بەيسەنبى, 28 ناۋرىز 2024
916 0 پىكىر 15 ناۋرىز, 2023 ساعات 13:30

اقتوبەدەگى 51 ءۇيدى سۋ باستى

ءبىر تاۋلىك ىشىندە اقتوبە وبلىسى قوبدا اۋدانىنىڭ قوبدا كەنتىندەگى 51 تۇرعىن ءۇيدى سۋ باسىپ قالدى، دەپ حابارلايدى Ulysmedia.kz.

وبلىستىق توتەنشە جاعدايلار دەپارتامەنتىنىڭ مالىمەتىنشە، سۋ باسقان ۇيلەردەن 91 ادام ەۆاكۋاتسيالاندى.

“قازىرگى ۋاقىتتا ماتەريالدىق قۇندىلىقتاردى ەۆاكۋاتسيالاۋ، ينەرتتى ماتەريالداردى تاسىمالداۋ، ۇيلەردى ينەرتتى ماتەريالمەن جانە قاپشىقپەن نىعايتۋ جۇمىستارى جۇرگىزىلۋدە. جەرگىلىكتى ۋاقىت بويىنشا ساعات 20:45-تە قوبدا اۋدانىنىڭ اكىمى جەرگىلىكتى اۋقىمداعى توتەنشە جاعداي جاريالادى. تج دەپارتامەنتى مەن جاو كۇشتەرىمەن كوشەلەردەن، اۆتوجولداردان جانە اۋلا اۋماقتارىنان ەرىگەن قار سۋىن ايداۋ جانە بۇرۋ جۇمىستارى جۇرگىزىلۋدە”، – دەلىنگەن حابارلامادا.

بۇگىندە وبلىس بويىنشا بارلىعى 317 مىڭنان استام تەكشە مەتر سۋ سورىلعان. 26,1 شاقىرىم ارىق تازارتىلىپ، 7 420 م3 ينەرتتى ماتەريال اكەلىندى جانە 4 120 دانا قاپشىق توسەلدى (بايعانين،ىرعىز، مارتوك، مۇعالجار، ويىل، تەمىر جانە شالقار اۋداندارىندا). ۇزىندىعى 75 مەتر ۋاقىتشا بوگەت سالىندى، ۇزىندىعى 50 مەتر جاعالاۋدى نىعايتۋ جۇمىستارى جۇرگىزىلدى (شالقار اۋدانى). وبلىس بويىنشا ەلدى مەكەندەردەن 524,9 مىڭنان استام م3 قار شىعارىلدى.

“قوسىمشا 138 اسسەنيزاتور جۇمىلدىرىلدى. جەرگىلىكتى جەرلەردە 400-دەن استام بىرلىك تەحنيكا، 20 ءموبيلدى بريگادا جۇمىس ىستەپ جاتىر، 454 ادام جۇمىلدىرىلدى”، – دەپ حابارلادى دەپارتامەنتتەن.

ايتا كەتەيىك، بقو-دا سۋ تاسقىنى سالدارىنان 200-دەن استام ادام تۋىستارىن پانالاۋعا ءماجبۇر.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3502