ورتالىق سايلاۋ كوميسسياسىنا 12 032 550 داۋىس بەرۋشى تىركەلدى.

«قر سايلاۋ تۋرالى زاڭعا سايكەس جەرگىلىكتى اتقارۋشى ورگاندار سايلاۋشىلار ءتىزىمىن قالىپتاستىرۋى ءتيىس. ال اۋماقتىق سايلاۋ كوميسسياسى اكت بويىنشا سايلاۋشىلار ءتىزىمىن ۋاقتىلى قابىلداپ، باقىلاۋدا ۇستاۋ قاجەت. سايلاۋشىلار ءتىزىمى ەكى كۇننىڭ ىشىندە ەلەكتروندى تۇردە ورتالىق سايلاۋ كوميسسياسىنا ۇسىنىلدى. ءار سايلاۋشى جەرگىلىكتى اتقارۋشى ورگاندا داۋىس بەرۋشى رەتىندە تىركەلۋگە قۇقىلى. ەگەر ازامات سايلاۋعا دەيىن 30 كۇننىڭ ىشىندە تۇرعىلىقتى جەرىندە بولمايتىن جاعدايدا ءوزى بولاتىن جەردە تىركەلىپ، سايلاۋعا قاتىسا الادى»، – دەدى ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ.

ونىڭ ايتۋىنشا، سايلاۋشىلار ءتىزىمىن جاساقتاۋعا قاتىستى 17 310 ءوتىنىش كەلىپ تۇسكەن، ناتيجەسىندە 48 001 ازامات سايلاۋشى رەتىندە تىركەلدى.

«سايلاۋشىلار ءتىزىمىن جاساۋ بارىسىندا رەسپۋبليكا بويىنشا 12 032 550 داۋىس بەرۋشى تىركەلدى. 4 ناۋرىزدان باستاپ قازاقستاندىقتار ءوزىن سايلاۋشىلار تىزىمىندە بار-جوعىن جانە دۇرىستىعىن تەكسەرە الادى»، - دەيدى ول.

ەسكە سالايىق، 19 ناۋرىزدا ءماجىلىس جانە ءماسليحاتتار دەپۋتاتتارىنىڭ سايلاۋى وتەدى.

Abai.kz