ءساۋىردىڭ 15-كۇنى جاپونيا پرەمەر-ءمينيسترى فۋميو كيسيدا ءبىر اجالدان امان قالدى. ول ۆاكاياما قالاسىنىڭ بالىقشىلار پورتىندا پارلامەنت سايلاۋىنا قاتىساتىن پارتيالاستارىن قولداۋ ماقساتىندا سايلاۋشىلارمەن كەزدەسكەندە, وعان قاستاندىق جاسالعان. كۇدىكتى 10 مەتر جەردەن تۇتىندەيتىن بومبا لاقتىرعان. ارتىنان كۇشتى جارىلىس بولعان. جاپون ءۋازىرىن كۇزەتۋگە جاۋاپتى ءبىر ساقشى يىعىنان جاراقات العان.

فۋميو كيسيدا ءدىن امان. قاۋىپسىزدىك ءۇشىن جەرگىلىكتى ساقشى مەكەمەسىنە ورنالاسقان. كۇدىكتىنى بومبا سالىلعان ەكىنشى قوراپتى لاقتىرۋعا ۇلگەرتپەي، 49 جاستاعى جەرگىلىكتى تۇرعىن جەرگە الىپ ۇرعان. فۋكيو وعان العىس ايتتى. كۇدىكتى قاماۋعا الىندى. ول وسى قالانىڭ 24 جاستاعى جۇمىسسىز ازاماتى بولىپ شىقتى. ساقشىلار ونىڭ ءۇيىن ءتىنتىپ، ەشقانداي جارىلعىش زات تاپپاعان. كورشىلەر ونىڭ ءۇيدىڭ كەنجەسى ەكەنىن، تۇيىق مىنەزدى، سوڭعى ۋاقىتتا ساياساتقا قىزىعۋشىلىق تانىتىپ جۇرگەنىن ايتقان. ول ءوزىنىڭ مۇنداي ارەكەتكە نە ءۇشىن بارعانىن ايتۋدان باس تارتىپ، ادۆوكات تاعايىندالعاننان كەيىن عانا پىكىر بىلدىرەتىنىن جەتكىزىپ، قىلمىسىن مويىنداۋدان باس تارتقان.

ءۋازىردىڭ شتابى سەنبى، جەكسەنبىگە ورنالاستارعان ساياسي شارالاردى كەيىنگە قالدىرۋدى وتىنگەنىمەن، فۋميو سايلاۋدىڭ ەل ومىرىندەگى ماڭىزىن العا تارتىپ، تۇرعىندارمەن كەزدەسۋىن ارى قاراي جالعاستىرعان. ءۇندىستان ۇكىمەت باسشىسى ءبىرىنشى بولىپ فۋميونىڭ امان قالعانىنا قۋانىپ، جارىلىستى قاتاڭ ايىپتاعان.

بۇل ءبىر جىلعا جەتپەيتىن ۋاقىت ىشىندە جاپونيا ۋازىرلەرىنە جاسالعان ەكىنشى قاستاندىق. بۇدان 8 اي الدىن بۇرىنعى ءۋازىر ابە شينزو كىسى قولىنان قازا تاپقان ەدى. ول نەگىزگى زاڭعا وزگەرىس ەنگىزۋدى دارىپتەپ، جاپونيانى «بەيبىتشىل ەل» مارتەبەسىنەن ايىرۋدى كوزدەگەن ەدى.

ونىڭ ارمانىن فۋميو ىسكە اسىردى. جاپونيا قايتادان جاپپاي قارۋلانا باستادى. فۋميو كيسيدا جىل باسىندا امەريكاعا بارعان ساپارىندا قىتاي مەن سولتۇستىك كورەيانىڭ اسكەري قۇقايىنىڭ ەسەلەنگەنىن ايىپتاپ، «شىعىس ازيا – ەكىنشى ۋكرايناعا اينالۋى مۇمكىن»، - دەپ مالىمدەدى. وڭتۇستىك كورەيامەن ەكىنشى دۇنيەجۇزىلىك سوعىستان بەرى كەلە جاتقان ارازدىقتى جويىپ، اسكەري ارىپتەستىك كەلىسىمىنە قول قويدى.

وسىدان سوڭ، جاپونيادا «ۇلكەن جەتىلىك» ەلدەرى سىرتقى ىستەر باسشىلارىنىڭ كەزدەۋى باستالادى. شارا ءۇش كۇنگە سوزىلادى. مامىر ايىنىڭ سوعىنا قاراي وتەتىن اتالمىش وداق باسشىلارىنىڭ كەزدەۋىنە دايىندىق جايىن پىسىقتايدى.

Abai.kz