جۇما, 29 ناۋرىز 2024
1164 2 پىكىر 17 ناۋرىز, 2023 ساعات 12:55

سايلاۋ ناۋقانى: كانديداتتار سوتقا 166 ارىز ءتۇسىردى

سايلاۋ ناۋقانى بارىسىندا كانديداتتار سوتقا 166 ارىز ءتۇسىردى.

«سوتقا پارلامەنت ءماجىلىسى مەن ءماسليحاتتار دەپۋتاتتىعىنا كانديداتتاردان 166 ارىز تۇسكەن. ونىڭ ىشىندە جوعارعى سوتقا 55, مامانداندىرىلعان اۋدانارالىق اكىمشىلىك سوتتارعا 104 جانە اۋداندىق سوتتارعا 7 ارىز بەرىلدى. بۇگىندە سوتتا 164 ارىز-شاعىم قارالدى. ونىڭ ىشىندە 49 ءىس قاناعاتتاندىرىلدى، 84 ءىس بويىنشا قاناعاتتاندىرۋدان باس تارتىلدى، 15 تالاپ قويۋشى ارىزىن كەرى قايتارىپ الدى جانە سوت 16 ارىزدى قاراۋسىز قالدىردى»، - دەدى ورتالىق سايلاۋ كوميسسياسىنىڭ مۇشەسى اسىلبەك سماعۇلوۆ.

اۋداندىق كوميسسيالاردىڭ شەشىمدەرىمەن پارلامەنت ءماجىلىسىنىڭ دەپۋتاتتىعىنا 6 كانديداتتىڭ قۇقىعى قالپىنا كەلتىرىلگەن.

«ونىڭ ىشىندە استانا قالاسى بويىنشا بەسەۋ جانە شىمكەنت قالاسى بويىنشا بىرەۋ. سوتقا تۇسكەن 166 ارىزدىڭ 135-ءى دەپۋتاتتىققا كانديداتتار ۇسىنعان اكتيۆتەر مەن مىندەتتەمەلەر تۋرالى دەكلاراتسيالارداعى مالىمەتتەردىڭ دۇرىس ەمەستىگى تۋرالى، سول سياقتى مەملەكەتتىك كىرىس ورگاندارىنان اقپارات ۇسىنىلعاننان كەيىن سايلاۋ كوميسسيالارى قابىلداعان كانديداتتاردى تىركەۋدىڭ كۇشىن جويۋعا قاتىستى»، - دەيدى ول.

ونىڭ ايتۋىنشا، سايلاۋ تۋرالى كونستيتۋتسيالىق زاڭنىڭ 89-بابى 4-3-تارماعىنىڭ 4-تارماقشاسىنا، 104-بابى 6-1-تارماعىنىڭ 4-تارماقشاسىنا سايكەس وكرۋگتىك سايلاۋ كوميسسياسى دەكلاراتسيادا اكتيۆتەر مەن مىندەتتەمەلەر تۋرالى مالىمەتتەردىڭ دۇرىس ەمەستىگى انىقتاعان جاعدايدا كانديداتتى تىركەۋ تۋرالى شەشىم كۇشىن جويادى.

 

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618