جەكسەنبى, 25 اقپان 2024
بيلىك 1436 0 پىكىر 6 ناۋرىز, 2023 ساعات 16:30

«اق جول» پارتياسى رەسپۋبليكالىق سايلاۋالدى شتابىنىڭ مۇشەلەرى شىعىس قازاقستان وبلىسىنا باردى

«اق جول» پارتياسى رەسپۋبليكالىق سايلاۋالدى شتابىنىڭ مۇشەلەرى شىعىس قازاقستان وبلىسىندا كەزدەسۋلەر وتكىزۋدە.

«اق جول» پارتيا توراعاسىنىڭ ورىنباسارلارى دميتري ۆاسيلەۆ پەن بەرىك دۇيسەمبينوۆ وبلىس كاسىپكەرلەرىمەن وتكەن دوڭگەلەك ۇستەل جۇمىسىنا قاتىستى. كانديداتتار بيزنەس وكىلدەرىنە پارتيا باعدارلاماسىنىڭ التى باسىم باعىتى تۋرالى ايتىپ بەردى.

بيزنەستى دامىتۋ، نەسيەنىڭ قىمبات مولشەرلەمەلەرى، وففشورلىق ەسەپشوتتارداعى حالىق قاراجاتىن قازاقستانعا قايتارۋ تۋرالى تارماقتار ءوڭىر تۇرعىندارىنان قولداۋ تاپتى.

جاستاردى يپوتەكالىق نەسيە ماسەلەسى تولعاندىردى. ال، كاسىپكەرلەردىڭ ايتۋىنشا، شەكسىز مۇمكىندىككە يە سوت ورىنداۋشىلارىنىڭ ارەكەتىنە نارازى. ولار كومپانيالاردىڭ ەسەپشوتتارىن بۇعاتتاپ، تابىس تاۋىپ، قارىزدارىنان قۇتىلۋىنا كەدەرگى جاسايدى. كاسىپورىنداردى ديزەلدىك وتىنمەن قامتاماسىز ەتۋ ماسەلەسىندە دە كەرەعار جاعداي تۋىنداۋدا. حالىققا، اۋىل شارۋاشىلىعىنا جەڭىلدىكتەر قاراستىرىلسا، كەنىشتەر مەن كولىك كومپانيالارى ونى 3 ەسە قىمباتقا ساتىپ الۋعا ءماجبۇر. ولاردىڭ كوپشىلىگى بانكروتتىقتىڭ الدىندا تۇر.

بۇل ماسەلەلەردىڭ بارلىعى باقىلاۋدا بولادى، دەپ سەندىردى دميتري ۆاسيلەۆ.

بيزنەس پارتياسى ءوز تاراپىنان كاسىپكەرلىك سالاسىنداعى ماسەلەلەردى شەشۋدىڭ بىرقاتار جولدارىن ۇسىنۋعا دايىن. اتاپ ايتقاندا، الەۋمەتتىك ماڭىزى بار تاۋارلار مەن بيزنەستىڭ باسىم سەكتورلارى ءۇشىن 0-6% دەڭگەيىندە قوسىمشا قۇن سالىعىنىڭ تومەندەتىلگەن مولشەرلەمەلەرىن ەنگىزۋدى تالاپ ەتۋ. قازاقستان رەسپۋبليكاسى ۇلتتىق بانكىنىڭ ەكىنشى دەڭگەيدەگى بانكتىك نەسيە بويىنشا بازالىق سىياقى مولشەرلەمەسىن جىلدىق 4-5%-دان اسپايتىن ءتيىمدى سىياقى مولشەرلەمەسىنە دەيىن تومەندەتۋ ماسەلەسىن كوتەرۋ قاجەت. مونوپوليستەر تاريفتەرىنىڭ نەگىزدىلىگىن – ءبىرىنشى كەزەكتە ەنەرگەتيكا جانە تەمىرجول كولىگى سالاسىندا تولىق كولەمدە تەكسەرۋ جۇرگىزۋ كەرەك.

«ءبىز اۋىلدىق جەرلەردە سالىقتاردى جويۋعا ۇمتىلۋدامىز، ادامداردىڭ بجزق شوتىنداعى قاراجاتىن وزدەرى باسقارعانىن قالايمىز، مەديتسينالىق ساقتاندىرۋ ناقتى ءبىر ادامعا بايلانىپ، ول كەز-كەلگەن ەمحانادا، قاجەتتى ۋاقىتتا كومەك الا الاتىن بولۋى كەرەك، – دەدى بەرىك دۇيسەمبينوۆ.

«اقجولدىقتار» جينالعانداردىڭ سۇراقتارىنا جاۋاپ بەرىپ، سايلاۋشىلاردىڭ ۇسىنىستارىن نازارعا الدى.

*ماتەريالدىڭ اقىسى «اق جول» دەموكراتيالىق پارتياسىنىڭ سايلاۋ قورىنان تولەندى.

 

Abai.kz

0 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1572
ءالىپبي

لاتىن جايى

بيجومارت قاپالبەك 1638