قىزىلجار ديقاندارى كوكتەمگى ەگىس جۇمىستارىن ءساتتى اياقتادى. بيىل العاش رەت ءداندى-داقىلدار القابى ازايىپ، ونىڭ ورنىنا مايلى جانە جەم-ازىقتىق داقىلدار كولەمى كوبەيتىلدى، – دەپ حابارلادى اۋىل شارۋاشىلىعى باسقارماسى.

وبلىس اگروقۇرىلىمدارى كوكتەمگى دالا جۇمىستارىنا مامىردىڭ 15-ىندە كىرىسكەن بولاتىن. داقىل سىڭىرىلگەن اۋماق – 3 ميلليون 620 مىڭ گەكتاردى قۇرادى. وڭىردە مال باسىنىڭ ارتۋىنا بايلانىستى جەم-ازىق تاپشىلىعى بايقالعان، تەك سوڭعى 2 جىلدىڭ ىشىندە ءىرى-قارا سانى 38 پايىزعا وسكەن ەكەن. سوندىقتان بيىل بيداي القاپتارى ازايتىلىپ، جەم-ازىق كوپتەپ ەگىلگەن. ول شامامەن 70 مىڭ گەكتار­عا ۇلعايتىلىپ، 93,4 مىڭ گەكتاردى قۇرادى. ەگىستىك القاپتى ءارتاراپتاندىرۋ ساياساتىنا سايكەس، مايلى داقىلدار كولەمى دە ارتىپ وتىر، بىلتىرعى جىلمەن سالىستىرعاندا 50 گەكتارعا كوپ سەبىلدى.

قىزىلجار ديقاندارى كوكتەمگى ەگىس جۇمىستارىن ءساتتى اياقتادى. بيىل العاش رەت ءداندى-داقىلدار القابى ازايىپ، ونىڭ ورنىنا مايلى جانە جەم-ازىقتىق داقىلدار كولەمى كوبەيتىلدى، – دەپ حابارلادى اۋىل شارۋاشىلىعى باسقارماسى.

وبلىس اگروقۇرىلىمدارى كوكتەمگى دالا جۇمىستارىنا مامىردىڭ 15-ىندە كىرىسكەن بولاتىن. داقىل سىڭىرىلگەن اۋماق – 3 ميلليون 620 مىڭ گەكتاردى قۇرادى. وڭىردە مال باسىنىڭ ارتۋىنا بايلانىستى جەم-ازىق تاپشىلىعى بايقالعان، تەك سوڭعى 2 جىلدىڭ ىشىندە ءىرى-قارا سانى 38 پايىزعا وسكەن ەكەن. سوندىقتان بيىل بيداي القاپتارى ازايتىلىپ، جەم-ازىق كوپتەپ ەگىلگەن. ول شامامەن 70 مىڭ گەكتار­عا ۇلعايتىلىپ، 93,4 مىڭ گەكتاردى قۇرادى. ەگىستىك القاپتى ءارتاراپتاندىرۋ ساياساتىنا سايكەس، مايلى داقىلدار كولەمى دە ارتىپ وتىر، بىلتىرعى جىلمەن سالىستىرعاندا 50 گەكتارعا كوپ سەبىلدى.

اۋىل شارۋاشىلىعى باسقارماسى باستىعىنىڭ مىندەتىن اتقارۋشى التىنبەك ابدۋللاەۆتىڭ ايتۋىنشا، كوكتەمگى دالا جۇمىستارى بارىسىندا شارۋالارعا مەملەكەت تاراپىنان ايتارلىقتاي قولداۋ كورسەتىلگەن. سونىڭ ءبىرى – ارزانداتىلعان جانار-جاعارماي. وبلىس ديقاندارىنىڭ بيىلعى قاجەتتىلىگى – 65 مىڭ توننا. ول شارۋالارعا دەر كەزىندە جەتكىزىلگەن. مي­نەرالدىق تىڭايتقىشتاردان دا تاپشىلىق بولمايدى دەپ وتىر. ماشينا-تراكتور پاركىن بيىلدىڭ وزىندە قۋاتتىلىعى جوعا­رى زاماناۋي 58 سەبۋ كەشەنى تولىقتىردى. جالپى، كوكتەمگى دالا جۇمىستارىنا قاتىستىرىلعان شەتەلدىك زاماناۋي تەحنيكا سانى – 1 061. ولار بارلىق القاپتىڭ 70 پايىز­دان استامىنداعى جۇمىستاردى تىندىرعان.

تەرىسكەيلىك ديقاندار كوكتەمگى دالا جۇمىستارىن دەر كەزىندە باستاپ، دىتتەگەن مەرزىمدە اياقتاپ شىقتى. ىلعال قورى جەتكىلىكتى، دەمەك، مول استىق الۋعا بارلىق العىشارتتار بار دەگەن ءسوز.

Abai.kz