جەكسەنبى, 26 مامىر 2024
بيلىك 1894 1 پىكىر 10 ماۋسىم, 2023 ساعات 14:38

تجم: اباي وبلىسىنداعى ءورت اۋىزدىقتالا باستادى

تاڭەرتەڭنەن باستاپ بارلىق قولدا بار كۇشتەر جالىنمەن كۇرەسۋ ءۇشىن قايتا جۇمىلدىرىلدى. ءورت ايماعىنا ءورت ءسوندىرۋ بريگادالارى مەن ورمان شارۋاشىلىعى قىزمەتكەرلەرىن قولداۋ ءۇشىن قوسىمشا وتريادتار جىبەرىلدى.

اباي وبلىسىنىڭ اكىمى نۇرلان ۇرانحاەۆ «شىعىس» وق قوسىمشا 200 اسكەري قىزمەتشى مەن 8 بىرلىك تەحنيكانى وتپەن كۇرەسكە كومەكتەسۋ ءۇشىن جىبەرگەنىن اتاپ ءوتتى.

«پرينەبەسنوە، ۋسپەنكا، كاشتاك، تاليتسا اۋىلدارىنىڭ اۋداندارىندا ءورتتى ءسوندىرۋ جالعاسۋدا. قوسىمشا كۇش جەتىسۋ، الماتى، قىزىلوردا وبلىستارىنان، الماتى جانە قاراعاندى قالالارىنان كەلەدى. بۇگىن تاڭەرتەڭ «شىعىس» وق-نىڭ 200 اسكەري قىزمەتشىسى مەن 8 تەحنيكاسى شىقتى. جەدەل شتابتىڭ جۇمىسى تاۋلىك بويى جالعاسادى. رەسپۋبليكالىق جانە وبلىستىق شتابتا «قاۋىرت جەلى» تەلەفونىنىڭ جۇمىسى ۇيىمداستىرىلدى. تاڭعى ساعات 7-دە اەروۆيزۋالدى تەكسەرۋ جۇرگىزىلدى»، - دەدى ۇرانحاەۆ.

قر تجم ورتكە قارسى قىزمەت كوميتەتىنىڭ توراعاسى نۇربولات دەربىسوۆ ءورت ورنىنداعى جاعداي تۇراقتانا باستاعانىن راستادى.

«بۇگىن تاڭەرتەڭ ءورتتى ءسوندىرۋ جۇمىستارى جالعاستى. 8 تىكۇشاق، سونداي-اق تەحنيكا مەن جەكە قۇرام ءسوندىرۋ جۇمىستارىن جالعاستىرۋدا. قۇرعاق جانە ىستىق اۋا-رايىنا بايلانىستى ءورتتى ءسوندىرۋ قيىنعا سوعادى. قيىن جاعدايلارعا قاراماستان، ورمانشىلار مەن ءورت سوندىرۋشىلەر جۇمىسىن جالعاستىرۋدا. بارلىق كۇشتەر مەن قۇرالدار سوندىرۋگە جۇمىلدىرىلدى. ءورت ورنىنداعى جاعداي تۇراقتالدى، قورعانىس مينيسترلىگىنەن قوسىمشا كۇشتەر تارتىلدى. ەكولوگيانىڭ ءبىرىنشى ۆيتسە-ءمينيسترى جانە تج جونىندەگى ۆيتسە-مينيستر اەروۆيزۋالدى تەكسەرۋ جۇرگىزەدى. ءبىز ءورتتى وقشاۋلاۋ ءۇشىن ءبارىن جاسايمىز»، - دەدى دەربىسوۆ.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2348
ادەبيەت

«سولاي ەمەس پە؟»

عابباس قابىشۇلى 2690
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2941
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1772