سارسەنبى, 27 قىركۇيەك 2023
865 1 پىكىر 2 ماۋسىم, 2023 ساعات 13:51

جاڭاوزەندە مۇنايشىلار نارازىلىعى جالعاسىپ جاتىر

سۋرەت: جانار كاريموۆا

"قازمۇنايگاز" ۇلتتىق كومپانياسى مۇنايشىلار نارازىلىعىنان كەيىن قۇرىلعان جاڭاوزەندەگى ارنايى جۇمىس توبىنىڭ "قىزمەتى اياقتالدى" دەگەن اقپارات شىندىققا جاناسپايدى دەپ مالىمدەدى.

جاڭاوزەندە "تۇراقتى جۇمىس پەن بىردەي جالاقى" تالاپ ەتىپ تۇرعان "بەرالى ماڭعىستاۋ Company" كاسىپورنىنىڭ بۇرىنعى مۇنايشىلارى وسى اپتادا "قازمۇنايگاز" تەكسەرۋى 29 مامىردا اياقتالعانىمەن، ۇلتتىق كومپانيا ونىڭ شەشىمىن ءالى جاريالاعان جوق" دەپ شاعىمدانعان. ولار بيلىككە 15 ماۋسىمعا دەيىن مۇرسات بەرەتىنىن، ماسەلە شەشىلمەسە، استاناعا باراتىنىن مالىمدەگەن.

"قازىرگى ۋاقىتتا "وزەنمۇنايگاز" اق-تىڭ قارجى-شارۋاشىلىق قىزمەتىن تەكسەرۋ جونىندەگى جۇمىس اياقتالۋعا جاقىن، ارالىق قورىتىندى شىعارىلىپ جاتىر. انىقتالعان سايكەسسىزدىكتەر بويىنشا كوميسسيا كەيبىر قىزمەت تۇرلەرىن، ونىڭ ىشىندە ۇڭعىمالاردى جەراستى جوندەۋ، كولىك قىزمەتتەرى جانە تاعى باسقا قىزمەتتەردى ودان ءارى تەكسەرە تۇسەدى" دەپ جازىلعان كومپانيانىڭ 31 مامىر كۇنگى حابارلاماسىندا.

كومپانيا وكىلدەرى الداعى ۋاقىتتا "مەردىگەر ۇيىمداردىڭ ەڭبەكاقى تولەۋ، الەۋمەتتىك تولەمدەر، قاۋىپسىزدىك تەحنيكاسىن ساقتاۋ شارتتارىنا ينسپەكتسيا جۇرگىزۋ" جوسپاردا بار دەپ ايتتى.

قازىر مۇنايشىلاردىڭ "وزەنمۇنايگاز" الدىنداعى نارازىلىعى جالعاسىپ جاتىر. مۇنايشىلار 1 ماۋسىمدا ازاتتىق تىلشىسىنە ءبىر كۇن بۇرىن ء"مولدىر مۇناي سەرۆيس" دەگەن كومپانيادان وكىلدەر كەلىپ، جۇمىس ۇسىنعانىن، بىراق ول جۇمىس تۇراقتى ەمەس، ۋاقىتشا ەكەنىن ايتتى.

ءبىر كۇن بۇرىن اتالعان كومپانيا مەن "وزەنمۇنايگاز" وكىلدەرىنىڭ نارازى مۇنايشىلارعا جۇمىس ۇسىنعان ساتىنەن ۆيدەو جاريالانعان. وندا كومپانيا وكىلدەرى مۇنايشىلارعا بەس بريگادا قۇرىلعانىن، جالاقىسى "بەرالىنىكىندەي" ەكەنىن ايتىپ، جۇمىسقا تۇرۋدى ۇسىنادى. مۇنايشىلاردىڭ ءبىرى "جۇمىس قاشانعا دەيىن؟" دەپ سۇراعان كەزدە كومپانيا وكىلدەرى "جىل سوڭىنا دەيىن" دەپ جاۋاپ بەرەدى. بۇدان كەيىن مۇنايشىلار "دەمەك، ول دا – ۋاقىتشا جۇمىس قوي، كەلەسى جىلى تاعى جۇمىسسىز قالامىز" دەپ كوڭىلى تولمايدى. قازىر نارازىلىق جالعاسىپ جاتىر

اقپارات كوزى: centralasian.org

Abai.kz

1 پىكىر

ۇزدىك ماتەريالدار

الاشوردا

ءتىل جاناشىرى – ءنازىر تورەقۇلوۆ

باعلان تاشيموۆ 2189
بىلگەنگە مارجان

حيلدا حۋكحەم. ۇلى قولباسشىلار...

بەيسەنعازى ۇلىقبەك 2087
اقمىلتىق

بيلىك مىڭق ەتپەدى

عابباس قابىشۇلى 2448