جۇما, 29 ناۋرىز 2024
ءدىن مەن ءتىن 2773 12 پىكىر 27 ناۋرىز, 2023 ساعات 12:54

جاراتۋشىدان حابار العان جانات

ينستاگرامدا 2 ميلليون جىزىلۋشىسى بار، جۋرناليست جانات باقىتتىڭ سوڭعى جازبالارى مەن ايتقاندارى قوعام نازارىن اۋداردى. بىردە: «قازاقتىڭ كەنەسارى، ماحامبەت باستاعان باتىرلارىنىڭ رۋحى دۇنيەگە قىز بولىپ كەلىپ جاتىر», - دەسە، ەندى بىردە اللانىڭ ميسسياسىنىڭ اياقتالعانىن، ناماز وقۋ مەن ورازا ۇستاۋدىڭ قاجەتى قالماعانىن ايتۋدا.

مۇنداي كۇپىرلىك سوزدەردىڭ جۇرتتىڭ جاعاسىن ۇستاتقانى داۋسىز. ءبىر قاۋىمى جاناتتىڭ ارەكەتىن «جىن تيگەنگە» بالاسا، جاقىننان تانيتىندار «جۇمىستان شىعارىلۋى مەن اعاسىنىڭ قايتىس بولۋى ساناسىنا سالماق سالىپ، سەڭسوقتى كۇي كەشىپ ءجۇر»، - دەيدى. ءتىپتى، كوپتەگەن ادامدار قازاقستان ءدىني باسقارماسىنا حات جازىپ، ونىڭ ارەكەتىنە باعا بەرۋدى، تىيىم سالۋدى ءوتىنىپتى.

«حاكىم اباي: «اللا تاعالا - ولشەۋسىز، ءبىزدىڭ اقىلىمىز - ولشەۋلى. ولشەۋلىمەن ولشەۋسىزدى بىلۋگە بولمايدى» دەپ ايتقان. وسى رەتتە بارشا مۇسىلمان قاۋىمىن، بارشا وتانداسىمىزدى جۋرناليست جانات باقىتتىڭ سوزىنە ەرىپ، ءداستۇرلى سەنىمىمىزگە سەلكەك ءتۇسىرىپ، ەل ىشىندە ارانداتۋشىلىق تۋدىرۋدان ساق بولۋعا شاقىرامىز. قاسيەتتى رامازان ايىندا مۇنداي اۋىر ءسوز ايتىپ، ەل ىشىندە نارازىلىق تۋدىرىپ الۋدان ساق بولايىق. تۇتقان ورازا قابىل بولسىن. ەلىمىز امان، جۇرتىمىز تىنىش بولسىن. اللا تاعالا تاۋەلسىزدىگىمىزدى باياندى ەتسىن»، - دەلىنگەن الەۋمەتتىك جەلىدە تاراپ جۇرگەن قمدب نىڭ ورىنباسار توراعاسى ەرشات وڭعاردىڭ كوپكە ارناعان ۇندەۋىندە.

ءدىنتانۋشى قايرات جولدىباي دا جاناتقا ءدىني ۇستانىمىنىڭ قاتە باعىتقا ءتۇسىپ كەتكەنىن ءتۇسىندىرۋ ماقساتىندا كەزدەسۋگە تىرىسقانىن، بىراق قارسى تاراپتىڭ باس تارتقانىن جەتكىزۋدە. «كەمەل ادام» كىتابىنىڭ اۆتورى قايرات جولدىباي دا، «تىكتوك يمام» اتانعان نۇرلان قاجى دا جاناتتىڭ جازبالارىن ءبۋدديزمنىڭ رەينكارناتسيا اعىمىمەن بايلانىستىرادى. جاناتتىڭ سوڭعى تىكەلەي ەفيردە ايتقان: «بالىق ءداۋىرى اياقتالدى. اللانى جىبەرىڭدەر، مەشىتتەر مەن مولدالاردىڭ، شىركەۋ مەن اكەيلەردىڭ (پوپتىڭ) قاجەتى قالمادى»، - دەگەن سوزىنەن الەمدە كوپ تاراعان يسلام مەن كاتولوگ ءدىنىن جوققا شىعارىپ تۇرعانى انىق بايقالادى.

رەينكارناتسيا – بۇددا دىنىندە قايتادان تۋىلۋ، دۇنيەگە قايتا كەلۋ ۇعىمىن بىلدىرەدى ەكەن. اتالمىش ءدىننىڭ تاپسىرلەرىندە جازىلۋىنشا «ادام ولگەن سوڭ، دۇنيەگە قايتا كەلەدى. ءتىرى كەزىندە جاساعان جاقسىلىقتارىنىڭ سالماعىنا قاراي كوككە شىعادى، اسۋراعا (ۇڭگىردەگى اۋليە), ادامعا اينالادى. ءتىرى كەزىندە جاساعان جاماندىقتارىنا قاراي توزاققا تۇسەدى، الباستىعا، حايۋانعا اينالادى. بۇل «التى اينالىم» دەپ اتالادى ەكەن. ولگەن ادامنىڭ نەگە اينالاتىنىن ءجانتاسىلىم ساتىندەگى دەنەسىنىڭ قىزۋىنا قاراپ، بولجاۋعا بولادى – مىس. دەنەسى تابانىنان باستاپ سۋىسا، توبەسى ىستىق بولىپ تۇرسا – اۋليەگە، كوزى ىستىق بولىپ تۇرسا – كوككە شىعادى، جۇرەك تۇسى ىستىق بولىپ تۇرسا – ادامعا اينالادى – مىس. باسىنان باستاپ ىشىنە دەيىن سۋىسا، قارىنى ىستىق بولىپ تۇرسا – الباستىعا، تىزەسى ىستىق بولىپ تۇرسا – حايۋانعا، تابانى ىستىق بولىپ تۇرسا – توزاققا تۇسەدى – مىس.

جاناتتىڭ كوكتەمدەگى، ناۋرىز بەن ورازا كەزىندەگى ارەكەتىنە پىكىر بىلدىرگەن جوعارداعى ءدىن وكىلدەرىنەن باسقا، ءدىني تەولوگتاردىڭ پىكىرىن، جان-جاقتىلى ساراپتاماسىن بايقامادىق. كەرىسىنشە جانات بىرەر ساعات بۇرىن فەيسبۋك پاراقشاسىندا: «سەنىڭ ايتىپ جۇرگەنىڭ دۇرىس، جانات. سوزگە ەرمەي، قورقىپ قالماي، ەڭسەڭدى تىك ۇستاپ جۇرگەنىڭە العىس. وسى ەكى كۇننىڭ ىشىندە جانىڭدا شۋلاپ جۇرگەننىڭ ءبارى ارتقا شەگىندى. ساعان سەنبەي قالدى، باسىن شايقادى، قورقىپ ءجۇر. بەرىلمە. ازىرگە 6 ادام تۇر قاسىڭدا، جۇرەكتەرى تازا.

اقسارباز ارامىزداعى كەلىسىم بويىنشا، پلانەتا يەسى ەندى – انالىق نەگىز. ول سۋ پاتشايىمى. جاڭا داۋىردە ول ءوز جۇمىسىن بىلەدى. جارادى، تازالايدى، قورىقپاڭدار.

سەن ەشتەڭەدەن قورىقپا، ءوزىم قاسىڭدامىن، باتىرلىق بەردىم. كەرەك كەزىندە جولداۋ ايتىپ وتىرامىن. جاڭا دەڭگەيىڭ قۇتتى بولسىن، ويات، ءىسىڭدى ورىندا»، - دەدى جاراتۋشى دەپ جازبا جاريالادى.

Abai.kz

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618