بەيسەنبى, 21 قىركۇيەك 2023
ايقاي 1641 4 پىكىر 25 مامىر, 2023 ساعات 09:53

ۋران افەراسى. قازاقستان رەسەيدىڭ ۆاسسالى ما؟

قازاقستاندى رەسەيدىڭ ۆاسسالى قىلۋ وپەراتسياسى قالاي جۇزەگە استى؟

قازاقستاندا ورنالاسقان، الەمدەگى ەڭ ۇلكەن ۋران كەنىشى «بۋدەنوۆسكوە» اكتيۆىنىڭ رەسەي وليگارحى انيسيموۆقا قالاي وتكەنىن ارمانجان بايتاسوۆقا سۇحبات بەرگەن مۇحتار جاكىشەۆ ايتىپ بەردى. بۇل تۋرالى DALA INSIDE جازدى. 

ول كەزدە جاكىشەۆ «قازاتومپروم» ۇلتتىق ۋران وپەراتورىنىڭ باسشىسى بولعانى ەسىمىزدە. نازارباەۆ پەن پۋتين بىزدەگى ۋران رۋدنيكتەرىنە بىرلەسكەن كاسىپورىندار اشىپ، ءار كاسىپورىن اكتسياسىنىڭ تەڭ جارتىسىن رەسەيگە، ياعني «روساتومعا» بەرۋ بويىنشا كەلىسەدى. رەسەي ەسەسىنە وزىندەگى ۋران بايىتاتىن كومبينات (او «تسوۋ») اكتسيالارىنىڭ تەڭ جارتىسىن قازاتومپرومعا بەرۋى ءتيىس. قازاتومپروم جوسپارى بويىنشا، ولار ۋران ءوندىرىپ، ونى تسوۋ-دا بايىتىپ، سوسىن وسكەمەنگە اپارىپ، دايىن تابلەتكا جاساپ، اەس-تەرگە ساتاتىن بولادى.

رۋدنيكتەر اكتسيالارىنىڭ جارتىسىن روساتومعا بەرىپ جاتقان كەزدە، رەسەي جاعى ءبىر رۋدنيكتىڭ ۇلەسىن روساتومعا ەمەس، وليگارح انيسيموۆقا بەرۋدى سۇرايدى. ياعني، ولار ءوز كوررۋپتسيالىق سحەمالارىن جۇزەگە اسىرعان. قازاقستانعا ءبارىبىر بولعاندىقتان، انيسيموۆكە بەرە سالادى.

قىزىق ءالى الدا. ەندى جاكىشەۆتەن كەيىن قازاتومپرومدى، ودان كەيىن تاعى 2 جىل قر ەنەرگەتيكا مينيسترلىگىن باسقارعان ۆلاديمير شكولنيكتىڭ قازاقستانعا وپاسىزدىق جاساعانىن ايقىن كورە الامىز. ءبىز ءىرى رۋدنيكتەرىمىزدىڭ تەڭ جارتىسىن رەسەيگە بەرىپ، ەسەسىنە «تسوۋ» ۋران بايىتۋ ورتالىعىنىڭ جارتى ۇلەسىن الدىق قوي. سول قازاتومپرومنىڭ ۇلەسىن 2020 جىلى ءبىزدىڭ تاراپ رەسەيگە 100 ميلليون دوللار ءۇشىن قايتارىپ بەرە سالعان. وزدەرىنە تەك 1% اكتسيا عانا قالدىرعان.

سوندا انيسيموۆ بىزدەن العان ءبىر رۋدنيكتىڭ تەڭ جارتى ۇلەسىن روساتومعا 1,2 ميلليارد دوللارعا ساتتى. ال قازاتومپروم ەڭ ءىرى 5-6 رۋدنيكتىڭ جارتى ۇلەسىن رەسەيگە بەرىپ، سونىڭ ەسەسىنە ۋران بايىتۋ ورتالىعىنىڭ جارتى ۇلەسىن الدى دا، ونى كۇلكىلى باعا - 100 ميلليون دوللارعا قايتىپ بەرە سالدى. مۇنى قالاي اتاۋعا بولادى؟ ۆلاديمير شكولنيك ءوزىنىڭ قازاقستانداعى باستى ميسسياسىن - ۋران بويىنشا ءبىزدى رەسەيگە تولىق تاۋەلدى قىلۋ ارمانىن ورىنداپ كەتتى. ميسسياسى اياقتالعاننان كەيىن ول قازاقستاننان كەتىپ، ءوزىنىڭ جۇرەگىندەگى ناعىز وتانى - رەسەيگە قونىس اۋداردى.

قازاقستاندى بولشەكتەپ ساتقاندار تۋرالى الداعى ۋاقىتتا ءالى دە ايتامىز.

Abai.kz

4 پىكىر

ۇزدىك ماتەريالدار

الاشوردا

ءتىل جاناشىرى – ءنازىر تورەقۇلوۆ

باعلان تاشيموۆ 1871
بىلگەنگە مارجان

حيلدا حۋكحەم. ۇلى قولباسشىلار...

بەيسەنعازى ۇلىقبەك 1995
اقمىلتىق

بيلىك مىڭق ەتپەدى

عابباس قابىشۇلى 2333