ۇكىمەتتە پرەمەر-ءمينيستردىڭ ورىنباسارى التاي كولگىنوۆتىڭ توراعالىعىمەن سۇلتان بەيبارىستىڭ 800 جىلدىق مەرەيتويىن تويلاۋ جونىندەگى جۇمىس توبىنىڭ ءبىرىنشى وتىرىسى ءوتتى.

كەڭەسكە مادەنيەت جانە سپورت ءمينيسترى اسحات ورالوۆ، پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ توراعاسى نۇرتورە ءجۇسىپ، عىلىم جانە جوعارى ءبىلىم، اقپارات جانە قوعامدىق دامۋ، وقۋ-اعارتۋ، سىرتقى ىستەر ۆيتسە-مينيسترلەرى جانە استانا، الماتى، شىمكەنت قالالارى مەن وبلىستار اكىمدەرىنىڭ ورىنباسارلارى، جوو رەكتورلارى، تاريحشى-عالىمدار، جازۋشىلار وداعى، شىعارماشىلىق زيالى قاۋىم وكىلدەرى جانە ت. ب. قاتىستى.

وتىرىستا سۇلتان بەيبارىستىڭ 800 جىلدىق مەرەيتويىن اتاپ ءوتۋ جونىندەگى ءىس-شارالار جوسپارى تالقىلانىپ، ءبىراۋىزدان بەكىتىلدى.

مەرەيتوي اياسىندا 500-دەن استام ءىس-شارا وتكىزۋ جوسپارلانۋدا، ولاردىڭ 50-گە جۋىعى حالىقارالىق جانە ۇلتتىق دەڭگەيدە وتەدى. بۇل ءىس-شارالار ۇلى باتىردىڭ مۇراسىن مادەني-تانىمدىق جانە اعارتۋشىلىق باعىتتاردا ناسيحاتتاۋدى كوزدەيدى.

ماسەلەن، كاير قالاسىندا سۇلتان بەيبارىس مەشىتىنىڭ سالتاناتتى اشىلۋى، قازاقستاننىڭ مىسىرداعى مادەنيەت كۇندەرى، تۇركىستان وبلىستىق ش. قالداياقوۆا اتىنداعى فيلارمونياسىنىڭ، «سۇگىر» ۇلتتىق اسپاپتىق وركەسترىنىڭ كونتسەرتى وتەدى.

سونداي-اق تۇركسوي حالىقارالىق ۇيىمىمەن بىرلەسىپ تۇركىتىلدەس ەلدەردىڭ اقىن-جازۋشىلارىنىڭ شىعارماشىلىق جارىسىن ء(مۇشايرا), كاير قالاسىنان تۇركىستانعا يسلام ونەرى مۇراجايى قورىنان «ماملۇكتەر ءداۋىرى» جىلجىمالى كورمەسىن وتكىزۋ جوسپارلانىپ وتىر.

كەڭەس بارىسىندا پرەمەر-ءمينيستردىڭ ورىنباسارى التاي كولگىنوۆ ءبىزدىڭ قۇندىلىقتارىمىزدى قۇرمەتتەۋ، ءال-فارابي، اباي، بەيبارىس سۇلتان سياقتى الىپ تۇلعالاردىڭ ۇلى ىستەرىن دارىپتەۋ ۇرپاقتار الدىنداعى ورتاق پارىز ەكەنىن اتاپ ءوتتى.

Abai.kz