وقۋ-اعارتۋ مينيسترلىگى جەمقورلاردان تاركىلەنگەن قاراجاتقا بيىل سالىناتىن مەكتەپتەردىڭ ءتىزىمىن جاريالادى.

قۇجاتتا 62 جوبانىڭ ءتىزىمى بەرىلگەن. وڭىرلەر بولىنىسىندە استانا قالاسى مەن الماتى وبلىسىندا وسى قاراجات ەسەبىنەن سالىناتىن نەمەسە كەڭەيتىلەتىن مەكتەپتەردىڭ سانى وزگەلەردەن بىرنەشە ەسە باسىم. ناقتىراق ايتساق، ارقايسىسىندا 10 مەكتەپتىڭ جوباسى جوسپارلانعان. ودان كەيىنگى ورىندا 9 جوبامەن تۇركىستان وبلىسى تۇر.

وسىلايشا بيىل جەمقورلاردان تۇسكەن قاراجات ەسەبىنەن 96 ملرد 495 ملن تەڭگەنىڭ 62 جوباسى ىسكە اسىرىلماق. ونىڭ ىشىندە ەسكىرگەن مەكتەپتىڭ ورنىنا جاڭا مەكتەپ سالۋ، جاڭادان مەكتەپ سالۋ جانە ورىن تاپشىلىعى بار ءبىلىم مەكەمەسىنە قوسىمشا عيمارات سالۋ جوبالارى بار.

مەكتەپتەر ءتىزىمىن جانە ارقايسىسىنا قانشا قاراجات ءبولۋ جوسپارلانعانىن مىنا سىلتەمەدەن كورۋگە بولادى.

ەسكە سالساق، پرەزيدەنتتىڭ 2022 جىلعى حالىققا جولداۋىندا جەمقورلاردىڭ زاڭسىز تاپقان قارجىسى ولار سوتتالعان سوڭ مەملەكەتكە ءوتىپ، تۇگەلدەي مەكتەپ قۇرىلىسىنا جۇمسالۋ كەرەكتىگى ايتىلعان بولاتىن.

Abai.kz