رەسەيلىك «روساتومنىڭ» ەنشىلەس كومپانيالارى قازاقستاندا ۋران وندىرىسىمەن اينالىساتىن 3 ءىرى كاسىپورىننىڭ ۇلەسىن الماق. بۇل تۋرالى «كازتاگ» حابارلادى.

قازاقستان ۋرانىنان قوماقتى ۇلەس الاتىن كومپانيا اتاۋى - «ۋرانيۋم ۋان گرۋپ». ول ماسكەۋدە تىركەلگەن جانە رەسەيلىك ءىرى «روساتوم» مەملەكەتتىك وكرپوراتسياسىنىڭ مۇشەسى.

ال رەسەيلىك«ۋرانيۋم ۋان گرۋپ» كومپانياسىنا ۇلەس ساتۋعا رۇقسات بەرىلگەن قازاقستاندىق 3 ءىرى كاسىپورىن: Uranium One Netherlands B.V.، Uranium One Utrecht B.V. جانە Uranium One Rotterdam B.V.

«1. Uranium One Netherlands B.V. كومپانياسىنا «قاراتاۋ» جشس قاتىسۋ ۇلەسىنىڭ 50% -ىن «ۋراني ۋان گرۋپ» پايداسىنا يەلىكتەن شىعارۋعا رۇقسات ەتىلسىن. 2. Uranium One Utrecht B. V. كومپانياسىنا «حوراسان-U (حوراسان-ۋ)» بىرلەسكەن كاسىپورنى جشس قاتىسۋ ۇلەسىنىڭ 30%-ىن «ۋراني ۋان گرۋپ» پايداسىنا يەلىكتەن شىعارۋعا رۇقسات ەتىلسىن. 3. Uranium One Rotterdam B. V. كومپانياسىنا وڭتۇستىك تاۋ-كەن - حيميا كومپانياسى «بىرلەسكەن كاسىپورنى» جاۋاپكەرشىلىگى شەكتەۋلى سەرىكتەستىگىندەگى قاتىسۋ ۇلەسىنىڭ 70%-ىن «ۋراني ۋان گرۋپ» پايداسىنا يەلىكتەن شىعارۋعا رۇقسات ەتىلسىن»، - دەلىنگەن قازاقستان ۇكىمەتىنىڭ قاۋلىسىندا.

وسىلايشا رەسەيلىڭ «روساتوم»، دالىرەك ايتساق، ونىڭ ەنشىلەس كومپانياسى قازاقستاندىق 3 بىردەي ءىرى كاسىپورىننان قوماقتى ۇلەس الماق.

Abai.kz