جەكسەنبى, 22 مامىر 2022
جاڭالىقتار 3233 0 پىكىر 2 ماۋسىم, 2013 ساعات 21:40

ايات جىرعالاڭ. ەرتەڭ ۇبت، ارعى كۇنى ايقاي-شۋ

ۇلتتىق «بىرىڭعاي» تەست

ەرتەڭ ۇلتتىق بىرىڭعاي تەست. مەكتەپ ءبىتىرۋشى تۇلەكتەرىنىڭ الىمى مەن قارىمىن ايقىنداپ، بالا شاعىنان بولاشاعىنا وتكىزىپ سالاتىن «بىرىڭعاي» سىناق. ءيا، بۇل «بىرىڭعاي» سىناق ەلىمىزدە بيىل سىناق مەرزىمىن قوسقاندا ونىنشى رەت وتكىزىلەدى. بىراق، ءبىز ء(بىزدىڭ ءبىلىم سالاسىندا بىراعى جوق تىرلىك بار ما؟) وتكەن كۇننىڭ ەرتەسى ونىنشى رەت ەمەس، ءبىرىنشى رەت وتكەندەي كۇيگە تۇسەمىز. نەگە؟

جاسىرىپ جابارى جوق، ءبىرىنشى رەت كەتكەن قاتەلىكتەن ساباق المايمىز، جىلدا قايتالانىپ جاتاتىن قاتەلىكتەر جانە قايتالانادى. ودان ساباق الار مينيستىرلىك جوق.

ۇلتتىق «بىرىڭعاي» تەست جايىندا ءارتۇرلى پكىر ايتىلىپ، جازىلىپ، تالقىلانىپ ءجۇر. مەن بۇگىن مۇنىڭ ءبارىن قايتالاماق ەمەسپىن. مەن تەك وزگە مەملەكەتتەردىڭ تۇلەك ساراپتاۋ تۇرلەرىن ەسكەرە وتىرىپ، ۇلتتىق تەستتىڭ ۇتارى مەن ۇياتتى تۇسىن كاسىپتىك تۇرعىدان ساراپتاۋدى ءجون كوردىم.

 

ۇلتتىق تەستتىڭ ۇتارى

ۇلتتىق بىرىڭعاي تەست ءبىز ءۇشىن بۇل كۇنى تەك ۇلتتىق «ءبىر ىڭعايلى» تەست بولىپ تۇر.

بىرىنشىدەن، جەمقورلىق جايلاعان، سەنىمسىزدىك ورناعان ءبىزدىڭ قوعام ءۇشىن تەستتىك جۇيەنىڭ ناتيجەسىنىڭ تەزدىگى جانە تەكسەرۋ بارىسىنداعى بارلىق جۇمىستى تەحنيكانىڭ اتقارۋى امالسىز قولدانۋعا ماجبۇرلەپ وتىر.

ۇلتتىق «بىرىڭعاي» تەست

ەرتەڭ ۇلتتىق بىرىڭعاي تەست. مەكتەپ ءبىتىرۋشى تۇلەكتەرىنىڭ الىمى مەن قارىمىن ايقىنداپ، بالا شاعىنان بولاشاعىنا وتكىزىپ سالاتىن «بىرىڭعاي» سىناق. ءيا، بۇل «بىرىڭعاي» سىناق ەلىمىزدە بيىل سىناق مەرزىمىن قوسقاندا ونىنشى رەت وتكىزىلەدى. بىراق، ءبىز ء(بىزدىڭ ءبىلىم سالاسىندا بىراعى جوق تىرلىك بار ما؟) وتكەن كۇننىڭ ەرتەسى ونىنشى رەت ەمەس، ءبىرىنشى رەت وتكەندەي كۇيگە تۇسەمىز. نەگە؟

جاسىرىپ جابارى جوق، ءبىرىنشى رەت كەتكەن قاتەلىكتەن ساباق المايمىز، جىلدا قايتالانىپ جاتاتىن قاتەلىكتەر جانە قايتالانادى. ودان ساباق الار مينيستىرلىك جوق.

ۇلتتىق «بىرىڭعاي» تەست جايىندا ءارتۇرلى پكىر ايتىلىپ، جازىلىپ، تالقىلانىپ ءجۇر. مەن بۇگىن مۇنىڭ ءبارىن قايتالاماق ەمەسپىن. مەن تەك وزگە مەملەكەتتەردىڭ تۇلەك ساراپتاۋ تۇرلەرىن ەسكەرە وتىرىپ، ۇلتتىق تەستتىڭ ۇتارى مەن ۇياتتى تۇسىن كاسىپتىك تۇرعىدان ساراپتاۋدى ءجون كوردىم.

 

ۇلتتىق تەستتىڭ ۇتارى

ۇلتتىق بىرىڭعاي تەست ءبىز ءۇشىن بۇل كۇنى تەك ۇلتتىق «ءبىر ىڭعايلى» تەست بولىپ تۇر.

بىرىنشىدەن، جەمقورلىق جايلاعان، سەنىمسىزدىك ورناعان ءبىزدىڭ قوعام ءۇشىن تەستتىك جۇيەنىڭ ناتيجەسىنىڭ تەزدىگى جانە تەكسەرۋ بارىسىنداعى بارلىق جۇمىستى تەحنيكانىڭ اتقارۋى امالسىز قولدانۋعا ماجبۇرلەپ وتىر.

ەكىنشىدەن، ۇلتتىق بىرىڭعاي تەستتى وتكىزۋدىڭ قولايلىلىعى جوعارى. ەمتيحاننان ۇيىمداستىرلۋى وڭاي، تەكسەرلۋى تەز. سونداي-اق، كەز كەلگەن اۋدان ورتالىقتارىندا ۇيىمداستىرىلا بەرەتىندىگى ۇلتتىق تەست ءبىز ءۇشىن قازىرشە ىڭعايلى بولىپ تۇر.

 

ۇلتتىق تەستتىڭ ۇياتى

بىرىنشىدەن، ءبىلىم سالاسىنداعى جۇيەسىزدىك. وقۋلىقتاردىڭ باعدارلاماسىن جاساعان ءبىر ادام. وقۋلىق جازۋشى تاعى باسقا ءبىر نەمەسە بىرنەشە ادام، باساتىن ءار باسپا. ال، ۇلتتىق تەستتى قۇراستىراتىن باسقا ءبىر توپ. ءبىر تەرىنىڭ پۇشپاعىن يلەگەن ءبىرىن-ءبىرى تانىمايتىن ءارتۇرلى ادامدار. ءبىرىنىڭ نە جازعانىن ءبىرى تولىق بىلمەيدى. وسىدان بارىپ، بازبىرەۋدىڭ كويلەگىنىڭ ءتۇسىن، ايتپەسە، اتىنىڭ ءتىسىن سۇراپ كەتەتىن ءجونسىز، داۋ تۋدىراتىن دۇنيەلەر پايدا بولادى. ءبىز تاۋەلسىزدىك العالى دا جيىرما جىلدان استى، تەستتى قولدانعالى ون جىل، بۇنىڭ ءبارى دە قىسقا مەرزىم ەمەس. بولاشاعىن ويلاعان ەل بالا قامىن جەيدi, بالا قامىن جەگەن ەل وقۋ-اعارتۋىن تۇزەتەدى. كەشەگى ۇلت ۇستازى احمەت بايتۇرسىنۇلىنىڭ «حالىق تۇزەلۋىنىڭ ءۇمىتى جاستاردا، سوندىقتان، جاستاردىڭ قالاي وقىپ، قالاي تاربيەلەنۋى بارىنەن بۇرىن ەسكەرىلىپ، بارىنەن جوعارى قويلاتىن جۇمىس!» دەگەنىن ەل بولىپ ەسكە الساق يگى ەدى.

وسىدان بارىپ ءبىر-ءبىرىن مويىندامايتىن قالىڭ مەكەمەسىماقتاردىڭ ورنىنا عىلىم-تەحنيكاسى دامىعان ەلدەردەگىدەي ءار ءپاننىڭ باعدارلاماسىن جازىپ، وزدەرى وقۋلىق دايىنداپ، وزدەرى سوڭعى ىرىكتەۋ ەمتيحانداردى وتكىزەتىن جاۋاپتى مەكەمە بولۋى كەرەك. كەيىنگى بارلىق سىن مەن ءمىندى وزدەرى كوتەرەتىن. قازىرگىدەي بىرىنە-ءبىرى جاۋىپ قۇتىلاتىن «باس-باسىنا بي بولعان وڭشەڭ قيقىم» ەمەس. ءبىزدىڭ وقىتۋ جۇيەمىز رەسەيدىڭ كەشەگىسىن السىرەتىپ كوشىرەتىن ەسسىز ماشيناعا اينالدى. باسىمىز سولتۇستىگىمىزدەگى كورشىدەن باسقانى كورمەي، ەل وقۋ ءىسىنىڭ وزەگىن تالدىردى. قۇدىق تۇبىندەگى باقانىڭ كۇيىن قاشانعى كەشەمىز؟ كىم ءبىلسىن.

ەكىنشىدەن، دايىندىق دەڭگەيىنىڭ جەتكىلىكسىزدىگى. دايىندىق دەڭگەيى ءار جەردە ارقيلى. كەي مەكتەپتەر ۇشىراتىن تۇلەكتەرىن اپتاسىنا التى رەت سىناق تاپسىرىپ، ۇجىم بولىپ ۇيىسا تۇلەتسە، كەي مەكتەپتەر تۇلەتىپ ۇشىرۋدى ەمەس، ءبىتىرتىپ قۇتىلۋدى ويلاپ،  ايىنا ءبىر سىناق تاپسىرتىپ مىندەتىن وتەيدى. ونىڭ ءوزى تارتىپپەن ەمەس، وقۋشىلارى ويناپ ءجۇرىپ بوياپ قۇتىلاتىن ءبىر جاپىراق قاعاز ەتسە دە ەشكىم قايعىرمايدى. وسىندايدا اتام قازاقتىڭ «بولاتتاي ءتارتىپ استىندا، التىنداي تابىس جاتادى» دەيتىن اتالى ءسوزىن ەسكە الار ەل بولسا، باتىر بابامىز باۋىرجاننىڭ «تارتىپپكە باعىنعان قۇل بولماس» دەگەن ۇلاعاتتى ءسوزىن ويىنا الار ۇرپاق بولسا دەيسىڭ. ارمان بولماسا يگى، ارينە.

«بەينەت ءتۇبى زەينەت» دەمەۋشى مە ەدى. ارينە، ون ءبىر جىل ەڭبەكتەنگەندەر جەمىسىن جەيدى. سوڭعى جىل ەسىن جيعاندار مەن جيماي كەتكەندەردىڭ وكىنىشى وزىنە ايان.

ۇشىنشىدەن، ۇستازداردىڭ بىلىكسىزدىگى. ۇلى ۇستاز ى.ءالتىنساريننىڭ «ەگەر بالالار بىردەمەنى تۇسىنبەيتىن بولسا، وندا وقىتۋشى ولاردى كىنالاۋعا ءتيىستى ەمەس، ولارعا تۇسىندىرە الماي وتىرعان ءوزىن كىنالاۋعا ءتيىس» دەگەن ۇلاعاتىن ەسكە الساق، بۇگىنگى قوعامدا بۇل سالماقتى كوتەرەر ۇستازدىڭ سانى ازايعانى بارىمىزگە ءمالىم. ءوز كۇنىن ەپتەپ-سەپتەپ وتكىزىپ، داۋ تۋدىرماي باعاسىن قويىپ جۇرگەنىنە عانا ءماز بولاتىن تالاي جان مەكتەپتە مۇعالىم بولىپ جۇرگەنى دە جاسىرىن ەمەس. مىسالى، بىردە-ءبىر مۇعالىمنىڭ وقۋشىلارىنا: كوشىرمە جاساڭدار، كوشىرىپ ۇيرەنىڭدەر دەگەنىن ەستىگەندە بۇل بايقۇس ء“وزىم ۇيرەتۋگە شامام كەلمەيدى، ءوزىڭ امالىن تاپ” دەپ ءوزىن-ءوزى قورلاۋى دەمەي نە دەرسىز؟

تورتىنشىدەن، الا قويدى بولە قىرقۋ. مەكتەپتىڭ اتىن نە ەڭ جاقسىسى، نە ەڭ جامانى شىعاراتىنى بەلگىلى. بۇگىندە التىن بەلگىنى قورعاتۋ مەكتەپتەردىڭ ماقتانىشىنا اينالعانى سونشالىق، ازداعان التىن بەلگىنىڭ دايىندىعىنا باسا ءمان بەرىپ، بار جاعداي سولار ءۇشىن دەپ، كوپشىلىك ساندى وقۋشىنى تەستكە دايىندىق ورتالىقتارىن جاعالاتىپ قوياتىن مەكتەپتەردە جوق ەمەس. ال، ولاردىكى بيزنەس. باستى ماقساتتارى اقشا تابۋ.

بۇل جاعداي مەكتەپتەگى ونسىز دا جۇيكەسى توزىپ جۇرگەن تۇلەكتەردىڭ جۇرەگىنە قاتتى تيەرى حاق. بەينە، ءار وقۋشى مەكتەپتە ءار كۇندەستىڭ بالاسى سەكىلدى كۇي كەشەتىن سوراقىلىق.

بەسىنشىدەن، ۇرەي مەن قورقىنىش. ون جىلىن ويناپ وتكىزىپ، ويلانۋعا ۇلگەرمەگەن ءبىراز تۇلەك، ءبىلىم نەگىزىن دۇرىس قالاي الماۋ سەبەبىنەن، (بۇعان قوعامنان وتباسىنا دەيىن كىنالىلەر سانى جەتەرلىك) تاعى ءتۇرلى سەبەپتەرگە بايلانىستى ۇلتتىق تەست تاياعان سايىن مازاسىزدانادى، تاياعان سايىن قىسىم كۇشەيەدى، قورىققان سايىن تورىعادى. بۇدان سىرت، ۇلتتىق تەستتىڭ ءبىلىپ بولمايتىن قىرى مەن سىرى، قاپتاعان كوشىرمە كىتاپتار مەن كىشىرەيە باستاعان ەسەپتەگىش قۇرالدارى تالايدىڭ جۇيكەسىن جۇنشە تۇتەدى. كەلەسى قوقىنىش تەستتى قالاي تاپسىرام ەمەس، قالاي تەلەفون، قالاي كوشىرمە الىپ كىرىپ پايدالانام دەگەن ۇرەي تالاپكەر ساناسىنداعى ءبىلىمنىڭ قۇتىن قاشىرارى حاق. كوشىرسەم ءبىلىپ قويا ما، پايدالانسام شىعارىپ جىبەرە مە دەگەن قورقىنىش پەن ءۇش ساعاتىنىڭ بەرەكەسىن كەتىرىپ، بىلگەنىن ۇمىتادى.

ءبىزدىڭ جۇرت ەمتيحان الاڭى قاتال بولسا، رەنجىيدى، نەگىزى قۋانعان ابزال. كەيبىر ەلدەردە ەمتيحان مايداندارىندا قارۋلى سولداتتار تۇراتىنىن ەسكەرسەك، مايدانداعى ءتارتىپتىڭ بولعانى ءبىلىمدى ۇرپاق ءۇشىن نۇر ۇستىنە نۇر ەدى. ءاي، بىراق، ءبىزدىڭ جۇرت سوعان كونسە.

التىنشىدان، اتا-انالاردىڭ سالعىرتتىعى ءارى ءجونسىز شۋى. “جاۋ كەتكەن سوڭ قىلىشىن بوققا شاپقان” اتا-انالاردىڭ ءىسى كەيدە كۇلكىڭدى، كەيدە اشۋىڭدى كەلتىرەدى. ءومىرى تىرلىك دەپ كۇنىن كۇلكىسىز، ءتۇنىن ۇيقسىز وتكىزگەن تالاي اتا-انا ءوز بالاسىنىڭ نەشىنشى سىنىپتا جانە قالاي وقيتىنىن دا بىلمەي كەلىپ، سوڭعى جىلعا جەتكەندە ەسىن جيادى. ەسىن جيادى دا بالاسىن زورلىقتىڭ استىنا الادى، ءومىر بويى مۇنداي قاتاڭ تالاپ كورمەگەن بالا شىداماي وتىرىككە كوشەدى. بىراق ۇلتتىق بىرىڭعاي تەستتە وتىرىك اشىلادى. اتا-انا ۇلتتىق تەستتى ۇعىمسىز دەپ ءبىلىمدى كىنالايدى. بۇنداي اتا-انالارعا قىستىڭ قامىن جاز ويلا دەگەننەن باسقا ايتارىڭ جوق.

 

ۇلتتىق ارىڭعاي تەست

ءيا، ارىڭعاي بولار سەبەبى دە بار. بۇل بۇگىن دە ەسى دۇرىس ەلدىڭ ءبارى بىلەر اقيقاتقا اينالدى. ەستى ەلدىڭ ەتى ۇيرەندى مە دەيسىڭ كەيدە.

ارىڭعاي. سەبەبى ۇلتتىق تەستتى بۇل كۇنى «جولى بولماعان» وقۋشىنىڭ ءوزى تاپسىرادى، ايتپەسە «جولى بولعان» وقۋشىنىڭ تەلەفونى تاپسىرادى. بۇل ىسكە مۇدەلى جۇرت كوپ. ءبىرىنشىسى - مەكتەپ رەتينگىسىن ويلاعان مەكتەپ اكىمشىلىگى. مەكتەپتەردى ۇلتتىق تەستتە العان بالىمەن باعالايدى.  ال، ءبىر جىل دايىندىعى ناشار بولعان مەكتەپتەر امالدىڭ بارىن جاسايدى. مەكتەپ مۇعالىمدەرىنەن قۇرام جاساقتايدى، ولار SMS-تەر مەن MMS-تەردىڭ جاۋابىن جازار ءۇنسىز بۇيىرىق ورىنداۋشىلار. ەكىنشىسى - بالاسىنىڭ ءبىلىمى بارىن باعامداعان اتا-انا. بالاسى ءۇشىن ۇلتتىق قۇپيالىقتى بەلدەن باسادى. مۇعالىم جالدايدى، ءبىر جولعا كەلىستىرىپ «وزگەنى» الدايدى. ءۇشىنشىسى -وقۋشىنىڭ ءوزى. الدىن-الا ەلدىڭ ءبارى بىلەتىن امالداردىڭ ءبارىن جاسايدى. ينتەرنەتتىڭ بار مۇمكىندىگىن پايدالانادى. مۇندايلاردىڭ ورنىنا ۇلتتىق تەستتى ءوزى ەمەس، وزگە تاپسىرادى. «جولى بولماعان» جاندار ءوزى تاپسىرادى. بۇدان بارىپ ون ءبىر جىل كوشتەن قالماي كەلگەن بازبىرەۋلەر سىنىپتاستارىن كەلىستىرپ ءبىر تاڭعالدىرادى. بىرەۋ امالى ىسكە اسىپ قۋانادى، بىرەۋ تەڭسىز دۇنيە دەپ كۇيىنەدى.

 

ۇلتتىق تەست سوڭىندا جوعالعان بولاشاقتار

«جالعاندىق جارعا جىعادى» دەپ ايتۋشى ەدى اتام قازاق. بۇگىنگى جالعان باعا، جالعان ءبىلىم ولىمگە (سۋيتسيدكە) ءبىر-اق اكەلۋدە. قالاي دەيسىز بە؟

سالىستىرمالى تۇردە ءار جەردە ءار قالاي باعالانىپ كەلگەن بالاعا ۇلتتىق بىرىڭعاي تەست «بىرىڭعاي» بەرىلەدى. ءومىرى ءۇش، ءتورت، بەس الىپ جۇرگەن بالا ۇلتتىق تەستتەن ۇشىپ، ەكىگە تۇسكەندە (نەگىزگى ءبىلىمى ەكى، تەك بۇرىننان كوتەرمەلەنىپ كەلگەن بالا), ءومىرى ەكىنى كورمەگەن بالا ەكى دەگەن باعانى كورگەندە ءوزى دە اڭ-تاڭ، بالام ەكپىندى بولىپ وقيدى دەپ جۇرگەن اتا-انا دا اڭ-تاڭ. اتا-انا بالاعا، بالا مولاعا قارايدى.

اتا-انا بالانىڭ تاعدىرىن ويلاپ جىلايدى، بالا ۇياتتان نەمەسە اتا-انادان ەستىر سوزدەن قورقىپ ءوزىن ولىمگە بايلايدى. قوعام شۋلايدى، ۇستاز ىشىندەگىسىن ايتا الماي اساۋ اتتاي تۋلايدى. وكىنگەنمەن بۇل ساتتە ەشتەڭە دە ورنىنا كەلمەيدى، ءبارى دە كەش... وتەدى كەتەدى.

مۇندايدا ءبىر كەمشىلىك ءبىزدىڭ مەكتەپ پسيحولوگتارىندا. بىزدە جالپى پسيحولوگتار اعىلشىندار مەن ورىستار جازعان كىتاپتارمەن دايارلانادى. سول جولمەن كەلىپ، قازاق بالاسىنا اعىلشىندار مەن ورىستار قولدانعان تەستتەر مەن ساۋالنامالار ارقىلى زەرتتەۋ جۇرگىزىپ سولاردىڭ ويىمەن اقىل ايتادى. ولار كەشىرسىن، ءار ەلدىڭ سالتى ءار باسقا، ادەت-عۇرپى، پسيحولوگياسى دا باسقا. قازاق بالاسىنا اعىلشىننىڭ اقىلى كومەكتەسپەيدى. قازاق بالاسىنا ناعىز قازاقي جاناشىرلىق كەرەك. مۇنى وسى ماماندىق تىزگىنىن ۇستاعاندار سەزىنسە عوي.

 

ۇتو - عا نە كەرەك، ۇقك - گە نە كەرەك؟

ۇلتتىق تەستتىلەۋ ورتالىعىنا بىرىڭعاي تەستىلەۋ جۇيەسىنىڭ ءار جىلىن ساراپتاپ، قاتەلىكتەردى قايتالاماۋ كەرەك. ۇلتتىق تەستتىڭ ءادىل ءارى ساپالى ءوتۋى قازاقستان بولاشاق جاستارىنىڭ دۇرىس سۇرىپتالۋى. سوندىقتاندا ۇلتتىق تەستتىڭ ۇتارىن ارتتىرىپ، ولقىلىعىن تۇزەتۋ كەرەك. باعدارلاما جانە وقۋلىق قۇرىلىمىمەن، مازمۇنىمەن ساناسۋ دا ماڭىزدى.

ۇلتتىق قاۋىپسىزدىك كوميتەتىنە تەستتىڭ بارىنشا ءادىل ءوتۋى «بىرىڭعاي» تەستتى بىرىىڭعاي وتكىزۋ كەرەك. بازبىرەۋلەردىڭ ورنىنىڭ الدىن-الا دايارلانىپ، بايلانىس قۇرالدارىنىڭ سيگنالدارىنىڭ ءبىر اۋديتوريادا جالعانىپ، ءبىر اۋديتوريادا ءۇزىلىپ تۇراتىن جالعان فورماشىلدىقتان ارىلۋ كەرەك. كويلەكتەردىڭ استىن ءتىنتۋ ەمەس، كوپ جۇرتقا بىلىنبەي كەتەتىن قاراۋلىققا قاراۋدى ەسكەرۋ، تەست ءجۇرىپ جاتقان مايداندى بارىنشا سىرتتا وتىرعان حالىق  كورىپ وتىراتىنداي جاريالىلىقتى ارتتىرعان ابزال. ۇلتتىق قاۋىپسىزدىك كوميتەتىنىڭ ۇلت بولاشاعىنا قاۋىپ توندىرمەگەنى ءجون.

ۇرپاققا نە كەرەك، ۇستازعا نە كەرەك؟

ۇرپاق تا، ۇستاز دا ۇلتتىق تەستتىڭ ءادىل بولۋىن تالاپ ەتۋ كەرەك. ۇستاز ۇياتىن جويىپ سىرتتان «كومەكتەسۋ» ەمەس، ۇلتتىق قۇپيالىقتىڭ دۇرىستىعىنا كومەكتەسۋ كەرەك. مالىك عابدۋللين اعامىز ايتپاقشى: «مۇعالىم ءوزىنىڭ بىلىمدىلىگىمەن، ءجۇرىس-تۇرىسىمەن، جايدارى مىنەزىمەن، ءتىپتى سىرت ءپىشىنى، كيگەن كيىمىمەن دە وقۋشىسىنا جاقسى ماعىنادا قاتتى اسەر ەتەدى». سوندىقتان دا ۇستاز ءار ىسىندە ءبىلىمدى شاكىرتتىڭ وزاتىندىعىن دالەلدەپ وتىرۋ كەرەك.

ۇستاز دەگەن جانعا لايىقتى بولامىن دەگەن ءار قانداي جان ار الدىندا تازا بولماسا، ۇستازبىن دەۋدىڭ ءوزى ۇيات. ۇرپاق تەست ءۇشىن ون ءبىرىنشى سىنىپقا جەتكەن كەزدە ەمەس، ءبىرىنشى سىنىپتان ءوز ءبىلىم نەگىزىن قالىپتاستىرۋ كەرەك. تەستكە بىلىمدىك نەگىزبەن دايىندالۋ ماڭىزدى، ال تەستتى قۇر جاتتاۋ – قازاقتىڭ «جەتەكتەگەن يت اۋعا جارامايدى»، - دەگەن ماقالىن ەسكە سالادى.                                

ۇلتقا نە كەرەك؟

ۇلت بولام دەگەن قاۋىم ەشقاشاندا ۇرپاعىنىڭ تاعدىرىنا بەي-جاي قارامايدى. قازاقتىڭ ۇلى اقىنى ماعجان جۇماباەۆ: «قازاقتىڭ تاعدىرى، كەلەشەكتە ەل بولۋى دا مەكتەبىنىڭ قانداي نەگىزدە قۇرىلۋىنا بارىپ تىرەلەدى. مەكتەبىمىزدى تازا، بەرىك ءھام ءوز جانىمىزعا (قازاق جانىنا) ۇيلەسەتىن نەگىزدە قۇرا بىلسەك، كەلەشەگىمىز ءۇشىن تايىنباي-اق سەرتتەسۋگە بولادى» دەيدى.  سوندىقتان، ۇرپاق تاعدىرىنا بايلانىستى ارقانداي ىستە ۇتىلماستاي ءۇردىس قالىپتاستىرۋ بۇگىنگى ۇلت زيالىلارى ءۇشىن اۋىر سىن. ۇرپاعىمىزدىڭ ۇياتتان بەزىپ، ۇساقتالىپ كەتپەسىن دەسەك تەك تەستتىڭ ماڭىندا ەمەس، بالامىز ءبىلىم ورداسىن اتتار ەسىكتىڭ ماڭىنان باستاپ ويلانعانىمىز ابزال. ءبىزدىڭ بار سالانى ءبىر جۇيەگە سالىپ، كوشىرمەشىلدىكتەن قۇتىلار كەزىمىز كەلدى. ەندى ويلانباساق ەرتەڭ ءبارى دە كەش بولادى.

Abai.kz

0 پىكىر