جۇما, 23 اقپان 2024
ارىلۋ 1696 2 پىكىر 24 شىلدە, 2023 ساعات 11:21

قازاقستاندىق شىركەۋلەر اۆتونومدى بولۋى كەرەك!

ءبىز كەزىندە سايتىمىزدا «قازاقستاندىق شىركەۋلەر اۆتونومدى بولۋى كەرەك» دەپ كولەمدى ماقالانى وسىدان 3 جىل بۇرىن جازعان بولاتىنبىز. وسى جولى اتالعان تاقىرىپقا قايتىپ ورالماقپىز.

ورىس پراۆوسلاۆ شىركەۋى رەسەيدىڭ ۋكرايناعا جاساعان سوعىسىن اشىق جاقتاعاننان كەيىن، ءارى مايدان دالاسىنا اۋليە اكەيلەرىن اسكەريلەر اراسىنا جىبەرگەن سوڭ، پوستكەڭەستىك كەڭىستىكتەگى وسى ءدىندى ۇستانۋشىلار اراسىنداعى بىرتۇتاسقا سىزات ءتۇستى. ۋكراينا شىركەۋى كونستانتينوپولگە قارايتىن بولدى. بۇعان پوستكەڭەستىك كەڭىستىكتەگى ورىس پراۆوسلاۆ شىركەۋىنە قارايتىن تمد-داعى ورىس پراۆوسلاۆ شىركەۋلەر ءۇن قاتپاي، ءالىپتىڭ ارتىن باعۋدا. الدە ولاردا پاتريارحتارى كيريللدىڭ سويىلىن سوعۋدا ما دەپ جۇرگەنىمىزدە: «قازاقستاندىق شىركەۋلەر اۆتونومدى بولۋى كەرەك»، - دەپ «جاقىپ اققۇلاق» ەسىمىمەن تانىمال پراۆوسلاۆ ءدىنباسى ياكوۆ ۆورونتسوۆ «ORDA news»-كە بەرگەن سۇقباتىندا ءبىراز دۇنيەنىڭ باسىن اشىپ بەردى.

«قازاقستانداعى شىركەۋدى ورىس پراۆوسلاۆ شىركەۋىنىڭ باسشىسى، پاتريارح كيريلل باسقارادى. ەلىمىزدەگى ءدىني ورىندار - ورىس پراۆوسلاۆيە شىركەۋىنىڭ قۇرامداس بولىكتەرى. بۇدان بولەك، قازاقستاندا ءدىندار ادام ەپيسكوپ تاڭداي المايدى. ونى ماسكەۋدەن تاعايىنداپ، بىزگە جىبەرەدى.

قازاقستاندىق شىركەۋ اۆتونومدى بولۋى كەرەك. بۇل تۋرالى العاش مەن ايتقان جوقپىن. ەلدە ءوزىن-ءوزى باسقاراتىن شىركەۋ قۇرۋ ماسەلەسى توقسانىنشى جىلداردان بەرى كوتەرىلىپ كەلەدى. نە ءۇشىن رەسەيلىكتەر ەپيسكوپتى وزدەرى تاڭداي الادى؟ ال قازاقستاندىقتاردا نەگە بۇنداي قۇقىق جوق؟ نە سەبەپتى ءبىز ارنايى تاعايىندالعان شەتەلدىك ادامعا شىداۋىمىز كەرەك؟ ول ءبىزدىڭ تۇرمىستى، مادەنيەتتى بىلمەيدى»، - دەدى شىركەۋ قىزمەتكەرى.

بۇل وسى ءدىندى ۇستاناتىن وتانداستارىمىزعا وي سالاتىن پاراساتتى پىكىر. قوعامدا تالقىعا تۇسسە، وعان اركىم ءوز ويىن قوسسا ءبىراز نارسەنىڭ قابىرعاسى قالانار ەدى. ەندى ەلىمىز ءۇشىن وسى ماسەلەنى شەشۋ ءۇشىن قازاقستان حا، قمدب جانە  قازاقستاندىق شىركەۋ باسشىلارى باس قوسىپ، «قازاقستاندىق شىركەۋلەر اۆتونومدى بولۋى كەرەك» پروبلەماسىن ورىس پراۆوسلاۆ شىركەۋىنىڭ ارالاسۋىنسىز شەشۋگە ءتيىس.  نە بولماسا، وا باسشىلارى ءوز ەلدەرىندەگى شىركەۋلەردىڭ بىرىگىپ، تۇركىستانداعى ورىس پراۆوسلاۆ شىركەۋى دەپ اتاسا دا بولاتىن سياقتى.

سوندا بۇگىنگىدەي ماسكەۋ ءۇشىن ماڭىزى بار، قازاقستانعا ەش قاتىسى جوق، نەۆسكي فەنومەنى قازاق قوعامىن قاققا جارماي، ءدىني تاتۋلىققا قول جەتكىزەر ەدىك! رەسەيدىڭ رۋحاني شابۋىلىنىڭ تامىرىنا بالتا شابىلار ءسات كەلدى. قامدان قازاق، «جاقىپ اققۇلاقتىڭ» ءتىلىن ال، تىلەگىن ورىنداۋعا اتسالىس!

ءابىل-سەرىك الىاكبار

Abai.kz

2 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1542
ءالىپبي

لاتىن جايى

بيجومارت قاپالبەك 1604