جۇما, 29 ناۋرىز 2024
جاڭالىقتار 4324 0 پىكىر 31 مامىر, 2013 ساعات 14:15

مۇگەدەكتەر ماسەلەسى

ءاربىر  اكىمنىڭ مۇگەدەكتىگى بار ادام­دار قاتارىنان كەڭەسشىسى بولادى.

ءاربىر  اكىمنىڭ مۇگەدەكتىگى بار ادام­دار قاتارىنان كەڭەسشىسى بولادى.

 مينيسترلەر كابينەتى 29 مامىر كۇنى 2012-2018 جىلدارعا ارنالعان «مۇگەدەكتەردىڭ قۇقىقتارىن قامتاما­سىز ەتۋ جانە ءومىر ءسۇرۋ ساپاسىن جاق­سارتۋ جونىندەگى ءىس-شارالار جوسپارى­نىڭ» ءبىرىنشى كەزەڭىنىڭ ورىندالۋ با­رىسىن قاراعان بولاتىن. «شىراق» مۇگەدەكتىگى بار ايەلدەر قاۋىمداستىعىنىڭ ءتورايىمى لياززات قالتاەۆانىڭ ايتۋىنشا، «مۇگەدەكتەر ماسەلەسى جوعارعى ۇكىمەتتىك دەڭگەيدە تۇڭعىش رەت كوتەرىلىپ وتىر». ءتورايىم مۇگەدەكتەرگە قاتىستى مەملەكەتتىك قامقوردىڭ الەمدىك تاجىريبەسىنە ەرەكشە توقتالىپ ءوتتى. «جاپونيادا ءبىرىنشى توپتاعى مۇگەدەك مەملەكەتتىڭ قانداي جاردەماقىسىن الۋى مۇمكىن، ارينە جۇمىس!» سەبەبى جا­پونيادا مۇگەدەكتىگى بار ادامنىڭ قو­عامنىڭ موينىنداعى جۇككە اينال­ماۋى، ماسىل بولماۋى ءۇشىن، كەرىسىنشە، ءوز كۇشىن ەل ەكونوميكاسىن دامىتۋعا جۇمساۋى ءۇشىن بارلىق جاعداي جاسالعان ەكەن. قازاق قوعامى دەنى ساۋ ادام عانا ەل دامۋىنا ۇلەس قوسا الادى. الايدا، قازىر مۇنداي، مەملەكەتتىك كوزقاراس بىرتىندەپ سەيىلىپ كەلەدى. بۇل رەتتە، قاۋىمداستىق باسشىسى ءلاززات قالتاەۆا  ۇكىمەتكە تىڭ ۇسىنىسپەن شىقتى: «ەگەر ءاربىر اكىمنىڭ مۇگەدەكتىگى بار ادام­دار قاتارىنان كەڭەسشىسى بولسا، ول ادام ءار ءوڭىر بويىنشا مۇگەدەكتەر جاعدايىن جاقسى ءبىلىپ، ولاردىڭ جۇمىسقا ورنالاسۋىنا جاعداي جاسار ەدى» ، - دەدى. پرەمەر سەرىك احمەتوۆ بۇل ماسەلەنى قا­راۋ تۋرالى سول ساتىندە تاپسىرما بەردى: « تەك وبلىستاردىڭ عانا ەمەس، بار­لىق دەڭگەيدەگى اكىمدەر وسى تاجىري­بەنى ەندىرۋى قاجەت، – دەدى ول. «بۇل باعىتتاعى جۇمىس بارىنشا اشىق بولۋعا ءتيىس. ەگەر اكىمنىڭ قاسىن­­دا وسىنداي بەلسەندى كەڭەسشىسى بولسا، ون­دا وبلىس اكىمى جانىنداعى ۇيلەستى­رۋ­­­شى كەڭەس تە دۇرىس جۇمىس جاسايتىن بولا­دى، ازىرگە ولاردىڭ جۇمىستارى فور­­­مال­دى سيپاتتا، – دەي كەلە، پرەمەر وب­لىس باسشىلارىنا بارلىق دەڭگەيدەگى اكىم­­دەردىڭ كەڭەسشىلەرى ينستيتۋتىن قۇرۋ ماسە­لە­سىن قاراستىرۋدى جۇكتەدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596