جۇما, 29 ناۋرىز 2024
قوعام 4397 21 پىكىر 13 ناۋرىز, 2023 ساعات 14:03

دوس كوشىم: مەن - نازارباەۆ ەمەسپىن، «ۇلت تاعدىرى» - «نۇر-وتان ەمەس!

ساياساتكەر دوس كوشىم «قاسقا جول» باعدارلاماسىندا بەرگەن سۇحباتىندا 2019 جىلى پرەزيدەنت سايلاۋىنا تۇسكەن ءامىرجان قوسانوۆ تۋرالى پىكىر ءبىلدىردى.

«ءامىرجان قوسانوۆتى «ۇلت تاعدىرى» قوعامدىق ۇيىمى ۇسىندى. مەن نازارباەۆ ەمەسپىن، «ۇلت تاعدىرى» «نۇر-وتان ەمەس». ول مەنىڭ پارتيام ەمەس. سول جەردەگى ءاربىر ادام مەنىمەن تەڭ نە مەنەن ارتىق. سونىمەن بىرگە، «ۇلت تاعدىرىنىڭ» باسشىلىعىنا كەلگەن ادام نە 90-جىلدارى تاۋەلسىزدىك ءۇشىن كۇرەسكەن ازات قوزعالىسىنىڭ باسشىسى بولۋى كەرەك، نە بولماسا جەلتوقسان كوتەرىلىسىنە قاتىسقان بولۋى كەرەك»، - دەدى ساياساتكەر، «ءامىرجان قوسانوۆتى ءسىز باسقاراتىن ۇيىم ۇسىندى» دەگەن ءجۋرناليستىڭ سوزىنە جاۋاپ بەرىپ.

ساياساتكەردىڭ ايتۋىنشا، سول سايلاۋدا حالىقتى الداپ كەتكەن ەلىمىزدەگى وپپوزيتسيا وكىلدەرى.

«ەڭ باستى الداپ كەتكەن ول – وپپوزيتسيا. ساياساتتا جۇرگەنىمە 35 جىل بولدى. مەن وندايدى كورگەن جوقپىن. سول جىلى ءبىر ايعى سايلاۋالدى ناۋقاندا توقاەۆتىڭ باعدارلاماسىن بىردە-ءبىر وپپوزيتسيانىڭ ادامى سىناعان جوق. ءبارى، نەگە ەكەنىن قايدام، ءامىرجاندى سىنادى، ال نەگىزگى ءبىزدىڭ ءومىر بويى قارسى بولىپ كەلە جاتقان بيلىك جۇيەسىن ەشكىم اۋىزعا الىپ ايتپادى.

ەڭ قىزىعى ءبىز ءبىر ۇلتشىلدى ۇسىنعان جوقپىز عوي. ءبىز سول وپپوزيتسيانىڭ ادامىن ۇسىندىق. ول قدت-نىڭ باسشىسىنىڭ ءبىرى بولدى، «ادىلەتتى قازاقستاننىڭ» باسشىسى بولعان، بولات ءابىلوۆتىڭ ورىنباسارى بولعان ادامدى ۇسىندىق قوي. ءبىز ويلادىق، وپپوزيتسيانىڭ ادامىن ۇسىنايىق، وپپوزيتسيا قوسىلاتىن شىعار دەپ، بىراق ولار قارسى شىقتى. وسىنداي قىزىق جاعداي بولدى»، - دەيدى سپيكەر.

دوس كوشىم سول كەزدە بىزدەگى ادىلەتسىز سايلاۋ جۇيەسى بولماعاندا ءامىرجان قوسانوۆتىڭ پرەزيدەنتتىككە سايلاناتىنىن ايتتى.

«بىرىنشىدەن، امىرجانعا 4 ميلليوننان استام ادام داۋىس بەردى دەيدى. ءبىزدى سىنايتىن ادامدار «ءامىرجان 40-50 پايىز الدى، ءسۇيتىپ ونىڭ ءبارىن ءوزى بەرىپ قويدى دەپ» ايتادى. شىندىعىندا، ونى ىستەگەن بەرىك يماشەۆ باستاعان ورتالىق سايلاۋ كوميسسياسى. 16 پايىزىن امىرجانعا بەرگەن. ونىڭ 16 پايىز الماعانىن حالىق بىلەدى. ءامىرجان تەك الماتىنىڭ وزىندە  70 پايىز الدى. ەگەر بىزدە ادىلەتسىز سايلاۋ بولماعاندا، ءامىرجان قوسانوۆ پرەزيدەنت بولار ەدى.

ەكىنشىدەن ونى الدادى دەيدى. الدادى دەپ پرەزيدەنتتىككە تۇسكەن ادامعا ءبىر-اق نارسەنى ايتادى. ەگەر ول پرەزيدەنت بولعان سوڭ، باعدارلاماسىندا ايتقان نارسەنى ىستەمەسە. ول پرەزيدەنت بولعان جوق، قالاي الدايدى؟ ونىڭ ۇستىنە، ءامىرجان كەيىن ۇكىمەتتەن قىزمەت تە العان جوق»، - دەدى سپيكەر.

Abai.kz

21 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3618