بەيسەنبى, 28 ناۋرىز 2024
بارەكەلدى! 2801 2 پىكىر 23 مامىر, 2023 ساعات 11:39

«ياسساۋي» ۆوكالدى توبى قايتا قۇرىلماق...

بۇل جايىندا «ياسساۋي» ۆوكالدى توبىنىڭ كوركەمدىك جەتەكشىسى، جىرشى ەلدوس ەمىل Qasqa Jol Youtube ارناسىندا اباي سەيفۋللاعا بەرگەن سۇحباتىندا ءمالىم ەتتى.

«حالىقتىڭ رۋحاني ازىققا ءزارۋ ەكەنى بەلگىلى. سوندىقتان شامامىز كەلگەنشە باياعى حيكمەتتەرىمىزدى قايتا جاڭعىرتساق دەيمىز. باسىمىزدى قوسىپ، قالپىمىزعا كەلسەك دەيمىز. قايتا جارىققا، ساحناعا شىعار-شىقپاسىمىز ۋاقىتتىڭ ەنشىسىندەگى ماسەلە. بىراق ءوزىمىز سول فورمادا بولعاندى قالاپ تۇرمىز. توپ مۇشەلەرىنىڭ ىقىلاسى ەشۋاقىتتا دا جويىلماعان.بۇل تەك حيكمەت ايتىپ جۇرگەن جەتى جىگىت ەمەس، ول ۇلكەن شىعارماشىلىق توپ. ورانجيروۆكاسىمەن ايلانىساتىن، دانالىق كىتابىنداعى ماتىندەردى قولدانىستاعى قازاق تىلىنە ىڭعايلايتىن ادامدار. ولاردىڭ ەشقايسىسى ىقىلاسىنان قايتىپ قالعان جوق»، - دەپ پىكىر ءبىلدىردى ەلدوس ەدىل.

جىرشىنىڭ سوزىنشە، توپتىڭ جۇمىسىن قايتا باستاۋىنا ەشقانداي رۇقسات قاجەت ەمەس.

«ءبىز شىعارماشىلىق ادامدارى بولعاندىقتان، بۇل نارسەلەردى قايتادان جارىققا شىعارۋىمىزدى ادەپتەن تىس نارسە دەپ بىلمەيمىز. بۇل تەك حالىقتىڭ رۋحاني سۇرانىسىنا بايلانىستى. ەگەر حالىق سۇراپ جاتسا، شامامىز كەلگەنشە ەڭبەگىمىزدى سىڭىرەمىز»، - دەپ ءتۇسىندىردى بۇل ماسەلەنى ەلدوس ەمىل.

2000-2010 جىلدار ارالىعىندا رەسپۋبليكالىق، حالىقارالىق دەڭگەيدە جۇمىس ىستەگەن توپ ونىڭ رۋحاني جەتەكشىلەرىنىڭ تۇتقىندالىپ، قۋدالانعاننان كەيىن، كەدەرگىلەرگە تاپ بولىپ، تاراۋعا ءماجبۇر بولعان.

«بىزگە باعىت باعدار-بەرگەن ادامدارعا كەنەتتەن جالا جابىلىپ، اباقتىعا جابىلىپ، حالىقتىڭ اراسىندا «اقيقات» دەگەن فيلم شىعارىپ، قارالاۋ جۇمىستارى جۇرگىزىلگەننەن كەيىن بىزگە دە توقتاۋعا تۋرا كەلدى. بىراق ىزىمىزگە ءتۇسىپ العان جوق. ءوزىمىز توقتاۋ قاجەتتىگىن تۇيسىندىك»، - دەپ اتاپ ءوتتى ول.

سۇحباتتىڭ تولىق نۇسقاسىن تومەندەگى سىلتەمە بويىنشا كورۋگە بولادى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3523