رەسپۋبليكا بويىنشا سۋ قۇبىرلارىنىڭ 43%، كارىز جەلىلەرىنىڭ 55%-ى توزاعان. مۇنداي دەرەكتەر يندۋستريا جانە ينفروقۇرىلىمدىق دامۋ مينيسترلىگى اشىق تالقىعا شىعارعان «2023-2029 جىلدارعا ارنالعان تۇرعىن ءۇي-كوممۋنالدىق ينفراقۇرىلىمىن دامىتۋ تۇجىرىمداماسىندا» جازىلعان.

«جەرگىلىكتى اتقارۋشى ورگانداردىڭ 2023 جىلدىڭ باسىنداعى جەدەل دەرەكتەرى بويىنشا رەسپۋبليكادا 98 مىڭ كم سۋ قۇبىرى جەلىلەرى جانە جانە 17 مىڭ كم كارىز جەلىلەرى بار. 2022 جىلدىڭ قورىتىندىسىنا سايكەس، سۋ قۇبىرى جەلىلەرىنىڭ ورتاشا توزۋى – 43%، كارىز جەلىلەرىنىڭ توزۋى – 55%. تۇتاستاي العاندا، 25 جىلداعى سەنىمدى پايدالانۋدىڭ نورماتيۆتىك مەرزىمىنە سۇيەنە وتىرىپ، شامامەن 51 كم جەلى كۇردەلى جوندەۋدى نەمەسە ولاردى تولىق اۋىستىرۋدى تالاپ ەتەدى»، - دەلىنگەن تۇجىرىمدامادا.

بۇعان قوسا، تۇجىرىمدامادا اۋىز سۋدىڭ ساپاسىنا قاتىستى دا ماسەلە كوتەرىلگەن. اتاپ ايتقاندا، وتكەن جىلى قۇبىرلاردان الىنعان اۋىز سۋ سىناماسىنىڭ 3,9%-ى سانيتارلىق تالاپقا ساي بولماي شىققان.

قۇجات 15 ناۋرىزعا دەيىن كوپشىلىك تالقىلاۋدا بولادى.

Abai.kz