جۇما, 29 ناۋرىز 2024
1811 1 پىكىر 26 مامىر, 2023 ساعات 13:13

قۇنى 516 ملن تەڭگەدەن استام نىساندار «نازارباەۆ ۋنيۆەرسيتەتىنىڭ» مەنشىگىنە وتەدى

دەنساۋلىق ساقتاۋ مينيسترلىگىنىڭ مەنشىگىندەگى قۇرىلىسى اياقتالماعان نىساندار «نازارباەۆ ۋنيۆەرسيتەتىنىڭ» بالانسىنا بەرىلمەك.

«وسى قاۋلىنىڭ قوسىمشاسىنا سايكەس، قر دەنساۋلىق ساقتاۋ مينيسترلىگىنىڭ بالانسىنان «نازارباەۆ ۋنيۆەرسيتەتى» دەربەس ءبىلىم بەرۋ ۇيىمىنىڭ مەنشىگىنە اياقتالماعان قۇرىلىسقا ارنالعان شىعىندار تۇرىندەگى رەسپۋبليكالىق مۇلىك بەرىلسىن»، - دەلىنگەن اشىق نقا پورتالىندا جاريالانعان ۇكىمەت قاۋلىسىنىڭ جوباسىندا.

قۇجاتقا قوسىمشا بەرىلگەن تۇسىندىرمەدە جازىلعانداي، مۇلىكتى وقۋ ورنىنا بەرۋ باستاماسى بىلتىر انىقتالعان مينيسترلىكتىڭ ەسەپ اۋديتىندەگى ولقىلىقتاردى جويۋ ءۇشىن ۇسىنىلىپ وتىر.

«قاۋلى قابىلداۋ دەنساۋلىق ساقتاۋ مينيسترلىگىنىڭ تەڭگەرىمىندەگى مۇلىكتى «نازارباەۆ ۋنيۆەرسيتەتى» دەربەس ءبىلىم بەرۋ ۇيىمىنىڭ مەنشىگىنە بەرۋدى جۇزەگە اسىرۋعا جانە مينيسترلىكتىڭ 2022 جىلعى شوعىرلاندىرىلعان قارجىلىق ەسەپتىلىگى ءاۋديتىنىڭ قورىتىندىلارى بويىنشا انىقتالعان بۇزۋشىلىقتى جويۋعا مۇمكىندىك بەرەدى»، - دەپ تۇسىندىرمە بەرىلگەن قاۋلىعا.

بەلگىلى بولعانداي، ەندى «نازارباەۆ ۋنيۆەرسيتەتىنىڭ» مەنشىگىنە جالپى سوماسى 516 ملن 911 مىڭ 331 تەڭگە بولاتىن قۇرىلىسى اياقتالماعان مىنا نىساندار وتەدى:

- 10 كۆ ەلەكترمەن جابدىقتاۋ جەلىلەرى - 26 434 تەڭگە;

- تپ-10/0كۆ جانە كل 6-10 كۆ قۇرىلىسى - 24 267 667 تەڭگە;

- ەلەكترلىك مونتاجداۋ جۇمىستارى - 13 217 230 تەڭگە;

- «استانا قالاسىندا 180 توسەكتىك ۇلتتىق عىلىمي كارديوحيرۋرگيالىق ورتالىق» كەاق جوبالاۋ-سمەتالىق قۇجاتتاماسى - 345 200 000 تەڭگە;

- «استانا قالاسىندا ءبىر اۋىسىمدا 500 ادام قابىلدايتىن رەسپۋبليكالىق دياگنوستيكالىق ورتالىق» اق-نىڭ جوبالاۋ-سمەتالىق قۇجاتتاماسى - 134 200 000 تەڭگە.

ۇكىمەت قاۋلىسى 9 ماۋسىمعا دەيىن كوپشىلىك تالقىلاۋدا بولادى.

 

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2275
عيبىرات

قايسار رۋحتى عازيز جان

مۇحتار قۇل-مۇحاممەد 3591