الماتى قالالىق سوتىنىڭ ءباسپاسوز قىزمەتى «ديكي ارمان» لاقاپ اتىمەن تانىمال ارمان جۇماگەلديەۆتى قاماۋدا ۇستاۋ مەرزىمى 2023 جىلدىڭ 7 تامىزىنا دەيىن ۇزارتىلعانىن حابارلادى.

«الماتى مامانداندىرىلعان اۋدانارالىق تەرگەۋ سوتىنىڭ 2023 جىلعى 5 ماۋسىمداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ د.-عا قاتىستى قىلمىستىق ءىس ماتەريالدارىمەن تانىسۋ كەزەڭىندە قاماۋدا ۇستاۋ مەرزىمىن 2023 جىلدىڭ 7 تامىزىنا دەيىن ۇزارتۋعا سانكتسيا بەرۋ تۋرالى ءوتىنىشى قاناعاتتاندىرىلدى»، – دەلىنگەن الماتى قالالىق سوتتىڭ ءباسپاسوز قىزمەتى ۇسىنعان مالىمەتتە.

ەستەرىڭىزدە بولسا قىلمىس الەمىنىڭ بەدەلدىسى ارمان جۇماگەلديەۆتى ۇستاعان ەدى. كەيىن قر باس پروكۋراتۋراسى «ديكي ارمانىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن ايتقان بولاتىن.

Abai.kz