الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆقا قاتىستى سوت وتىرىسى تاعى كەيىنگە قالدى.

بۇگىن گەنەرال-مايور كۇدەباەۆقا قاتىستى ۇكىم شىعارىلۋى كەرەك ەدى. الايدا ونىڭ سىرقاتىنا بايلانىستى سوت وتىرىسى كەيىنگە شەگەرىلدى.

تالدىقورعان قالالىق سوتىنىڭ ءباسپاسوز قىزمەتى ءمالىم ەتكەندەي، كەلەسى وتىرىستىڭ وتەتىن كۇنى كەيىنىرەك بەلگىلى بولادى.

بۇعان دەيىن سەرىك كۇدەباەۆتىڭ اۋرۋحاناعا تۇسكەنى تۋرالى جاريالانعان ەدى.

ايتا كەتەيىك، پروكۋرور سۋديادان سەرىك كۇدەباەۆقا 9 جىل باس بوستاندىعىنان ايىرۋ جازاسىن تاعايىنداۋدى سۇراعان بولاتىن.

الماتى وبلىسى پوليتسيا دەپارتامەنتىنىڭ بۇرىنعى باستىعى سەرىك كۇدەباەۆتىڭ سوتى قاڭتار ايىندا باستالعان.

ەسكە سالساق، الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ قاڭتار وقيعاسى بويىنشا كۇدىكتى دەپ تانىلعان ەدى.

ول 2020 جىلدان باستاپ 2022 جىلدىڭ قاڭتارىنا دەيىن الماتى وبلىسى پوليتسيا دەپارتامەنتىنىڭ باستىعى قىزمەتىن اتقارعان.

2022 جىلدىڭ 18 اقپانىندا ول ىشكى ىستەر ورگاندارىنان ءوز ەركىمەن بوساتىلدى.

Abai.kz