مەملەكەتتىك «KAZsport» تەلەارناسى 1 شىلدە كۇنى اشىلادى
«2013 جىل 1 شىلدە كۇنى وتاندىق تەلەارنالار كەڭىستىگىندە تۇڭعىش رەت «KAZsport» سپورت تەلەارناسى ءوزىنىڭ العاشقى حابارىن تاراتادى» دەپ حابارلادى «قازاقستان» اق» رسپۋبليكالىق تەلەراديو كەشەنىنىڭ ءباسپاسوز حاتشىسى تاناكوز تولقىنقىزى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ 2012 جىلى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» جولداۋىندا سپورت جانە دەنە شىنىقتىرۋ ىستەرى اگەنتتىگى مەن مادەنيەت جانە اقپارات مينيسترلىگىنە بىرلەسىپ مامانداندىرىلعان سپورت ارناسىن اشۋ تۋرالى تاپسىرما بەرگەن بولاتىن.
بۇل ارنا «قازاقستان» رترك» اق قۇرامىنا ەنەدى. ەلىمىزدىڭ بارلىق ايماقتارىنان تىكەلەي ەفيردە حابار تاراتۋعا مۇمكىندىگى بار كورپوراتسيا قۇرامىنداعى «KAZsport» تەلەارناسىن جەرسەرىكتىك جانە كابەلدىك جۇيەدە حابار تاراتاتىن وپەراتورلار ارقىلى كورۋگە بولادى.
«KAZsport» سپورت تەلەارناسىنىڭ شىعارماشىلىق ۇجىمىندا ءوز ءىسىنىڭ بىلىكتى ماماندارى قىزمەت اتقارادى. ولاردىڭ اراسىندا قازاقستاننىڭ ەڭ ۇزدىك سپورت جۋرناليستەرىنە بەرىلەتىن سەيداحمەت بەردىقۇلوۆ اتىنداعى جۇلدەنىڭ يەگەرلەرى دە بار.
«2013 جىل 1 شىلدە كۇنى وتاندىق تەلەارنالار كەڭىستىگىندە تۇڭعىش رەت «KAZsport» سپورت تەلەارناسى ءوزىنىڭ العاشقى حابارىن تاراتادى» دەپ حابارلادى «قازاقستان» اق» رسپۋبليكالىق تەلەراديو كەشەنىنىڭ ءباسپاسوز حاتشىسى تاناكوز تولقىنقىزى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ 2012 جىلى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» جولداۋىندا سپورت جانە دەنە شىنىقتىرۋ ىستەرى اگەنتتىگى مەن مادەنيەت جانە اقپارات مينيسترلىگىنە بىرلەسىپ مامانداندىرىلعان سپورت ارناسىن اشۋ تۋرالى تاپسىرما بەرگەن بولاتىن.
بۇل ارنا «قازاقستان» رترك» اق قۇرامىنا ەنەدى. ەلىمىزدىڭ بارلىق ايماقتارىنان تىكەلەي ەفيردە حابار تاراتۋعا مۇمكىندىگى بار كورپوراتسيا قۇرامىنداعى «KAZsport» تەلەارناسىن جەرسەرىكتىك جانە كابەلدىك جۇيەدە حابار تاراتاتىن وپەراتورلار ارقىلى كورۋگە بولادى.
«KAZsport» سپورت تەلەارناسىنىڭ شىعارماشىلىق ۇجىمىندا ءوز ءىسىنىڭ بىلىكتى ماماندارى قىزمەت اتقارادى. ولاردىڭ اراسىندا قازاقستاننىڭ ەڭ ۇزدىك سپورت جۋرناليستەرىنە بەرىلەتىن سەيداحمەت بەردىقۇلوۆ اتىنداعى جۇلدەنىڭ يەگەرلەرى دە بار.
قازاقستاندىق جانكۇيەرلەر ۇلتتىق قۇراما كوماندالار قاتىساتىن قۇرلىقتىق جانە الەمدىك دەڭگەيدەگى جارىستاردى، ەل بىرىنشىلىكتەرىن تىكەلەي كورە الادى. اتاپ ايتساق: ۆەلوسپورتتان تۋر دە فرانس پەن ۆۋەلتا كوپكۇندىكتەرى، سۋ سپورتى تۇرلەرى، جەڭىل اتلەتيكا، دزيۋدو، كوركەم گيمناستيكا، كاراتە شيتو-ريۋ، گرەك-ريم جانە ەركىن كۇرەس، اۋىر اتلەتيكا مەن شاڭعى سپورتىنان الەم چەمپيوناتىن، ۆولەيبولدان ايەلدەر اراسىندا الەمدىك گران-پري كەزەڭدىك ويىندارىن، نەمىس بۋندەسليگاسىن، قازان قالاسىندا وتەتەتىن جازعى ۋنيۆەرسيادا ويىندارىن، تەنيستەن Wimbledon ءتۋرنيرىن، ۆولەيبول، اۋىر اتلەتيكا مەن ۆەلوسپورتتان ازيا بىرىنشىلىكتەرىنەن ترانسلياتسيا ۇيىمداستىرىلادى.
تاۋلىگىنە 20 ساعات حابار تاراتاتىن ارنانىڭ باعدارلاما كەستەسىنەن فۋتبولدان قازاقستان پرەمەر-ليگاسى مەن ۇلتتىق قۇراما كەزدەسۋلەرى، سپورت تۇرلەرىنەن ەل چەمپيوناتتارى مەن كۋبوگ ويىندارىن دا تابۋعا بولادى.
اباي-اقپارات
