جۇما, 29 ناۋرىز 2024
ساياسات 12058 0 پىكىر 20 ناۋرىز, 2023 ساعات 14:44

قىتاي مەن رەسەيدىڭ ساۋدا قاتىناسى جاندانىپ كەلەدى

وتكەن جىلى قىتاي مەن رەسەيدىڭ ساۋدا-ساتتىق اينالىمى 190 ميلليارد دوللاردان اسىپ، 2021 جىلمەن سالىستىرعاندا 29,3 پايىزعا ارتقان.

قىتاي 13 جىلدان بەرى رەسەيدىڭ ءىرى ساۋدا ارىپتەسى بولىپ كەلەدى. ەكى ەلدىڭ ساۋدا-ساتتىقتاعى بايلانىسى ەنەرگيا سالاسىمەن عانا شەكتەلمەي، ءار تاراپتانىپ، بارلىق باعىتتا دامۋعا قول جەتكىزگەن.

قىتاي كومپانيالارى رەسەيدىڭ ءداستۇرلى مۇناي، اعاش وڭدەۋ سالاسىن يگەرۋدەن باستاپ، ماشينا جاساۋ، تۇرمىستىق تەحنيكا، اۋىلشارۋاشىلىق ونىمدەرىن وڭدەۋگە دەيىن قوماقتى ينۆەستيتسيا سالعان.

رەسەيدىڭ اۋا-رايى، وتباسىلىق ەرەكشەلىكتەرىنە قاراي ماشينا ۇلگىلەرىن جوبالاپ، ساتىپ، رەسەيلىكتەردىڭ قالاۋىنان شىققان.

سونداي-اق توڭازىتقىش، كىر جۋ ماشيناسى قاتارلى ەنەرگيا ۇنەمدەيتىن ونىمدەردى دە ەكسپورتتايدى.

قىتاي كومپانيالارى ەكى ەل اراسىنداعى قۇرلىق، سۋ جولدارىن، كوپىرلەر سالىپ قانا قويماي، جاقىندا ىسكە قوسىلعان ماسكەۋ مەتروسى جاڭا باعىتىنىڭ 71 شاقىرىمىن جۇزەگە اسىرعان.

رەسەيدىڭ قىتايداعى ەلشىسى مورگۋلوۆ ورىس اۋىلشارۋاشىلىق ونىمدەرىنىڭ قىتايدا ەرەكشە سۇرانىسقا يە ەكەنىن ايتۋدا.

سونىمەن بىرگە قىتاي رەسەيدەن قاعاز قويمالجىڭى مەن كارتوندارعا كوپ تاپسىرىس بەرەدى ەكەن.

ەكى ەلدىڭ ساۋدا بايلانىسىنىڭ ارتۋىنا قىتاي تارابىنىڭ «ءبىر جول، ءبىر بەلدەۋ» جوباسى مەن رەسەي جەتەكشىلىگىندەگى ەۋرازيا ەكونوميكالىق وداعى جارقىن جول اشقان.

ەكى ەل ساۋدا بايلانىسىن دامىتۋدىڭ بولاشاق باعىتى رەتىندە ساندىق ەكونوميكا، جاسىل ەنەرگيا كوزدەرىن دامىتۋ، بيولوگيالىق ءدارى-دارمەك سالاسىنداعى ارىپتەستىكتى كۇشەيتۋ دەگەن ورتاق تۇسىنىككە كەلگەن.

ەكى تاراپ جاڭا بەلەستى باعىندىرۋ ءۇشىن ساندىق تەحنولوگيا ماماندارىن دايىنداۋ، ەلەكتروندى ساۋدا، 5G-دى دامىتۋ ماقساتىندا ينۆەستيتسيا كولەمىن ارتتىرماق.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610