بەيسەنبى, 28 ناۋرىز 2024
اباي.tv 13444 10 پىكىر 9 ناۋرىز, 2023 ساعات 13:32

گرۋزيا نەگە كوتەرىلدى؟

سەگىنشى ناۋرىز حالىقارالىق ايەلدەر مەرەكەسى كۇنى تيبليسيدە سەنسەيبى كۇنى باستالعان «شەتەل اگەنتى تۋرالى» زاڭعا قارسىلىق شارىقتاۋ شەگىنە جەتتى. ەرەۋىلشىلەر اتالمىش زاڭدى ءبىر اۋىزدان ماقۇلداعان پارلامەنت الدىنا جينالىپ, ءوز نارازىلىقتارىن ءبىلدىردى. ۇستالعانداردى قويا بەرۋدى تالاپ ەتتى. گرۋزيا مەن ەۋرووداقتىڭ تۋىن كوتەرگەندەردىڭ قاتارى مول بولدى. رەسەيگە قارسى سوزدەر جازىپ، ۋكراينا تۋىن كوتەرگەندەر دە تابىلدى. زەلەنسكيي ولارعا العىس ايتىپ، ءارى «ءبىزدىڭ ەۋرووداققا كىرۋ ءوتىنىشىمىز قارالىپ جاتىر. سىزدەرگە دە جۇعىستى بولسىن» دەپ ەرەۋىلشىلەردى جەلپىندىرىپ قويدى.

گرۋزيا پارلامەنتى وتكەن سەيسەنبىدە ءبىرىنشى وقىلىمىندا قابىلداعان «شەتەل اگەنتى» تۋرالى زاڭعا «كەز كەلگەن ۇيىمنىڭ قارجىلىق قورىندا شەتەل كاپيتالىنىڭ ۇلەسى 20 پايىزدان اسسا، ول «شەتەل اگەنتى» بولىپ سانالادى ءارى ايىپپۋل سالىنادى» دەگەن باپتار ەنگىزىلگەن. وعان قارسىلار بۇل ديكتاتورلىق جولعا تۇسكەندىكتىڭ بەلگىسى دەپ سانايدى. باتىسپەن اشىق قاقتىعىسىپ وتىرعان كرەملدىڭ جولىنا ۇقساتادى. بۇل زاڭدى دايىنداعان بيلىكتەگى «گرۋزيا ارمانى» پارتياسىنىڭ توراعاسى يراكيل كوباحيدزە بۇل زاڭعا شەك كەلتىرمەيدى. كەرىسىنشە «مەملەكەتتىڭ قاۋىپسىزدىگى مەن گرۋزيندەردىڭ ءداستۇرلى ءدىني سەنىمىنە كەلەتىن سىرتقى قاۋىپتىڭ الدىن الادى» دەپ قارايدى. ول وپپوزيتسيا ۇشقارى پىكىر قالىپتاستىرىپ، جاعدايدى ادەيى ۋشىقتىرىپ وتىر دەپ سانايدى.

ال پرەزيدەنت سالومە زوۋرابيشۆيلي دە بۇل زاڭعا قارسىلاردىڭ قاتارىندا. ول پارلامەنت قابىلداعان زاڭ جوباسىنا قول قويمايتىنىن ايتۋدا. ول 2018 جىلى «گرۋزيا ارمانى» پارتياسى ارقىلى بيلىككە كەلگەنىمەن ارتىنان پارتيا قاتارىنان شىعىپ كەتكەن. دەسە دە گرۋزيا پارلامەنتىندە پرەزيدەنت شەشىمىن تويتارا الاتىن قۇزىرەت بار. اتالمىش زاڭ گرۋزين جۇرتىن عانا ەمەس، بيلىك پارتياسىن دا ەكىگە جارىپ وتىر.

پۋتين ۋكرايناعا باسىپ كىرگەلى بەرى بۇرىن ورىس بيلىگىنىڭ تىزەسى باتقان ەلدەردىڭ كرەملگە قارسىلىعى جاڭا دەڭگەيگە كوتەرىلگەنى، زەلەنسكيدىڭ باستاۋىنداعى ۋكراين حالقىنا تىلەۋلەس بولىپ وتىرعانى بەلگىلى. بىلتىر ەۋرووداق زاڭ سالاسىندا ولقىلىقتاردىڭ بار ەكەنىن العا تارتىپ، گرۋزيانىڭ وداققا كىرۋ ءوتىنىشىن كەرى قايتارعان ەدى. وپپوزيتسيا «رەسەيدى ەسكە تۇسىرەدى» دەگەن اتالمىش زاڭنىڭ قابىلدانۋى وتقا ماي قۇيعانداي اسەر ەتتى. ەرەۋىلشىلەر جاعىنداعى گرۋزيانىڭ ايەل پرەزيدەنتى «رەسەي ۋكراينا سوعىسىندا جەڭىلىپ وتىر، بىراق كاۆكازدى ۋىسىنان شىعارۋدى ويلاپ وتىرعان جوق» دەيدى.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516