بەيسەنبى, 28 ناۋرىز 2024
1431 2 پىكىر 21 ناۋرىز, 2023 ساعات 16:09

رەسەي: شەندىلەرگە ايفون ۇستاۋ - قىلمىس!

رەسەي پرەزيدەنتى اكىمشىلىگى ىشكى ساياسي بلوگىنىڭ قىزمەتكەرلەرىنە iPhone ۇستاۋعا تىيىم سالىندى. بۇل تۋرالى «كوممەرسانت» بيلىكتەگى دەرەككوزىنە سىلتەمە جاساي وتىرىپ حابارلادى.

مۇنداي تاپسىرمانى سەرگەي كيريەنكونىڭ ءوزى ناۋرىزدىڭ باسىندا پرەزيدەنت اكىمشىلىگىنىڭ سەمينارىندا بەرگەن. باسشىلىقتىڭ پىكىرىنشە، Apple كورپوراتسياسى سمارتفوندارىن قولدانۋ قاۋىپتى، سەبەبى وعان «باتىس ماماندارى تىڭشىلىق جاساۋ ماقساتىندا بۇزىپ كىرۋى مۇمكىن». «iPhone شارۋاسى ءبىتتى. لاقتىرامىز، نە بالالارىمىزعا بەرەمىز. سمارتفوننان ناۋرىزدا قۇتىلۋىمىز كەرەك»، - دەگەن باسىلىم دەرەككوزى.

مالىمەتكە قاراعاندا، مۇنداي تىيىمنىڭ پرەزيدەنت اكىمشىلىگىنىڭ ءتورت باسقارماسىندا ىستەيتىن قىزمەتكەرلەرگە قاتىسى بار. ولار: ىشكى ساياسات، قوعامدىق جوبالار، مەملەكەتتىك كەڭەس قىزمەتىن قامتاماسىز ەتۋ، اقپارات-كوممۋنيكاتسيا تەحنولوگيالارى مەن بايلانىس ينفراقۇرىلىمدارىن دامىتۋ ءبولىمى. العاشقى ءۇش ءبولىم 2024 جىلى وتەتىن پرەزيدەنتتى سايلاۋعا دايىندىقپەن اينالىسادى.

پرەزيدەنت اكىمشىلىگى قىزمەتكەرلەرىنە Android نەگىزىندە جۇمىس ىستەيتىن نەمەسە قىتايدا وندىرىلگەن «قاۋىپسىز» سمارتفون ساتىپ الىپ بەرۋى مۇمكىن.

كەيىنىرەك ايماقتارداعى اكىمشىلىك شەنەۋنىكتەرىنە دە امەريكالىق گادجەتتەر پايدالانۋعا تىيىم سالىنادى.

بۇنىڭ الدىندا رەسەي بيلىگى شەنەۋنىكتەرگە Zoom پلاتفورماسىنىڭ ورنىنا جەرگىلىكتى Trueconf جۇيەسىن قولدانۋعا كەڭەس بەرگەن.

 

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530