استانا قالالىق ءماسليحات دەپۋتاتتىعىنا «AMANAT»-تىڭ پارتيالىق ءتىزىمى بويىنشا ۇسىنىلعان ورازعالي ەگەمبەرديەۆ «اقمولا ەلەكتر جەلىلىك ۇلەستىرۋ كومپانياسى» اق جۇمىسشىلارمەن كەزدەسىپ، سايلاۋالدى باعدارلامانى تانىستىردى.

№1 اۆتوبۋس پاركى باسشىسى ورازعالي ەگەمبەرديەۆ ەلوردانى جاڭعىرتۋ جۇمىستارىن بايانداپ، پارتيانىڭ «حالىقپەن بىرگە» سايلاۋالدى باعدارلاماسىندا قانداي مۇمكىندىكتەر قامتىلعانىن ايتتى. باعدارلامادا قالانى كەشەندى تۇردە دامىتۋدىڭ نەگىزگى باعىت-باعدارى ايقىن كورسەتىلگەنىن جەتكىزدى.

«پارتيا باعدارلاماسى – ءبىزدىڭ بولاشاقتان كۇتەتىن ءۇمىتىمىز. بۇل – اۋىل تۇرعىنى مەن جۇمىسشى، مۇعالىم مەن دارىگەر، كەنشى مەن مۇنايشى، كاسىپكەر مەن مەملەكەتتىك قىزمەتكەر، زەينەتكەر مەن كوپبالالى انا، تاكسي جۇرگىزۋشىسى مەن جەتكىزۋ قىزمەتشىسى، ستۋدەنت پەن جۇمىسسىزدىڭ، سونداي-اق قيىن جاعدايعا تاپ بولعان ادامداردىڭ بىزگە ارتقان 200 مىڭنان استام اماناتىنان تۇراتىن باعدارلاما. بۇل باعدارلامادان ءار ادام ءال-اۋقات پەن جۇمىس، جالاقى مەن ازىقتۇلىكتىڭ قولايلى باعاسى، ساپالى مەديتسينا مەن ءبىلىم، جەكە باسپانا مەن الەۋمەتتىك قامسىزداندىرۋ، اۋىلدى دامىتۋ مەن قالا ينفراقۇرىلىمى، ازاماتتاردىڭ قۇقىقتارى مەن قاۋىپسىزدىگىن قورعاۋ تۋرالى سۇراقتارعا جاۋاپ تابا الادى»، - دەدى و.ەگەمبەرديەۆ.

كانديدات سايلاۋدا جەڭىسكە جەتسە، الەۋمەتتىك سالاداعى ماسەلەلەردىڭ شەشىمىن تابۋعا بارىن سالاتىنىن ايتتى.

«ءبىز ءاربىر الەۋمەتتىك كومەك الۋشىنىڭ تابىسى ءوسۋى ءۇشىن كۇرەسەتىن بولامىز. سونىمەن بىرگە وتباسىلاردىڭ اۋىر جاعدايعا تۇسۋىنە جول بەرمەۋ ءۇشىن بارىمىزدى سالامىز. ول ءۇشىن وتباسىنىڭ ەڭبەككە قابىلەتتى ءاربىر مۇشەسىنە ارنالعان جۇمىسقا ورنالاسۋ بويىنشا اتاۋلى جيىنتىعى ۇسىنىلماق. وسى ماقساتتا جۇمىسپەن قامتۋ ورتالىقتارىنىڭ جۇمىسى تولىققاندى ەڭبەك تيىمدىلىگىنىڭ ورتالىعى رەتىندە كۇشەيە تۇسەدى. وڭىرلەردە اكىمدىكتەر جۇمىسسىزدارمەن جانە ءوزىن-ءوزى جۇمىسپەن قامتىعاندارمەن تىكەلەي جۇمىس ىستەۋ ءۇشىن ءموبيلدى توپتار قۇرادى»، - دەدى ورازعالي ەگەمبەرديەۆ.

سايلاۋشىلار ءوز كەزەگىندە كوپبالالالى وتباسىلاردىڭ باسپانالى بولۋى، جۇمىسشىلار اراسىندا ءتىل كۋرستارىن جۇرگىزۋ، جالاقىنى ارتتىرۋ سىندى وزەكتى ماسەلەلەرىن كوتەردى.

*استانا قالاسى ءماسليحاتىنىڭ دەپۋتاتتارىن سايلاۋدا پارتيالىق ءتىزىمدى ۇسىنعان «AMANAT» پارتياسىنىڭ سايلاۋ قورىنىڭ قاراجاتىنان تولەندى.

Abai.kz