جۇما, 29 ناۋرىز 2024
سوعىس 2754 2 پىكىر 5 ماۋسىم, 2023 ساعات 14:09

رەسەي تىعىرىققا تىرەلدى. بەلگورودتا نە بولىپ جاتىر؟

كرەمل بەلگورود وبلىسىنداعى «ازات رەسەي» جاساقتارىنىڭ ءىس-قيمىلىنا قالاي جاۋاپ قايتارارىن بىلمەي وتىر. بۇل تۋرالى سوعىستى زەرتتەۋ ينستيتۋتى (ISW) جازادى.

ساراپشىلار ايماقتىڭ اسكەري جانە ازاماتتىق ورگاندارى اراسىندا بايلانىستىڭ جوقتىعىن ايتادى.

«رەسەي قورعانىس مينيسترلىگى ۋكراينا اۋماعىنداعى «ورىس ەرىكتىلەر كورپۋسىن» (ورك) ءساتتى «تالقاندادىق» دەپ ەسەپ بەرىپ جاتقاندا، جەرگىلىكتى ايماقتىڭ گۋبەرناتورى گلادكوۆ ورك-مەن جاڭا شايقاستار تۋرالى، كوتەرىلىسشىلەرمەن كەلىسسوزگە كەلۋ تۋرالى حابارلادى»، - دەيدى سوعىستى زەرتتەۋ ينستيتۋتى.

امەريكالىق ساراپشىلار: «رەسەي ازىرگە تەك اقپاراتتىق شابۋىل جاساپ وتىر. ال شەكارالاس اۋماقتاعى وەك رەيدتەرىنە قارسى ناقتى جوسپار قۇرىپ وتىرعان جوق»، - دەيدى.

رەسەيدىڭ ۋكرايناعا باسقىنشىلىق سوعىسىنا ۋكرايندار تاراپى قارسى جاۋاپ قايتارۋدا. ۋكراينا جاعىندا سوعىسىپ جاتقان «ورىس ەرىكتىلەر كورپۋسى» رەسەي فەدەراتسياسىنىڭ شەكارالاس اۋماعىنا 22 مامىردان باستاپ تۇراقتى تۇردە رەيدتەر جۇرگىزىپ كەلەدى. قازىر رەسەيدىڭ ەلدى مەكەندەرىن باسىپ الا باستادى.

وسى ايدا بەلگورود وبلىسىنىڭ شەكارالاس ەلدى مەكەندەرىنىڭ (شەبەكينو، نوۆايا تاۆولجانكا، مۋروم) تىنىشى كەتكەن.

سوڭعى ۋاقىتتا بەلگورود، بريانسك جانە كۋرسك، سمولەنسك وبلىستارىنىڭ گۋبەرناتورلارى ۋكراينانىڭ شابۋىلى كۇشەيگەنىن حابارلاعان بولاتىن.

«ورىس ەرىكتىلەرى» شەبەكينو ايماعىنا تانكپەن كىردى. قازىر اتالعان اۋماقتا ۇرىس ءجۇرىپ جاتىر. نوۆايا تاۆولجانكادا «ورىس ەرىكتىلەرى» رەسەي ارمياسىنىڭ ەكى ساربازىن تۇتقىنعا العان.

«ءبىز نوۆايا توۆالجانكادامىز. ءبىزدىڭ قولىمىزدا تۇتقىنعا تۇسكەن ساربازدار مەن جارالانعان جاۋىنگەرلەرىڭ بار. مىنە ولار، ۆيدەودان كورىپ تۇرسىڭ. گۋبەرناتور نوۆايا توۆالجانكاعا كەلسە، ءبىز بۇل تۇتقىنداردى بەرۋگە دايىنبىز. تيىسپەيمىز. تەك پىكىر الماسامىز، كەشكى 17:00-گە دەيىن ۋاقىت بەرەمىز»، - دەدى «ورىس ەرىكتى كورپۋسى» وكىلدەرى. گۋبەرناتور گلادكوۆ نوۆايا توۆالجانكادا راسىمەن ۋكراين ديۆەرسانتتارىمەن ۇرىس بولىپ جاتقانىن مويىندادى، الايدا «تۇتقىنعا تۇسكەن ساربازداردى ولار وسى ۋاقىتقا دەيىن ءولتىرىپ تاستاۋى مۇمكىن» دەگەن جەلەۋمەن كەزدەسۋدەن باس تارتتى. «كەزدەسۋدى شەبەكينو قالاشىعىندا وتكىزەيىك» دەگەن ورىندالماس ۇسىنىس ايتىپ، قاشقاقتادى.

3 ماۋسىمدا ورك ساربازدارى رەسەي ارمياسىمەن قاقتىعىس بولىپ جاتقاندىقتان بەلگورود وبلىسىنا شەكارالاس ەلدى مەكەندەرىنىڭ تۇرعىندارىنا ۋكرايناعا ەۆاكۋاتسيالاۋ تۋرالى ۇسىنىس ايتقان.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541