بەيسەنبى, 28 ناۋرىز 2024
نە دەيدى؟! 1198 15 پىكىر 6 ماۋسىم, 2023 ساعات 16:25

ساتىبالدى تۇرمەدە وتىرىپ 6 ميلليارد تەڭگەنىڭ مۇلىگىن ساتىپ العان

سۋرەت: بولات شايحينوۆ

ءماجىلىس دەپۋتاتى ماقسات تولىقباي ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ وتىرىسىندا سوتتالعان كاسىپكەر قايرات ساتىبالدىنىڭ قاماۋدا وتىرعان كەزىندە 6 ميلليارد تەڭگەگە ساتىپ الۋ-ساتۋ مامىلەسىن جاساعانىن ايتتى.

دەپۋتاتتىڭ ايتۋى بويىنشا، ول الماتىداعى Hilton قوناقۇيىنىڭ 160 قىزمەتكەرىنىڭ ارىز-شاعىمىن تىڭداپ قايتقان ەكەن. قوناق قىزمەتكەرلەرى قوناقۇيدى قايرات ساتىبالدىنىڭ ءوز كۇشىمەن 10 جىلعا جۋىق ۋاقىت سالعان زاڭدى يەسى شولپان كارانەەۆادان رەيدەرلىك جولمەن تارتىپ العانىن ايتىپتى. مۇنى 2020 جىلدان باستاپ شولپان كارانەەۆانىڭ ءوزى اقپارات قۇرالدارىنا بەرگەن سۇحباتتارىندا اشىق جەتكىزىپتى.

دەپۋتات جازباسىندا: «ابلي قۇرىلىس» كومپانياسىنىڭ قۇرىلتايشىسى شولپان كارانەەۆا بىلاي دەيدى: وسىدان ءتورت جىل بۇرىن (2019 ج) فرانچايزينگ كەلىسىمىمەن Hilton قوناقۇيىن سالعان. قۇرىلىستى اياقتاۋ ءۇشىن «Capital Bank Kazakhstan» اق-نا قوناقۇيدى كەپىلگە قويىپ 4 ميلليارد 200 ميلليون تەڭگە سوماسىندا قارىز العان. كورونوۆيرۋس پاندەمياسى باستالعان 2020 جىلى Hilton قوناقۇيى قىزمەتىن ۋاقىتشا توقتاتقان.

سول كەزدە پرەزيدەنت كاسىپكەرلەردى تۇرالاپ قالماۋ ءۇشىن بانكتەرگە تولەمدەردى ۋاقىتشا توقتاتۋعا بۇيرىق بەرگەن. ال «Capital Bank Kazakhstan» اق پرەزيدەنت بۇيرىعىن پىسقىرماعان. بانك تاراپى وتىنىشكە جاۋاپ بەرمەي، قوناقۇيدى «زاڭگەر» كوللەكتورلىق اگەنتتىگىنە بەرەدى. ال «زاڭگەر» قوناقۇيدىڭ نارىقتاعى قۇنى 9,5 ميلليارد تەڭگەدەن اسسا دا، ونى بار بولعانى 5,1 ملرد تەڭگەگە باعالاپ، «بايدالا» جشس-نە ساتىپ جىبەرگەن»، – دەدى.

ال شولپان كارانەەۆا «بايدالا» كومپانياسىنىڭ ارتىندا قايرات ساتىبالدى تۇرعانىن ايتىپ، «رەيدەرلىك باسىپ الۋ ارەكەتى» دەپ اپپەلياتسيالىق سوتقا شاعىمدانعانىمەن، وڭ ناتيجەگە قول جەتكىزبەگەن.

ماقسات تولىقباي سونداي-اق: «قايرات ساتىبالدى ۇستالىپ، دۇنيە-مۇلكى تاركىلەنگەن كەزدە ءبىزدىڭ قۇزىرلى ورگاندار DoubleTree by Hilton قوناقۇيىن دە قايراتتىڭ تاركىلەنگەن مۇلىكتەرىنىڭ قاتارىنا قوسىپ قويعان. «ابلي قۇرىلىس» كومپانياسى «ءبىز «بايدالا» جشس-مەن سوتتاسىپ جاتىرمىز، بۇل قالاي قايرات ساتىبالدىعا ءوتىپ كەتەدى، ءىس ءالى قارالىپ جاتىر عوي؟!» دەپ ارىز تۇسىرگەننەن كەيىن قايرات پەن «بايدالا» اراسىندا ىلدىم-جىلدىم كەلىسىمشارت (دوگوۆور كۋپلي-پروداجي) جاسالادى. تۇرمەدە! ول جەرگە نوتاريۋستى قالاي كىرگىزىپ ءجۇر، تۇرمەدە وتىرعان قايراتتىڭ قالتاسىندا 6 ملرد تەڭگە قايدان ءجۇر؟! بۇل جەردە دە زاڭسىزدىق كوپ.

ەندىگى سحەما بىلاي: قوناقۇيدى قايرات ساتىبالدىنىڭ اتىنان مەملەكەتتىك اكتيۆكە وتكىزىپ جىبەرىپ، ارزان باعادا اۋكتسيون ارقىلى ءوز اتىنا اۋدارىپ العىسى كەلەتىن باسقا مۇددەلى توپتار قاتتى جۇمىس ىستەپ جاتىر. قايرات ساتىبالدى ۇستالسا دا، رەيدەرلىك ارەكەت جالعاسىپ جاتىر» دەيدى شاعىمدانۋشى»، دەپ جازدى.

 

اقپارات كوزى: Massaget.kz

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3522