جۇما, 29 ناۋرىز 2024
1122 2 پىكىر 31 ناۋرىز, 2023 ساعات 12:32

قازاقستان قاشاعانداعى كاسىپورىندى سوتقا بەردى

قازاقستان بيلىگى قاشاعان مۇناي كەن ورنىن يگەرىپ وتىرعان ءىرى كاسىپورىننان 2,3 تريلليون تەڭگە (5,1 ميلليارد دوللار) ايىپپۇل تولەۋدى تالاپ ەتىپ، سوتقا ارىز ءتۇسىردى. 

Bloomberg اگەنتتىگى تاراتقان اقپاراتتى قازاقستان ەكولوگيا جانە تابيعي رەسۋرستار مينيسترلىگى راستادى. بىراق ايىپپۇل مولشەرىن سوت بەلگىلەيتىنىن مالىمدەدى.

Bloomberg اگەنتتىگى تاراتقان اقپاراتتا مينيسترلىك North Caspian Operating Company (NCOC) كاسىپورنىن قورشاعان ورتانى لاستادى دەپ ايىپتاعان.

"قويمادا ساقتالعان كۇكىرت مولشەرى رۇقسات ەتىلگەن شامادان ەكى ەسە اسىپ كەتكەن" دەپ جازىلعان حابارلامادا.

ەكولوگيا جانە تابيعي رەسۋرستار مينيسترلىگى NCOC كاسىپورنى ۇستىنەن اتىراۋ قالاسىنىڭ اكىمشىلىك سوتىنا شاعىم تۇسىرگەنىن راستادى. مينيسترلىك وكىلى ايىپپۇل مولشەرىن سوت بەلگىلەيتىنىن ايتتى.

"اتىراۋ وبلىسى بويىنشا ەكولوگيا دەپارتامەنتى North Caspian Operating Company كومپانياسىنىڭ قىزمەتىنە تەكسەرىس جۇرگىزدى. قورىتىندىسىندا ەكولوگيالىق زاڭناما بىرنەشە رەت بۇزىلعانى انىقتالدى. سونىڭ ىشىندە "بولاشاق" قويماسىندا كۇكىرت مولشەرى نورمادان (1 ملن توننادان استام) اسىپ كەتكەن. كومپانيا كۇكىرت قىشقىلىن ساقتاۋعا ۋاقىتشا رۇقسات قۇجاتىن الماعان، قورشاعان ورتانى قورعاۋعا ارنالعان ءىس-شارانى، مەملەكەتتىك ەكولوگيالىق ساراپتاما قورىتىندىسىندا كوزدەلگەن تالاپتاردى ورىندامادى، ەكولوگيالىق رۇقسات الماستان، تازارتىلماعان شيكى گازدى جاققان" دەلىنگەن ەكولوگيا كوميتەتى تاراتقان حابارلامادا.

NCOC كومپانياسى وسى جاعدايعا قاتىستى Bloomberg-كە تۇسىنىكتەمە بەرگەن.

"كۇكىرت ءوندىرۋ جانە ساقتاۋ تالاپتارى قازاقستان زاڭنامالارىنا، ەكولوگيا ستاندارتتارىنا ساي ورىندالىپ جاتىر" دەلىنگەن كومپانيانىڭ جاۋابىندا.

بىلتىر جازدا قاشاعان كەن ورنى اۋماعىنداعى ارالدا 3 مىڭعا جۋىق شاعالا جاپپاي قىرىلعان. اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى "قۇستار ان5 تۇماۋىنان ولگەنىن" انىقتاعان.

قاشاعان – كاسپي تەڭىزىنىڭ قازاقستاندىق بولىگىندە ورنالاسقان الەمدەگى ءىرى مۇناي جانە گاز كەن ورنى. ول اتىراۋدان 80 شاقىرىم جەردە. NCOC قۇرامىنا Eni, Total, ExxonMobil, Shell, CNPC, Inpex جانە "قازمۇنايگاز" كومپانيالارى كىرەدى.

بىلتىر قاراشانىڭ اياعىندا اقتوبە وبلىسىنىڭ ەكولوگيا دەپارتامەنتى "سنپس اقتوبەمۇنايگاز" كومپانياسىنا ايىپپۇل سالعان. دەپارتامەنت مۇناي ۇڭعىماسىنان بەيمالىم سۇيىقتىق اعىپ، اينالانى لاستاعانىن انىقتاعان.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616