۇلتتىق بانك توراعاسى قىزمەتىنە تاعايىندالعان بولاتىن.

ەندى مىنە،  باسشىلىقتان كەتىپ تىندى. اقوردا رەسمي سايتىنداعى حابارلامادا: «مەملەكەت باسشىسىنىڭ جارلىعىمەن عالىمجان ولجاۇلى ءپىرماتوۆ قازاقستان رەسپۋبليكاسى ۇلتتىق بانكىنىڭ توراعاسى لاۋازىمىنان بوساتىلدى»، -دەپ جازىلدى.

سونىمەن ۇلتتىق بانكتى ءبىر جارىم جىل باسقارعان عالىمجان ءپىرماتوۆ ورنىنان كەتىپ، بوساعان بوس كرەسلوعا تيمۋر سۇلەيمەنوۆ جايعاستى. ونىڭ كانديداتۋراسىن پرەزيدەنتتىڭ ءوزى ۇسىندى. ال، سەنات ونى سوزگە كەلمەي بەكىتتى.

تيمۋر سۇلەيمەنوۆ بۇعان دەيىن 2022-2023 جىل ارالىعىندا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى قىزمەتىندە ىستەگەن بولاتىن. جاڭا باسشىنىڭ قازاقتىڭ ەسىندە قالعانى – 2016 جىلدىڭ جەلتوقسان ايىندا ۇلتتىق ەكونوميكا ءمينيسترى بولىپ تاعايىندالعان تيمۋر سۇلەيمەنوۆ ماسكەۋدە قىزمەت ەتكەن جىلدارى انا ءتىلىن ۇمىتىڭقىراپ قالعانىن ايتىپ، جارتى جىلدا قازاق ءتىلىن قايتا مەڭگەرىپ الۋعا ۋادە بەرگەن بولاتىن.

ەندى قازاق اقشاسىنىڭ قۇدايىنا اينالعان سۋ جاڭا تۇلعا انا تىلىمىزدە تايپالاپ كەتكەن-كەتپەگەنىن ءماجىلىس وتىرىسىنا ەسەپ بەرگەن شاقتا كورەمىز.

الدە ول ۋادەسىن جۇتىپ قويعانى ويىنا ورالىپ، ءوز ورنىنا ءتىل بىلەتىن ورىنباسارلارىن جىبەرىپ ايلا قىلا ما ەكەن؟! ونى ۋاقىت كورسەتەدى.

Abai.kz

6 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1559
ءالىپبي

لاتىن جايى

بيجومارت قاپالبەك 1629