بەيسەنبى, 21 قىركۇيەك 2023
ماڭىزدى 1547 1 پىكىر 24 مامىر, 2023 ساعات 12:36

شەتەلدەگى اكتيۆتەردى ءماجىلىس قايتارا الا ما؟

بۇگىن ءماجىلىستىڭ جالپى وتىرىسىندا بەس زاڭ جوباسى قارالىپ جاتىر. ولار:

«پروكۋراتۋرا تۋرالى» كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭىنىڭ جوباسى;

«زاڭسىز ساتىپ الىنعان اكتيۆتەردى مەملەكەتكە قايتارۋ تۋرالى» زاڭ جوباسى بويىنشا قورىتىندى ازىرلەۋ;

«قازاقستاننىڭ كەيبىر زاڭنامالىق اكتىلەرىنە زاڭسىز ساتىپ الىنعان اكتيۆتەردى مەملەكەتكە قايتارۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسى بويىنشا قورىتىندى ازىرلەۋ جونىندە;

«اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا قورىتىندى ازىرلەۋ جونىندە;

«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان كودەكسىنە (سالىق كودەكسى) وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسى بويىنشا قورىتىندى ازىرلەۋ جونىندە.

دەپۋتات ماگەررام ماگەرراموۆتىڭ ايۋتىنشا، اتالعان 5 زاڭ جوباسى «زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى» قازاقستان پرەزيدەنتىنىڭ 2022 جىلعى 26 قاراشاداعى №3 جارلىعىن ورىنداۋ ءۇشىن ءماجىلىس دەپۋتاتتارى ازىرلەگەن.

«نەگىزگى زاڭ جوباسى اكتيۆتەردى انىقتاۋ جانە قايتارۋ ءۇشىن قاجەتتى زاڭنامالىق نەگىزدەر مەن جاڭا قۇرالداردىڭ بولماۋىنا بايلانىستى اكتيۆتەردى قايتارۋدىڭ تەتىكتەرىن ايقىنداۋعا باعىتتالعان.

«زاڭسىز ساتىپ الىنعان اكتيۆتەردى مەملەكەتكە قايتارۋ تۋرالى» زاڭ جوباسىن ازىرلەۋدىڭ نەگىزگى  ماقساتى – زاڭسىز ساتىپ الىنعان جانە شىعارىلعان اكتيۆتەردىڭ ساقتالۋىن، باسقارىلۋىن، وتكىزىلۋىن جانە مەملەكەتكە قايتارىلۋىن قامتاماسىز ەتۋ جونىندە شارالار قابىلداۋمەن، قامتاماسىز ەتۋ شارالارىن قولدانۋمەن، شىعۋ تەگىن راستاۋمەن، ىزدەستىرۋمەن (اشۋمەن) بايلانىستى قوعامدىق قاتىناستاردى رەتتەۋ، - دەدى قر پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ حاتشىسى.

سونداي-اق ماگەررام مامەدۇلى ىلەسپە زاڭ جوبالارى نەگىزگى زاڭ جوباسىنىڭ ەرەجەلەرىن جۇزەگە اسىرۋ ءۇشىن ازىرلەنگەن ءارى قولدانىستاعى زاڭناماعا بىرقاتار تۇزەتۋ ەنگىزۋدى كوزدەيتىنىن ايتتى.

«اتاپ ايتقاندا، «پروكۋراتۋرا تۋرالى» كونستيتۋتسيالىق زاڭعا، ازاماتتىق، قىلمىستىق، قىلمىستىق-پروتسەستىك، سالىق، اكىمشىلىك قۇقىق بۇزۋشىلىقتار تۋرالى كودەكستەرىنە جانە باسقا دا زاڭنامالىق اكتىلەرىنە وزگەرىستەر مەن تولىقتىرۋلار قاراستىرىلادى. جالپى سانى 11 كودەكس جانە 13 زاڭعا تۇزۋتۋلەر كوزدەلەدى»، - دەدى ول.

دەپۋتاتتىڭ سوزىنشە، قوعامداعى الەۋمەتتىك ادىلەتتىلىكتى قالپىنا كەلتىرۋ، زاڭسىز ساتىپ الىنعان جانە شىعارىلعان اكتيۆتەردى مەملەكەتكە قايتارۋ ارقىلى قازاقستان حالقىنىڭ ءال-اۋقاتىن ارتتىرۋ، اكتيۆتەردى ەرىكتى تۇردە قايتارۋدى ىنتالاندىرۋ، اكتيۆتەردى زاڭسىز ساتىپ الۋعا ىقپال ەتكەن سەبەپتەر مەن جاعدايلاردى جويۋعا بولادى ەكەن.

سونىمەن قاتار مەملەكەتكە قايتارىلعان اكتيۆتەردى جيناقتاۋ جانە باسقارۋ ماسەلەلەرى بويىنشا ارنايى مەملەكەتتىك قور جانە باسقارۋشى كومپانيا قۇرىلادى.

«قايتارىلعان اكتيۆتەردى قازاقستان حالقىنىڭ ءال-اۋقاتىن ارتتىرۋعا باعىتتالعان الەۋمەتتىك جانە ەكونوميكالىق جوبالاردى قارجىلاندىرۋعا باعىتتاۋعا جانە وسى پروتسەستە اشىقتىق پەن تيىمدىلىككە قول جەتكىزۋگە مۇمكىندىك بەرەدى. وسىلايشا، اكتيۆتەردى قايتارۋ سالاسىنداعى مەملەكەتتىك ورگاندار مەن ۇيىمدار جۇمىسىنىڭ ناقتى جانە اشىق تەتىگى قۇرىلادى»، - دەدى ءماجىلىس دەپۋتاتى.

Abai.kz

1 پىكىر

ۇزدىك ماتەريالدار

الاشوردا

ءتىل جاناشىرى – ءنازىر تورەقۇلوۆ

باعلان تاشيموۆ 1872
بىلگەنگە مارجان

حيلدا حۋكحەم. ۇلى قولباسشىلار...

بەيسەنعازى ۇلىقبەك 1995
اقمىلتىق

بيلىك مىڭق ەتپەدى

عابباس قابىشۇلى 2333