بەيسەنبى, 28 ناۋرىز 2024
جاڭالىقتار 3216 0 پىكىر 24 مامىر, 2013 ساعات 07:29

بالبالدارىڭ قايتا ورالۋى

نەگە ەكەنىن بىلمەيمىن، مامىردىڭ 22-ءسىن اسىعا كۇتكەن مەن عانا ەمەس جۇرتتىڭ ءبارى سەكىلدى. بۇل كۇنى تاڭەرتەڭنەن باستاپ اسپاندى تۇنەرگەن بۇلت باستى، قۇددى قار جاۋاتىنداي ما، نوسەردىڭ بۇلتى ما، قويۋ قارا جاباعى بۇلت تۇتاستى دا الدى. ساعات كەشكى بەستەن وتە ەرلان قاريننىڭ «بالبالتاس» البوم-كىتابىنىڭ تانىستىرىمىنا اسىعا شىعىپ، ايالداماعا كەلىپ ۇلگەردىم. جاۋىن باستالدى، بۇرشاق ارالاستى. نوسەرلەتكەن جاۋىن نايزاعايدىڭ جارقىلى مەن كۇركىرى ارالاسىپ، قۇيىپ كەتتى. مىنە سالاتىنداي تاكسي جۇرەتىن دە جەر ەمەس، ايتەۋىر اۆتوبۋس تا كەلىپ ۇلگەردى...

قىزىعى سول، نوسەر جاۋىن ون مينۋتتاي قۇيدى دا تىنىشتالا قالدى. قالىڭ بۇلت دەمدە سەيىلىپ، كۇننىڭ شۋاعى قۇيىلىپ قويا بەردى! تانىستىرىم ەندى باستالا بەرگەندە جەتىپپىن. شارانى بەلگىلى قوعام قايراتكەرى نۇرلان ەرىمبەتوۆ اشتى. «جۇرت ەڭبەك دەمالىسىن الىپ، تۇركياعا بولسىن، ەۆروپاعا، تايلاند، ەميرات دەيسىڭ بە، ايتەۋىر جان تىنىشتىعىن ويلاپ شەتەلگە اسسا، ەرەكەڭ بەس جىل بويى دەمالىسىن دالا كەزىپ، رۋح ىزدەۋمەن وتكىزىپ اقىرىندا مىناداي قوماقتى دۇنيەنى الدىمىزعا اكەلىپ وتىر»، - دەدى ول.

نەگە ەكەنىن بىلمەيمىن، مامىردىڭ 22-ءسىن اسىعا كۇتكەن مەن عانا ەمەس جۇرتتىڭ ءبارى سەكىلدى. بۇل كۇنى تاڭەرتەڭنەن باستاپ اسپاندى تۇنەرگەن بۇلت باستى، قۇددى قار جاۋاتىنداي ما، نوسەردىڭ بۇلتى ما، قويۋ قارا جاباعى بۇلت تۇتاستى دا الدى. ساعات كەشكى بەستەن وتە ەرلان قاريننىڭ «بالبالتاس» البوم-كىتابىنىڭ تانىستىرىمىنا اسىعا شىعىپ، ايالداماعا كەلىپ ۇلگەردىم. جاۋىن باستالدى، بۇرشاق ارالاستى. نوسەرلەتكەن جاۋىن نايزاعايدىڭ جارقىلى مەن كۇركىرى ارالاسىپ، قۇيىپ كەتتى. مىنە سالاتىنداي تاكسي جۇرەتىن دە جەر ەمەس، ايتەۋىر اۆتوبۋس تا كەلىپ ۇلگەردى...

قىزىعى سول، نوسەر جاۋىن ون مينۋتتاي قۇيدى دا تىنىشتالا قالدى. قالىڭ بۇلت دەمدە سەيىلىپ، كۇننىڭ شۋاعى قۇيىلىپ قويا بەردى! تانىستىرىم ەندى باستالا بەرگەندە جەتىپپىن. شارانى بەلگىلى قوعام قايراتكەرى نۇرلان ەرىمبەتوۆ اشتى. «جۇرت ەڭبەك دەمالىسىن الىپ، تۇركياعا بولسىن، ەۆروپاعا، تايلاند، ەميرات دەيسىڭ بە، ايتەۋىر جان تىنىشتىعىن ويلاپ شەتەلگە اسسا، ەرەكەڭ بەس جىل بويى دەمالىسىن دالا كەزىپ، رۋح ىزدەۋمەن وتكىزىپ اقىرىندا مىناداي قوماقتى دۇنيەنى الدىمىزعا اكەلىپ وتىر»، - دەدى ول.

استانالىق ەليتانىڭ الدىنا قىمسىنا شىققان ەرلان تىنىمبايۇلى: «بۇل جوبانى قولعا الۋعا ماڭعىستاۋعا بارعاندا زەينوللا ساماشەۆ اعامىزبەن تاڭعا دەيىن تاريح جايىندا اڭگىمەلەسكەندە كەلگەن يدەيا نەگىز بولىپ ەدى... بالبالتاس – جاي عانا ەسكەرتكىش ەمەس، ءبىزدىڭ اتا-بابالارىمىزدىڭ يگەرگەن كەڭىستىگىن قورۋشى ۇلى دالانىڭ تاس ساقشىلارى دەسەك تە، رۋحى دەسەك تە جاراسادى» - دەدى ىرگەلى ءىستىڭ العاشقى ناتيجەسىن جاريالاۋعا قوبالجي سويلەپ ءسوزدى عىلىمي ۇستاز اپايى بەلگىلى تاريحشى، عالىم ايمان دوسىمباەۆا حانىمعا بەردى. تەبىرەنە سويلەگەن عالىم بالبالتاستار جونىندە ءبىرشاما مالىمەتتەردى جايىپ سالدى. ونىمەن قويماي، كوپشىلىك اراسىندا پىكىرىن جالعاستىرعان ايمان اپاي نۇردىڭ دا بەكەر قۇيىلماعانىن جەتكىزىپ جاتتى.
جوبانىڭ باس دەمەۋشىسى «ميتسۋبيسي كورپورەيشن ينتەرنەشنل ب.ۆ.» كومپانياسىنىڭ ۆيتسە-پرەزيدەنتى دە بۇل جوبانىڭ يگىلىكتى ءارى قايىرىمدى ەكەنىن ايتا وتىرىپ،  جاپونيادا دا بالبالداردىڭ مولدىعىن، سونىڭ ءوزى حالىقتارىمىزدىڭ تامىرلاستىعىن بىلدىرەتىنىن ايتىپ ءوتتى.

شاراعا تاريحتى قادىر تۇتۋشى استانالىقتار مول جينالدى. نازارباەۆ ورتالىقتىڭ 4-قاباتتاعى كۇمبەزدى فوەسىنە جايعاستىرىلعان ادام بويىنداي بالبالتاس فوتولارى جينالعان ۇرپاقتارىنىڭ اراسىندا جۇرگەن ەجەلگى تاس بابالارداي اسەر ەتەدى. كوپتەن كورىسپەگەن جۇرتشىلىق بابالاردىڭ رۋحىنا قۋاتتانىپ، ءماز بولىستى. ارنايى تۇسىرىلگەن 37 مينۋتتىق دەرەكتى فيلم دە كورسەتىلدى. ادەتتەگىدەي تانىستىرىلاتىن كىتاپتى تەگىن ۇلەستىرۋ ءراسىمىنىڭ ورنىنا جۇرت ساتىپ العان البوم سوماسىن ارۋجان سايىن باسقاراتىن «مەيرىمدىلىك» ەرىكتى  قوعامى قوعامدىق قورىنا سالىپ جاتتى.

نايزاعاي ويناتىپ، نوسەرلەتە كەلگەن بابالار رۋحى شايداي اشىلعان استانانىڭ اسپانىنداي جينالعان قاۋىمدى دا جادىراتتى. ويتپەگەندە شە، بۇل ءبىر بويدى قۋاتى كەرنەپ، باس قالانى رۋحتار جايلاعان كۇن ەدى.

ەلسەرىك
استانا، 22 مامىر 2013جىل
Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3513