جەكسەنبى, 25 قىركۇيەك 2022
جاڭالىقتار 3024 0 پىكىر 24 ماۋسىم, 2013 ساعات 06:26

انكارادا «دومبىرا پاتي (دومبىرا دۋمان)» ۇيىمداستىرىلدى

تۋىستاس تۇرىك ەلىندە ءبىلىم الىپ جۇرگەن قازاق جاستارى «دومبىرا پاتي» شاراسىن ۇيىمداستىردى. انكاراداعى «جاستار ساياباعىندا» قازاقتىڭ قارا دومبىراسى كۇمبىرلەپ، اسقاق ءانى قانات قاقتى.

قازاقستاندا ءجۇرىپ جاتقان يگىلىكتى ءىستىڭ ىزگى حابارىنان قۇلاعدار بىلىمگەر جاستار، ەلدەگى زامانداستارىنىڭ تىڭ باستاماسىن تۇركيادا جانداندىردى.

انكاراداعى شارانىڭ ارتىقشىلىعى –دومبىراعا ءتىل بىتىرگەن جاستاردىڭ اراسىندا تۇرىك باۋىرلاردىڭ بولۋى. فاتيح ۇلۇتاش پەن سينان گونۇلتاش سىندى ونەرپاز جىگىتتەردىڭ دومبىرا قۇلاعىندا ويناعان شەبەرلىكتەرى كوپشىلىكتى ءتانتى ەتتى. ەكىنشى ەرەكشەلىك – جاستار ۇيىمداستىرعان شارالارىنا «دومبىرا – دۋمان» اتاۋىن بەرۋدى ۇيعاردى.

ساياباققا سەرۋەندەي كەلگەندەردىڭ نازارىن اۋدارعان جيىندا دومبىرا شاناعىنان قازاقتىڭ تاعىلىمدى تەرمەسى توگىلىپ، قاستەرلى كۇيى كۇمبىرلەدى. اسەم اندەر اۋەلەپ، بۋىن ءبيى – «قارا جورعانىڭ» سازى جاستاردى بيگە ءۇيىردى.

قوس ىشەكتىڭ سيقىرلى سازى ەلدەن جىراق جۇرگەن جاستاردىڭ ساعىنىشىن باسقانداي بولسا، وزگە جۇرتقا «ناعىز قازاق – قازاق ەمەس، ناعىز قازاق – دومبىرا!» (قادىر مىرزا ءالى) ەكەندىگىن كەزەكتى رەت قاپىسىز تانىتتى.

مىرزاحان بايبولوۆ،

گازي ۋنيۆەرسيتەتىنىڭ دوكتورانتى

Abai.kz

تۋىستاس تۇرىك ەلىندە ءبىلىم الىپ جۇرگەن قازاق جاستارى «دومبىرا پاتي» شاراسىن ۇيىمداستىردى. انكاراداعى «جاستار ساياباعىندا» قازاقتىڭ قارا دومبىراسى كۇمبىرلەپ، اسقاق ءانى قانات قاقتى.

قازاقستاندا ءجۇرىپ جاتقان يگىلىكتى ءىستىڭ ىزگى حابارىنان قۇلاعدار بىلىمگەر جاستار، ەلدەگى زامانداستارىنىڭ تىڭ باستاماسىن تۇركيادا جانداندىردى.

انكاراداعى شارانىڭ ارتىقشىلىعى –دومبىراعا ءتىل بىتىرگەن جاستاردىڭ اراسىندا تۇرىك باۋىرلاردىڭ بولۋى. فاتيح ۇلۇتاش پەن سينان گونۇلتاش سىندى ونەرپاز جىگىتتەردىڭ دومبىرا قۇلاعىندا ويناعان شەبەرلىكتەرى كوپشىلىكتى ءتانتى ەتتى. ەكىنشى ەرەكشەلىك – جاستار ۇيىمداستىرعان شارالارىنا «دومبىرا – دۋمان» اتاۋىن بەرۋدى ۇيعاردى.

ساياباققا سەرۋەندەي كەلگەندەردىڭ نازارىن اۋدارعان جيىندا دومبىرا شاناعىنان قازاقتىڭ تاعىلىمدى تەرمەسى توگىلىپ، قاستەرلى كۇيى كۇمبىرلەدى. اسەم اندەر اۋەلەپ، بۋىن ءبيى – «قارا جورعانىڭ» سازى جاستاردى بيگە ءۇيىردى.

قوس ىشەكتىڭ سيقىرلى سازى ەلدەن جىراق جۇرگەن جاستاردىڭ ساعىنىشىن باسقانداي بولسا، وزگە جۇرتقا «ناعىز قازاق – قازاق ەمەس، ناعىز قازاق – دومبىرا!» (قادىر مىرزا ءالى) ەكەندىگىن كەزەكتى رەت قاپىسىز تانىتتى.

مىرزاحان بايبولوۆ،

گازي ۋنيۆەرسيتەتىنىڭ دوكتورانتى

Abai.kz

0 پىكىر