سارسەنبى, 29 مامىر 2024
1446 1 پىكىر 2 ماۋسىم, 2023 ساعات 13:32

«قازاقستانعا رەسەيدەن بيداي زاڭسىز اكەلىنىپ جاتىر»

پارلامەنت سەناتىندا رەسەيدەن قازاقستانعا "جالعان قۇجاتتارمەن" زاڭسىز تۇردە بيداي اكەلىنىپ جاتقانى ايتىلدى. بۇل تۋرالى "قازاقپارات" اگەنتتىگى حابارلادى.

اقپاراتقا سايكەس، سەنات دەپۋتاتى اندرەي لۋكين "جالعان قۇجاتپەن سالىق تولەمەي-اق، زاڭسىز اكەلۋدىڭ تۇراقتى جولدارى بار" ەكەنىن ايتقان. ونىڭ سەبەبى رەتىندە دەپۋتات “رەسەيدەن اكەلىنەتىن استىق ونىمدەرىن پايدالانۋدى ەسەپكە الۋ مەن ونى باقىلايتىن جۇيە جوق” دەپ كورسەتكەن.

سەناتوردىڭ ايتۋىنشا، ەكى ەلدىڭ كاسەپكەرلەرى رەسەيلىك استىقتى قازاقستان استىعى تۇرىندە ەكسپورتتاپ، قۇن سالىعى بويىنشا جەڭىلدىك الۋ سحەماسىن قولدانادى. ونىڭ سوزىنشە، ايلاكەر سالىق تولەۋشىلەر جازاسىز قالىپ، بيۋدجەتكە سالىق تا تۇسپەيدى.

دەپۋتاتتىق ساۋالىندا سەناتور "رەسەيگە قاتىستى ەنگىزىلگەن سانكتسيالاردى ەسكەرسەك، كورشى ەلدىڭ جالعان يمپورتى مەن كەرى ەكسپورت سانى بىرنەشە ەسە ارتۋى مۇمكىن” دەگەن.

لۋكيننىڭ مالىمەتىنشە، 2019-2022 جىلدارى قازاقستانعا قۇنى 207 ملرد تەڭگە بولاتىن 3,4 ميلليون توننا استىق يمپورتتالعان. 2019 جانە 2020 جىلدارى رەسەيدەن قازاقستانعا بيداي اكەلگەندە، يمپورت ءۇشىن بيۋدجەتكە قۇن سالىعى تولەنبەگەنىنەن قازاقستاننان ءۇشىنشى ەلدەرگە ەكسپورت كولەمى قالىپتان تىس ارتقان.

دەپۋتاتتىڭ ايتۋىنشا، 2019 جىلدان باستاپ قازىرگى ۋاقىتقا دەيىن سولتۇستىك قازاقستان وبلىسىنا رەسەيدەن 450 مىڭ توننادان استام بيداي اكەلىنگەن. ولار قازاقستاننىڭ اۋىل شارۋاشىلىعى تاۋارىن وندىرۋشىلەرىنىڭ ىلەسپە قۇجاتتارى بويىنشا وتكەن.

ول قۇجات راسىمدەۋىنەن كەيىن ءونىمنىڭ وزبەكستان، اۋعانستان جانە تاجىكستانعا قازاقستاندىق تاۋار رەتىندە ەكسپورتتالعانىن ايتادى. دەپۋتاتتىڭ سوزىنشە، رەسەيدەن قازاقستانعا اكەلىنگەن تاۋاردان تولەنبەگەن قوسىمشا قۇن سالىعى تۇرىندەگى مەملەكەتكە تۇسكەن الدىن الا شىعىن كولەمى 660 ملن تەڭگەدەن اسقان.

سۋرەت: akorda.kz

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2416
ادەبيەت

«سولاي ەمەس پە؟»

عابباس قابىشۇلى 2739
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3178
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1810