ماڭعىستاۋ جانە تۇركىستان وبلىستارىنىڭ تۇرعىندارى ازىق-تۇلىككە كوپ اقشا جۇمسايدى، دەپ حابارلايدى LS.

ۇلتتىق ستاتيستيكا بيۋروسىنىڭ 2022 جىلدىڭ IV توقسانىنداعى ءۇي شارۋاشىلىقتارىنىڭ شىعىندارى بويىنشا دەرەكتەرىنە سايكەس، قازاقستان بويىنشا ورتاشا ەسەپپەن ءبىر توقساندا ءبىر وتباسىنىڭ تۇتىنۋ شىعىندارىنا 788,5 مىڭ تەڭگە جۇمسالدى. ونىڭ ىشىندە ازىق-تۇلىككە – 440,6 مىڭ تەڭگە، ازىق-تۇلىك ەمەس تاۋارلارعا – 205,9 مىڭ تەڭگە، ال اقىلى قىزمەتتەرگە – 142 مىڭ تەڭگە.

ەگەر وڭىرلەر بويىنشا جاعدايدى قاراستىراتىن بولساق، ەڭ ءىرى شىعىستار ماڭعىستاۋ وبلىسىندا تىركەلدى. مۇندا وتباسىلىق بيۋدجەتتەن ازىق-تۇلىككە – 558,2 مىڭ تەڭگە، ازىق-تۇلىككە – 231,2 مىڭ تەڭگە، قىزمەتتەرگە – 142 مىڭ تەڭگە جۇمسالدى.

سونداي-اق، تۇركىستان وبلىسىنىڭ تۇرعىندارى ازىق-تۇلىككە ەڭ كوپ جۇمساعان – 549,1 مىڭ تەڭگە، ازىق-تۇلىككە جاتپايتىن تاۋارلارعا – 212,4 مىڭ تەڭگە، قىزمەتتەرگە – 119,7 مىڭ تەڭگە.

ۇلىتاۋ وبلىسىندا ازىق-تۇلىك شىعىستارى 519,6 مىڭ تەڭگە بولسا، ازىق-تۇلىك ەمەس تاۋارلارعا – 274,1 مىڭ تەڭگە، قىزمەتتەرگە – 155,9 مىڭ تەڭگە جۇمسالعان.

ەڭ تومەنگى تۇتىنۋ شىعىنى قوستاناي وبلىسىندا تىركەلدى – 595,9 مىڭ تەڭگە. مۇندا ازىق-تۇلىك تاۋارلارىنا 299,9 مىڭ تەڭگە، ازىق-تۇلىك ەمەس تاۋارلارعا – 186,9 مىڭ تەڭگە، ال قىزمەتتەرگە – 109 مىڭ تەڭگە جۇمسالدى.

ازىق-تۇلىككە ەڭ از قاراجات جۇمساعان شىمكەنت تۇرعىندارى بولىپ شىقتى – 342,1 مىڭ تەڭگە، ازىق-تۇلىك ەمەس تاۋارلارعا – 189,8 مىڭ تەڭگە، قىزمەتتەرگە – 122,5 مىڭ تەڭگە.

قازاقستاننىڭ باسقا وبلىستارىنىڭ تۇرعىندارى قانشا اقشا جۇمسايتىنى ينفوگرافيكادا كورسەتىلگەن.

Abai.kz