بۇگىن استانا قالالىق ءماسليحات دەپۋتاتتىعىنا «AMANAT»-تىڭ پارتيالىق ءتىزىمى بويىنشا ۇسىنىلعان ەرلان داكەنوۆ مادەنيەت سالاسىنىڭ ماماندارىمەن كەزدەسىپ، سايلاۋالدى باعدارلامانى تانىستىردى. مادەنيەت سالاسىنىڭ مايتالماندارى جالاقىنىڭ ازدىعى، باسپانا ماسەلەسىن كوتەردى.

ەرلان داكەنوۆ ەلىمىزدەگى اتقارىلىپ جاتقان اۋقىمدى شارالاردىڭ جۇزەگە اسىرىلۋى، ونداعى «AMANAT» پارتياسىنىڭ قاي سالا بولماسىن ىقپال ەتىپ، ەلدىڭ الەۋمەتتىك-ەكونوميكالىق دامۋى ءۇشىن اتقارىپ وتىرعان جۇمىستارى، پارتيانىڭ اتقارعان جۇمىستارىنا توقتالدى.

«بۇگىنگى تاڭدا پارتيا جۇمىسىنىڭ باعدارلانعان ماقساتى: ەل مەن قوعامدى ساياسي، ەكونوميكالىق، مادەني، تەحنولوگيالىق جانە رۋحاني تۇرعىدا قايتا قۇرۋ. ءدال وسى قۇندىلىقتار ءبىزدىڭ بىرلەسكەن كۇش-جىگەرىمىز بەن سىندارلى قارىم-قاتىناسىمىزدىڭ نەگىزىنە اينالادى. ءبىز قالامىزدىڭ ودان ءارى گۇلدەنۋى ءۇشىن ازاماتتارمەن، سونداي-اق قوعامدىق-ساياسي ۇيىمدارمەن ىنتىماقتاستىق جانە يدەيا الماسۋعا دايىنبىز. مادەنيەت سالاسىنىڭ قىزمەتكەرلەرىن تولعاندىراتىن باستى سۇراق – جالاقىنىڭ ازدىعى.  سونىمەن قاتار جاس مامانداردى جۇمىسقا تارتۋ قيىن، دايارلانعان، تىسقاقتى ماماندار باسقا سالاعا اۋىسىپ، جايى كەلسە شەتەل اسۋدا. سۇرانىس ازايعاندىقتان، جوو-دا ماماندىق باعىتى قىسقارعان، رەجيسسەرلەر مەن كومپوزيتورلاردىڭ دا قاتارى ازايعان»، - دەدى ە.داكەنوۆ.

كانديدات سايلاۋشىلاردىڭ ۇسىنىستارى مەن كوتەرىلگەن ماسەلەلەردى بيلىكتەگىلەرگە جەتكىزۋگە ۋادە بەردى. مادەنيەت پەن ونەر سالاسىنىڭ وكىلدەرى كوپتەن بەرى ايتىلىپ جۇرگەن ماسەلەنىڭ ناقتى شەشۋ تەتىكتەرى ەرتەرەك ازىرلەنسە ەكەن دەيدى.

* استانا قالاسى ءماسليحاتىنىڭ دەپۋتاتتارىن سايلاۋدا پارتيالىق ءتىزىمدى ۇسىنعان «AMANAT» پارتياسىنىڭ سايلاۋ قورىنىڭ قاراجاتىنان تولەندى.

Abai.kz