جۇما, 29 ناۋرىز 2024
بيلىك 1266 1 پىكىر 19 ناۋرىز, 2023 ساعات 17:38

سايلاۋ – قوعام ءۇشىن ەرەكشە ساياسي وقيعا

عىلىم جانە جوعارى ءبىلىم ءمينيسترى ساياسات نۇربەك بۇگىنگى ءوتىپ جاتقان ءماجىلىس جانە ماسليحات سايلاۋى تۋرالى پىكىرىن ءبىلدىردى.

“وتكەن جىلى پرەزيدەنت قاسىم-جومارت توقاەۆتىڭ باستاماسىمەن جۇزەگە اسقان اۋقىمدى ساياسي رەفورمالاردىڭ ارقاسىندا ەلىمىز دامۋدىڭ جاڭا كەزەڭىنە قادام باستى. سالىستىرمالى تۇردە قىسقا مەرزىمدە مەملەكەتتىڭ ساياسي قۇرىلىمىندا دا، قوعامدىق قۇندىلىقتار جۇيەسىن جاڭارتۋ پروتسەسىندە دە ايتارلىقتاي ناتيجەلەرگە قول جەتكىزىلدى.

ال بۇگىن نەگىزگى مەملەكەتتىك ينستيتۋتتاردى قايتا ىسكە قوسۋ ۇدەرىسىن اياقتاي وتىرىپ، قازاقستان ازاماتتارى جاڭا ارالاس جۇيە بويىنشا ءماجىلىس پەن ءماسليحات دەپۋتاتتارىن سايلايدى. مەملەكەت باسشىسى اتاپ وتكەندەي، ءماجىلىس پەن ءماسليحاتتاردىڭ بيىلعى سايلاۋى وتكەن جىلى قازاقستاندىقتاردىڭ قولداۋىنا يە بولعان كونستيتۋتسيالىق رەفورمانىڭ قيسىنىنا نەگىزدەلگەن. وسى رەفورمانىڭ ارقاسىندا ەلدە بيلىكتىڭ وكىلەتتى تارماعىن قالىپتاستىرۋدىڭ جاڭا، نەعۇرلىم ءادىل جانە باسەكەگە قابىلەتتى ەرەجەلەرى قالىپتاستى.

ەل ازاماتتارى بۇگىن وزدەرىنىڭ ساياسي ءبىلىمىن كورسەتە وتىرىپ، داۋىس بەرۋگە بەلسەندى قاتىساتىنىنا سەنىمدىمىن. شىنىندا «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» مەملەكەتتىڭ ساياسي تۇراقتىلىعىنىڭ پرەزيدەنتتىك فورمۋلاسىن ودان ءارى جۇزەگە اسىرۋ ساپاسى وسى سايلاۋدىڭ ناتيجەلەرىنە بايلانىستى.

بۇگىن مەن جۇبايىممەن بىرگە، كوپتەگەن ارىپتەستەرىم مەن دوستارىم سياقتى بەيبىتشىلىك پەن وركەندەۋدى قالاپ، وتانىمىزدىڭ قارىشتى دامۋى ءۇشىن ءوز تاڭداۋىمدى جاسادىم!”،- دەپ جازدى مينيستر ءوزىنىڭ الەۋمەتتىك جەلىدەگى پاراقشاسىندا.

 

Abai.kz 

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616