جۇما, 29 ناۋرىز 2024
2385 8 پىكىر 2 ماۋسىم, 2023 ساعات 15:03

رينات زايىتوۆ: «ادامدار نان تابا الماي وتىرسا، كىلەم تىگىپ بەرگەلى وتىرمىز»

ءماجىلىس دەپۋتاتى رينات زايىتوۆ «حالىقتىڭ تابىسىن 2029 جىلعا دەيىن ارتتىرۋ باعدارلاماسى» كەشەندى جوسپارىنىڭ كوڭىلگە قونىمسىز تۇستارىن سىنعا الدى، دەپ حابارلايدى Ulysmedia.kz.

«باعدارلامادا 90 مىڭ تاۋارعا تالداۋ جۇرگىزىلىپ، 37 تاۋار انىقتالدى دەيدى. كىرىستەر دەڭگەيىن قامتاماسىز ەتەتىن ءىس-شارالار جانە مەملەكەتتىك قولداۋ شارالارىندا بىرنەشە تاۋار ءتۇرى، ءوندىرىس ورىندارى كورسەتىلگەن. بىزدە ەڭ ماڭىزدى 37 تاۋاردىڭ قۇرامىندا كىلەم جانە كىلەم بۇيىمدارىن ءوندىرۋ، پلاستيكالىق تەرەزە ءوندىرۋ بار. سىزدەر كىلەم ءوندىرۋ مەن پلاستيكالىق تەرەزە ءوندىرۋدى اشامىز دەيسىزدەر. بىراق باعاسى جاعىنان قىتايدان، ساپاسى جاعىنان ەۋروپادان وزا الا ما؟ جوق، تاعى دا اشىلىپ، ۇلكەن باستىق لەنتاسىن قيىپ، تاعى جابىلا ما؟ وسى جاعىن ويلاستىرىڭىزدار. نە باعدارلاما بۇل؟ ادامدار نان تابا الماي وتىرسا، كىلەم تىگىپ بەرگەلى وتىرمىز. بۇل قالاي سوندا؟»، - دەدى ماجىلىسمەن.

ول باعدارلاما ءماتىنىن ورىس تىلىنەن اۋدارۋ كەزىندە دە ءبىراز قاتە جىبەرىلگەنىن اتاپ ءوتتى.

«باعدارلامالارىڭىزدى جازعان ادامعا دۇعاي سالەم. قازاقشاسىندا «نەۋدوۆلەتۆوريتەلنىي» دەگەندى قاناعاتتانارلىقسىز دەپ قاراستىرۋعا بولادى. بىراق «كريتيچەسكي» دەگەن سىني دەگەن ءسوز ەمەس. مەن قازاق ءتىلى مەن ادەبيەتى مامانى رەتىندە ايتامىن. سىن كوتەرمەيتىن دەيدى قازاقشا. «ەكسترەننىي» دەگەن شۇعىل ەمەس، ول «سروچنىي» دەگەن ءسوز، بۇل جەردە كۇتتىرمەيدى دەپ اۋدارىلادى. كەلەسى جولى وسىندايلارعا نازار اۋدارىڭىزدار»، - دەدى دەپۋتات.

سۋرەت: عالامتوردان

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532