دۇيسەنبى, 5 ماۋسىم 2023
دەپ جاتىر 1940 21 پىكىر 27 اقپان, 2023 ساعات 10:40

پۋتين: رەسەي ىدىراسا، ورىس جوق بولۋى مۇمكىن!

«ەگەر باتىستىڭ دەگەنى بولىپ، رەسەي ىدىرايتىن بولسا، ورىس حالقى امان قالماۋى مۇمكىن. موسكوۆيتتەر، ۋرالدىقتار ت.ب. بوپ بولىنەدى»، - دەيدى رەسەي پرەزيدەنتى ۆلاديمير پۋتين. ول بۇل پىكىردى «روسسيا-1» ارناسىنداعى «موسكۆا. كرەمل. پۋتين» باعدارلاماسىندا ايتقان.

«ەگەر ءبىز وسى جولمەن كەتسەك (رەسەيدىڭ ىدىراۋىن ايتادى), وندا كوپتەگەن ۇساق مەملەكەتتەر پايدا بولادى. ول جاعدايدا بارلىعى وزگەرەدى. ءتىپتى، ورىس دەگەن حالىقتىڭ امان ساقتالۋى ەكىتالاي. موسكوۆيتتەر نەمەسە ۋرالدىقتار بولۋى مۇمكىن. ال ءبىرتۇتاس حالىق رەتىندە امان قالمايدى»، - دەيدى پۋتين.

رەسەي پرەزيدەنتى: «الەم جۇرتى، اسىرەسە اقش پەن باتىس رەسەيگە جاۋلىق كوزقاراستا. ولار رەسەيدى ىدىراتقىسى كەلەدى»، - دەگەن ەسكى ريتوريكاسىن تاعى قايتالاپتى.

«رەسەيدى ىدىراتۋ جوسپارى قاعازعا تۇسىرىلگەن. باتىستىڭ تۇپكى ماقساتى وسى. مەن مەملەكەتارالىق قارىم-قاتىناستاردى، ءوزارا سەرىكتەستىكتى بارىنشا بەيبىت قالىپتاستىرۋعا تىرىستىم. بىراق، جوسپاردىڭ اتى جوسپار. سوۆەت وداعىنىڭ ىدىراۋىنان كەيىن الەمدى وزدەرىنە يكەمدەپ العىسى كەلگەن باتىستىڭ ارەكەتىنىڭ اقىرى وسى جاعدايعا اكەلىپ سوقتىردى. ءبىز رەاكتسيا كورسەتۋگە ءماجبۇر بولدىق»، - دەيدى.

Abai.kz

21 پىكىر