جۇما, 29 ناۋرىز 2024
الاڭ 3710 9 پىكىر 24 اقپان, 2023 ساعات 13:21

قىتايدىڭ ۇسىنىسى. «ىشىندە شايتان جاتقان كەلىسىم»

رەسەي مەن ۋكراينانىڭ قارۋلى قاقتىعىسىنا جىل تولدى. ۋكراين حالقى جەڭىسكە سەنىمدى. كەشەگى كۇنگى ساۋالناما ناتيجەسى بويىنشا ۋكراينا ازاماتتارىنىڭ 95 پايىزى جەڭىس قوڭىراۋى سوعىلاتىن كۇن جاقىن دەسە، زەلەنسكيدى قولداۋشىلاردىڭ ۇلەسى دە 90 پايىزعا جەتكەن.

سوعىس باستالار الدىندا ونى قولدايتىنداردىڭ ۇلەسى 36 پايىز بولعانىن ەسكەرۋ كەرەك. داتالى كۇندە الەم ەلدەرى دە قاۋىمداستىق بولىپ، جەكە بولىپ، ۋكرايناعا قولداۋ ءبىلدىرىپ جاتىر. ولاردىڭ الدىنعى لەگىندە ارينە اقش پەن ەۋروپا ەلدەرى تۇرعانى جۇرتقا ءمالىم. اق ءۇي باسشىسى دۇيسەنبى كۇنى كيەۆكە ارنايى كەلىپ قايتتى. ناتو ەلدەرى دە كيەۆكە اعىلىپ، اسكەري كومەكتى كۇشەيتىپ جاتىر.

كەشە بىرىككەن ۇلتتار ۇيىمى دا رەسەيدى ايىپتاپ، ۋكراينادان شارتسىز تۇردە اسكەرىن الىپ كەتۋگە ۇندەيتىن قارار قابىلدادى. ول قاراردى 193 مەملەكەتتىڭ 141-ءى قولدادى. 7 مەملەكەت قارسى داۋىس بەردى. 32-ءسى قالىس قالدى.

دەسە دە بۇل قۇجاتتىڭ ءىس جۇزىندىك قۋاتى جوق. بىلتىر سوعىس باستالعاندا رەسەيدىڭ شاپقىنشىلىعىن ايىپتاپ، وسىنداي قارار قابىلداعان. داۋىس سانى دا بيىلعىمەن قارايلاس بولعان. ول قارار رەسەي تۇراقتى جورا بولىپ تابىلاتىن قاۋىپسىزدىك كەڭەسىنىڭ ماقۇلداۋىنان وتپەگەن سوڭ ءسوز جۇزىندە قالعان.

جاقىندا «ميۋحەن قاۋىپسىزدىك كەڭەسى» باسقوسۋىنا قاتىسقان قىتاي سىرتقى ىستەر باسشىسى قىتايدىڭ دا ۋكراينا مەن رەسەي قاقتىعىسىن رەتتەيتىن بەيبىتشىلىك جوباسى بار ەكەنىن جاريا ەتكەن. ۋكراينا سىرتقى ىستەر ءمينيسترى كۋلەبا كەشە ونىڭ ءىشىنارا مازمۇنىمەن تانىسقانىن ايتقان ەدى. زەلەنسكي دە ءۇشىنشى تاراپتىڭ، اسىرەسە، ىقپالدى ەلدەردىڭ ارا اعايىندىق جاساۋىنا قارسى ەمەس ەكەنىن جەتكىزگەن.

بۇگىن قىتايدىڭ اتالمىش بەيبىتشىلىك قارارىنىڭ مازمۇنى جاريالاندى. 12 تارماقتان تۇراتىن اتالمىش قاراردا ەكى تاراپتى بىرىككەن ۇلتتار ۇيىمىنىڭ جارعىسىندا ايتىلعان تاۋەلەلسىزدىك تالابىن قاتاڭ ساقتاۋعا، يادرولىق نىساندارعا قاۋىپ توندىرمەۋگە، قارا تەڭىزدەگى استىق تاسىمالىنا كەدەرگى كەلتىرمەۋگە، سوعىستى كەلىسسوز ارقىلى شاشۋگە شاقىرعان. ءۇشىنشى تاراپتىڭ ۋكرايناعا قارۋ بەرۋىن ايىپتاپ، سوعىستى ودان ارى ورشىتەتىن امال دەپ تۇيىندەگەن. سانكتسيانى ءوزىم بىلەمدىكپەن ءبىر جاقتى ەمەس، قاۋىپسىزدىك كەڭەسىنىڭ ماقۇلداۋىنان سوڭ قىبىلداۋعا ۇندەگەن.

ساراپشىلار قىتايدىڭ ۇسىنىسىن امەريكانى ايىپتاپ، ۋكراينانى رەسەيگە جىعىپ بەرەتىن قارار دەپ باعالاۋدا. گەرمانيا باسشىسى ونىڭ الدىندا تىلشىلەرگە قىتايدان ەش ءۇمىت كۇتپەيتىنىن ايتقان ەكەن. رەسەيدىڭ كوڭىلىنەن شىققان قىتاي جوباسىن ۋكراينا سىرتقى ىستەر باسشىسى: «ىشىندە شايتان جاتىر» دەپ باعالاعان.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618